മദീന: കേരളത്തിൽ നിന്നും പരിശുദ്ധ ഹജ്ജ് നിർവഹിക്കാനെത്തിയ മലയാളി ഹാജിമാർ ഹജ്ജ് നിർവഹിച്ച ശേഷം മദീനയിലെത്തി സന്ദർശനം പൂർത്തിയാക്കി നാട്ടിലേക്ക് മടങ്ങി. മദീനയിൽ പ്രവാചകൻ മുഹമ്മദ് നബിയെ സിയാറത് ചെയ്ത് നാട്ടിലേക്ക് മടങ്ങുന്ന അവസാനത്തെ ഹജ്ജ് സംഘത്തെ വിഖായയുടെ നേതൃത്വത്തിൽ യാത്രയയപ്പ് നൽകി.

സമസ്ത നൂറാം വാർഷിക പ്രചരണാർത്ഥം ഹാജിമാർക്ക് പ്രത്യേക ഗിഫ്റ്റുകൾ നൽകിയാണ് അവസാന സംഘത്തെ നാട്ടിലേക്ക് അയച്ചത്. രണ്ട് ഹോട്ടലുകളിലായി താമസിച്ച അവസാന സംഘത്തിന് അബ്ദുള്ള ദാരിമി,  സുലൈമാൻ ഹാജി, ശിഹാബ് സാലിഹി, അശ്റഫ് തില്ലങ്കേരി, മജീദ് പാവുകോണം, റാശിദ് ദാരിമി, ഷാൻ കൈകോട്ട് കടവ്, ശക്കീർ കീഴിശ്ശേരി, കിനാനത്ത് അഹ്‌മദ്കോയ - തുടങ്ങിയവർ സന്നിഹ് തരായിരുന്നു.