കൊച്ചി: ചരക്കുസേവന നികുതി വകുപ്പ് വാട്‌സ്ആപ്പിലൂടെ അയക്കുന്ന കണ്ടുകെട്ടല്‍ നോട്ടിസുകള്‍ക്ക് നിയമ സാധുതയില്ലെന്ന് ഹൈക്കോടതി. കൊവിഡുകാലത്ത് താല്‍ക്കാലികമായി അനുവദിച്ചിരുന്ന രീതി തുടരുന്നത് നിയമപരമല്ല. നിയമപരമായ നോട്ടിസുകള്‍ ഇത്തരത്തില്‍ നല്‍കുന്നത് കേന്ദ്ര ജി.എസ്.ടി ആക്ടിന് വിരുദ്ധമെന്നും ചീഫ് ജസ്റ്റിസ് നിധിന്‍ ജാംദാര്‍, ജസ്റ്റിസ് ബസന്ത് ബാലാജി എന്നിവരടങ്ങുന്ന ഡിവിഷന്‍ബെഞ്ച് വ്യക്തമാക്കി. വാട്‌സ്ആപ്പ് വഴി നോട്ടിസ് അയച്ച ശേഷം കുടിവെള്ള ടാങ്കര്‍ കണ്ടുകെട്ടിയതിനെതിരേ ഉടമ നല്‍കിയ അപ്പീല്‍ ഹരജിയിലാണ് ഉത്തരവ്. വാഹനവുമായി ബന്ധപ്പെട്ട നോട്ടിസോ കണ്ടുകെട്ടല്‍ ഉത്തരവുകളുടെ പകര്‍പ്പോ തനിക്ക് കിട്ടിയിട്ടില്ലെന്നായിരുന്നു ഹരജിക്കാരന്റെ വാദം. എന്നാല്‍, വാട്‌സ്ആപ്പ് വഴി നോട്ടിസ് അയയ്ക്കുകയും ഹരജിക്കാരനുമായി ആവര്‍ത്തിച്ച് ആശയ വിനിമയം നടത്തിയിട്ടുമുണ്ടെന്നായിരുന്നു ജി.എസ്.ടി വകുപ്പിന്റെ വിശദീകരണം. സംസ്ഥാന ജി.എസ്.ടി വകുപ്പിലെ എന്‍ഫോഴ്‌സ്‌മെന്റ് ഓഫിസര്‍ ഹരജിക്കാരന്റെ വാഹനം കണ്ടുകെട്ടിയതുമായി ബന്ധപ്പെട്ട് സ്വീകരിച്ച നടപടികളില്‍ ഗുരുതര വീഴ്ചയുണ്ടെന്ന് ബെഞ്ച് വിലയിരുത്തി.

The Kerala High Court has ruled that notices for seizure sent via WhatsApp by the Goods and Services Tax (GST) department lack legal validity. A Division Bench led by Chief Justice Nithin Jamdar and Justice Basant Balaji stated that continuing this practice, temporarily allowed during the COVID-19 pandemic, is not legally permissible and contradicts the Central GST Act ¹.