കുവൈത്ത് സിറ്റി: ഗാര്‍ഹിക തൊഴിലാളികള്‍ക്ക് രാജ്യം വിടാന്‍ എക്‌സിറ്റ് പെര്‍മിറ്റ് ആവശ്യമാണെന്ന സോഷ്യല്‍ മീഡിയയിലെ തെറ്റായ പ്രചാരണങ്ങള്‍ നിഷേധിച്ച് കുവൈത്ത് പബ്ലിക് അതോറിറ്റി ഫോര്‍ മാന്‍പവര്‍ (PAM). സഹേല്‍ ആപ്പ് വഴി സ്‌പോണ്‍സര്‍മാര്‍ ഗാര്‍ഹിക തൊഴിലാളികള്‍ക്ക് എക്‌സിറ്റ് പെര്‍മിറ്റിന് അപേക്ഷിക്കണമെന്നും അനുബന്ധ രേഖകള്‍ അപ്‌ലോഡ് ചെയ്യണമെന്നും വ്യാജ പോസ്റ്റുകള്‍ അവകാശപ്പെട്ടിരുന്നു. ഇത്തരം നടപടിക്രമങ്ങള്‍ നിലവിലില്ലെന്നും ഗാര്‍ഹിക തൊഴിലാളികള്‍ക്ക് എക്‌സിറ്റ് പെര്‍മിറ്റ് ആവശ്യമില്ലെന്നും അധികൃതര്‍ വ്യക്തമാക്കി.

ALSO READ: ഗൾഫ് രാജ്യങ്ങളിൽ ഒന്നാമത്; ആഗോളതലത്തിൽ 21-ാം സ്ഥാനം; വേൾഡ് ഹാപ്പിനസ് റിപ്പോർട്ടിൽ യുഎഇയുടെ സർവ്വാധിപത്യം

സ്വകാര്യ മേഖലയിലെ തൊഴിലാളികള്‍ക്ക് ജൂലൈ 1 മുതല്‍ എക്‌സിറ്റ് പെര്‍മിറ്റ് നിര്‍ബന്ധമാക്കിയിരുന്നെങ്കിലും ഗാര്‍ഹിക തൊഴിലാളികളെ ഈ നിയമത്തില്‍ നിന്ന് ഒഴിവാക്കിയിട്ടുണ്ട്. ഔദ്യോഗിക നടപടിക്രമങ്ങള്‍ ആരംഭിച്ചിട്ടില്ലെന്നും, തെറ്റായ വിവരങ്ങള്‍ പ്രചരിപ്പിക്കുന്നത് ഒഴിവാക്കണമെന്നും അതോറിറ്റി അഭ്യര്‍ഥിച്ചു. വിവരങ്ങള്‍ക്ക് സര്‍ക്കാര്‍ ഉറവിടങ്ങളെ മാത്രം ആശ്രയിക്കാന്‍ പൊതുജനങ്ങളോട് അതോറിറ്റി ആവശ്യപ്പെട്ടു.

Kuwait’s Manpower Authority confirms that the newly discussed exit permit law will not apply to domestic workers, easing concerns among expatriate households and workers in the country.