കൊച്ചി: കേരള സർക്കാരിന് കനത്ത തിരിച്ചടിയായി കീം പരീക്ഷ ഫലം ഹൈക്കോടതി റദ്ദാക്കി. പരീക്ഷയ്ക്കു ശേഷം സർക്കാർ വെയ്റ്റേജ് മാറ്റിയ നടപടി നിയമപരമല്ല എന്ന് വ്യക്തമാക്കിയാണ് ഹൈക്കോടതി ഫലം റദ്ദാക്കിയത്. കീമിന്റെ പ്രോസ്പെക്ടസിൽ അടക്കം മാറ്റം വരുത്തിയത് ചോദ്യം ചെയ്ത് വിദ്യാർഥികൾ ഹൈക്കോടതിയിൽ നൽകിയ ഹരജിയിലാണ് കോടതി നടപടി. കേരള സിലബസിൽ പരീക്ഷ എഴുതിയ വിദ്യാർഥികളെ വിധിക്കും. വിധിക്കെതിരെ സർക്കാർ അപ്പീൽ നൽകും

ജസ്റ്റീസ് ഡി.കെ സിങാണ് ഫലം റദ്ദാക്കിയതായി ഉത്തരവിട്ടത്. എൻജിനിയറിങ് പ്രവേശനത്തിനുള്ള പ്രവേശന പരീക്ഷയുടെ റാങ്ക് നിർണയ രീതി സിബിഎസ്ഇ സിലബസ് വിദാർഥികളെ ദോഷകരമായി ബാധിക്കുന്നെന്ന് കാണിച്ചാണ് വിദ്യാർഥികൾ ഹരജി നൽകിയത്. പ്രവേശന നടപടികൾ തുടങ്ങാനിരിക്കെയുള്ള കോടതി വിധി സർക്കാരിനൊപ്പം പ്രവേശനം കാത്തിരുന്ന വിദ്യാർഥികൾക്കും തിരിച്ചടിയാകും. ജൂലൈ ഒന്നിനാണ് ഉന്നതവിദ്യാഭ്യാസ മന്ത്രി ആർ. ബിന്ദു കേരള എൻജിനീയറിങ്, ഫാർമസി പ്രവേശന പരീക്ഷ ഫലങ്ങൾ പ്രഖ്യാപിച്ചത്. 

ALSO READ: ഗുജറാത്ത് വഡോദരയിൽ പാലം തകർന്ന് വാഹനങ്ങൾ നദിയിൽ വീണു; മൂന്ന് മരണം, തകർന്നത് 45 വർഷം പഴക്കമുള്ള പാലം

വിധിക്കെതിരെ സർക്കാർ അപ്പീൽ നൽകും. ഹൈക്കോടതി ഡിവിഷൻ ബെഞ്ചിനെ സമീപിക്കും. ഉടൻ അപ്പീൽ പരിഗണിക്കണമെന്ന് ആവശ്യം കൂടി സർക്കാർ കോടതിയിൽ ഉന്നയിക്കും. കേരള സിലബസുകാർക്കാണ് കേരള ഹൈക്കോടതിയുടെ വിധി തിരിച്ചടിയാവുക. സംസ്ഥാന, സിലബസുകൾ ഏകീകരിക്കാൻ കൊണ്ടുവന്ന മാനദണ്ഡമാണ് കോടതി റദ്ദാക്കിയത്. 

In a major blow to the Kerala government, the High Court has cancelled the KEAM results, citing that the post-exam change in weightage criteria was legally invalid. The court ruled that the government’s decision to alter the weightage after the examination — including changes made in the KEAM prospectus — violated legal norms. The verdict came in response to petitions filed by students challenging the changes, particularly regarding the treatment of students from the Kerala syllabus.