ടെസ്റ്റ് ക്രിക്കറ്റിലെ ബ്രെയാൻ ലാറയുടെ 400 റൺസിന്റെ റെക്കോർഡ് തകർക്കാൻ സൗത്ത് ആഫ്രിക്കൻ താരം വിയാൻ മൾഡർക്ക് സുവർണാവസരം ലഭിച്ചിരുന്നു. സിംബാബ്‌വെക്കെതിരായ രണ്ടാം ടെസ്റ്റിൽ വിയാൻ മൾഡർ 367 റൺസുമായി ക്രീസിൽ നിൽക്കെ രണ്ടാം ദിനത്തിന്റെ ഒന്നാം സെഷന് ശേഷം ദക്ഷിണാഫ്രിക്ക 626/5 എന്ന കൂറ്റൻ സ്കോറിൽ ഇന്നിംഗ്സ് ഡിക്ലയർ ചെയ്യുകയായിരുന്നു.  

400 റൺസ് എത്തുന്നതിനു മുമ്പേ ഡിക്ലയർ ചെയ്ത മൾഡറിന്റെ ഈ തീരുമാനത്തിനെ വിമർശിച്ചുകൊണ്ട്‌ ധാരളം ആളുകൾ രംഗത്തെത്തിയിരുന്നു. ഇപ്പോൾ തന്റെ ഈ തീരുമാനത്തിൽ ബ്രെയാൻ ലാറയിൽ നിന്നും ലഭിച്ച മറുപടിയെക്കുറിച്ച് സംസാരിക്കുകയാണ് മൾഡർ. തന്റെ റെക്കോർഡ് തകർക്കാനായി മുന്നോട്ട് പോവനമായിരുന്നെന്നും മറ്റൊരു അവസരം ലഭിച്ചാൽ റെക്കോർഡ് തകർക്കാൻ തന്നോട് ആവശ്യപ്പെട്ടുവെന്നുമാണ് സൗത്ത് ആഫ്രിക്കൻ ക്യാപ്റ്റൻ വ്യക്തമാക്കിയത്. 

"ഇപ്പോൾ കാര്യങ്ങൾ അല്പം ശാന്തമായതിനാൽ, ഞാൻ ബ്രയാൻ ലാറയുമായി സംസാരിച്ചു. അപ്പോൾ ഞാൻ സ്വന്തമായൊരു ലെഗസി സൃഷ്ടിക്കുകയാണെന്ന് അദ്ദേഹം പറഞ്ഞു. ഞാൻ ആ റേസ്‌കോഡ് തകർക്കാനായി പോകേണ്ടതായിരുന്നുവെന്ന് അദ്ദേഹം എന്നോട് പറഞ്ഞു. ഞാൻ വീണ്ടും ഇത്തരത്തിലൊരു സാഹചര്യത്തിൽ എത്തിയാൽ ഇപ്പോൾ നേടിയതിനേക്കാൾ റൺസ് സ്കോർ ചെയ്യണമെന്നും അദ്ദേഹം ആഗ്രെഹിക്കുന്നുണ്ട്'' വിയാൻ മൾഡർ സൂപ്പർസ്പോർട്ടിനോട് പറഞ്ഞു

മത്സരത്തിൽ ഡിക്ലയർ ചെയ്യാനുള്ള തീരുമാനത്തിന് പിന്നിലുള്ള കാരണത്തെക്കുറിച്ചും മൾഡർ പറഞ്ഞിരുന്നു. ലാറയുടെ 400 റൺസിന്റെ ലോക റെക്കോർഡിനോടുള്ള ബഹുമാനമാണ് ഈ അപ്രതീക്ഷിത തീരുമാനത്തിന് പിന്നിലെന്ന് മൾഡർ വ്യക്തമാക്കിയത്. ടീമിന് ജയത്തിന് ആവശ്യമായ റൺസ് ലഭിച്ചുവെന്നും, ഇതിഹാസ താരങ്ങളാണ് ഇത്തരം റെക്കോർഡുകൾക്ക് അർഹരെന്നും  ഭാവിയിൽ സമാന അവസരം ലഭിച്ചാലും തന്റെ തീരുമാനം മാറില്ലെന്നും മൾഡർ പറഞ്ഞു. 

Wlaan Mulder explains how Lara reacted to the decision not to break the 400-run record in test cricket