ഷാര്‍ജ: യുനെസ്‌കോയുടെ ലോക പൈതൃക പട്ടികയില്‍ യുണൈറ്റഡ് അറബ് എമിറേറ്റ്‌സിലെ അല്‍ ഫായ സൈറ്റ് ഉള്‍പ്പെടുത്തിയതിനെ ഷാര്‍ജയിലെ ഇസ്‌ലാമിക് വേള്‍ഡ് എജുകേഷനല്‍, സയന്റിഫിക് ആന്‍ഡ് കള്‍ച്ചറല്‍ ഓര്‍ഗനൈസഷന്‍ (ഐസെസ്‌കോ) റീജിയണല്‍ ഓഫിസ് ഡയരക്ടര്‍ സാലം ഉമര്‍ സാലം പ്രശംസിച്ചു. യു.എ.ഇ സുപ്രീം കൗണ്‍സില്‍ അംഗവും ഷാര്‍ജ ഭരണാധികാരിയുമായ ശൈഖ് ഡോ. സുല്‍ത്താന്‍ ബിന്‍ മുഹമ്മദ് അല്‍ ഖാസിമിയുടെ ദര്‍ശനവും, വര്‍ത്തമാന കാലത്തെ രൂപപ്പെടുത്തുന്നതിലും ഭാവിയെ വിഭാവനം ചെയ്യുന്നതിലും മനുഷ്യ പൈതൃകത്തിന്റെ മൂല്യത്തിലുള്ള അദ്ദേഹത്തിന്റെ ആഴമായ വിശ്വാസവും പ്രതിഫലിപ്പിക്കുന്ന അര്‍ഹമായ ചരിത്ര നാഴികക്കല്ലാണിതെന്ന് സാലം ഉമര്‍ ഈ നേട്ടത്തെ വിശേഷിപ്പിച്ചു.

🔴 BREAKING!

New inscription on the @UNESCO #WorldHeritage List: Faya Palaeolandscape, #UnitedArabEmirates 🇦🇪.

➡️ https://t.co/seTyyVu3sT #47WHC pic.twitter.com/USRE5oGW0D

— UNESCO 🏛️ #Education #Sciences #Culture 🇺🇳 (@UNESCO) July 11, 2025

ഷാര്‍ജ എമിറേറ്റ് നേതൃത്വം നല്‍കിയ വര്‍ഷങ്ങളുടെ ശാസ്ത്രീയവും അക്ഷീണവുമായ പ്രവര്‍ത്തനത്തിന് ഈ അന്താരാഷ്ട്ര അംഗീകാരം മകുടോദാഹരണമാണെന്ന് അദ്ദേഹം ഊന്നിപ്പറഞ്ഞു. അല്‍ ഫായയുടെ നാമനിര്‍ദേശ ഫയലിന്റെ അംബാസഡര്‍ എന്ന നിലയില്‍, 200,000 വര്‍ഷങ്ങള്‍ക്ക് മുമ്പുള്ള ആദ്യ കാല മനുഷ്യ വികസനത്തിന്റെയും കുടിയേറ്റ പാതകളുടെയും ഏറ്റവും പഴയ പുരാവസ്തു തെളിവുകളിലൊന്നായി നിലകൊള്ളുന്ന ഈ അതുല്യമായ സ്ഥലത്തിന്റെ ആഗോള അംഗീകാരം നേടുന്നതിനായി ശൈഖ് സുല്‍ത്താന്റെ മാര്‍ഗ നിര്‍ദേശത്തില്‍ തന്റെ സാംസ്‌കാരിക വൈദഗ്ധ്യം പ്രകടിപ്പിച്ച ശൈഖാ ബുദൂര്‍ അല്‍ ഖാസിമിയെയും അദ്ദേഹം അഭിനന്ദിച്ചു.

 

 

യുനെസ്‌കോ വേള്‍ഡ് ഹെറിറ്റേജ് കമ്മിറ്റി ഷാര്‍ജയുടെ അല്‍ ഫായ പാലിയോ ലാന്‍ഡ്‌സ്‌കേപ്പിനെ ലോക പൈതൃക പട്ടികയില്‍ ഔദ്യോഗികമായി ഉള്‍പ്പെടുത്തിയാതോടെ, ആഗോള പൈതൃക സംരക്ഷണത്തില്‍ രാജ്യം സുപ്രധാന നേട്ടം കൈവരിച്ചിരിക്കുന്നു. അല്‍ ഐനിലെ ജബല്‍ ഹഫീത് പ്രദേശത്തിന് ശേഷം യു.എ.ഇയില്‍ രണ്ടാമതായി യുനെസ്‌കോ അംഗീകരിക്കുന്ന പ്രദേശമാണിത്. ലോക പൈതൃക പട്ടികയില്‍ ഇടം നേടുന്ന ആദ്യ മരുഭൂ പാലിയോ ലിത്തിക് സ്ഥലവുമാണിത്. ഇന്നലെ പാരിസില്‍ നടന്ന യുനെസ്‌കോയുടെ 47ാമത് വാര്‍ഷിക സെഷനിലായിരുന്നു പ്രഖ്യാപനം.

അല്‍ ഫായ എല്ലാ ജനങ്ങള്‍ക്കും അവകാശപ്പെട്ടത്: ഈസ യൂസിഫ് 

200,000 വര്‍ഷങ്ങള്‍ക്ക് മുന്‍പത്തേത് പോലെ ഈ പ്രദേശം ഇപ്പോള്‍ ലോകത്തിലെ എല്ലാ ജനങ്ങള്‍ക്കും അവകാശപ്പെട്ടതാണെന്നും, യുനെസ്‌കോയുടെ പങ്കിടുന്ന പൈതൃകത്തിന്റെയും ആഗോള സാംസ്‌കാരിക വിനിമയത്തിന്റെയും മൂല്യങ്ങളുമായി യു.എ.ഇയുടെ ആഴത്തിലുള്ള വിന്യാസം ഇതിനെ ഉള്‍പ്പെടുത്തിയതിലൂടെ സ്ഥിരീകരിക്കുന്നുവെന്നും അല്‍ ഫായയുടെ സാര്‍വത്രിക പ്രാധാന്യത്തെ എടുത്തു പറഞ്ഞ് കൊണ്ട് ഷാര്‍ജ പുരാവസ്തു അതോറിറ്റി (എസ്.എ.എ) ഡയരക്ടര്‍ ജനറല്‍ ഈസ യൂസിഫ് അഭിപ്രായപ്പെട്ടു.
ശാസ്ത്രീയ പഠനം, സാംസ്‌കാരിക മേല്‍നോട്ട ചുമതല, അന്താരാഷ്ട്ര നയതന്ത്രം എന്നിവ സംയോജിപ്പിച്ച് ശ്രദ്ധാപൂര്‍വം സംഘടിപ്പിച്ച ശ്രമത്തിന്റെ ഫലമായാണ് ഈ പട്ടിക ലിസ്റ്റ് ചെയ്യപ്പെട്ടതെന്നും, ഇതെല്ലാം പൈതൃകം, വിദ്യാഭ്യാസം, സമൂഹ വികസനം എന്നിവ സംയോജിപ്പിക്കുന്നതിനുള്ള ഷാര്‍ജയുടെ വിശാലമായ കാഴ്ചപ്പാടില്‍ വേരൂന്നിയതാണെന്നും അദ്ദേഹം അവകാശപ്പെട്ടു.

30 വര്‍ഷത്തിലേറെ നീണ്ട പുരാവസ്തു, പരിസ്ഥിതി ഗവേഷണത്തിലൂടെ ലഭിച്ച നോമിനേഷന്‍ ഫയലിനായുള്ള 12 വര്‍ഷത്തെ തയാറെടുപ്പിന്റെ പരിസമാപ്തിയാണ് ഫായയുടെ ലിഖിതം.

 

 

പൈതൃക സംരക്ഷണത്തിലെ മുന്നേറ്റം

യു.എ.ഇയും ഷാര്‍ജയും അല്‍ ഫായ സൈറ്റിനായുള്ള 2024-'30 മാനേജ്‌മെന്റ്, സംരക്ഷണ പദ്ധതി പുറത്തിറക്കി. തുടര്‍ ഗവേഷണം, സാമൂഹിക ഇടപെടല്‍, സുസ്ഥിര ടൂറിസം എന്നിവ പ്രോത്സാഹിപ്പിക്കുന്നതിനിടയില്‍ അല്‍ ഫായയുടെ മികച്ച സാര്‍വത്രിക മൂല്യം സംരക്ഷിക്കുക എന്നതാണ് ഈ റോഡ്മാപ്പ് ലക്ഷ്യമിടുന്നത്.
ദക്ഷിണാഫ്രിക്കയിലെ ക്ലാസ്സീസ് നദി ഗുഹകള്‍ പോലുള്ള അന്താരാഷ്ട്ര പ്രാധാന്യമുള്ള സ്ഥലങ്ങള്‍ക്കൊപ്പം, യുനെസ്‌കോയുടെ മനുഷ്യ പരിണാമം, പൊരുത്തപ്പെടുത്തലുകള്‍, ചിതറിക്കിടക്കല്‍, സാമൂഹിക വികസനം എന്നിവയടങ്ങിയ പ്രോഗ്രാമിലും ഫായയ്ക്ക് ദീര്‍ഘ കാല സ്ഥാനമുണ്ട്.

 

 

ശാസ്ത്ര ഗവേഷണം, സാംസ്‌കാരിക പൈതൃകം, അന്താരാഷ്ട്ര സഹകരണം എന്നിവയ്ക്ക് പതിറ്റാണ്ടുകളായി മുന്‍ഗണന നല്‍കിയ യു.എ.ഇ സുപ്രീം കൗണ്‍സില്‍ അംഗവും ഷാര്‍ജ ഭരണാധികാരിയുമായ ശൈഖ് ഡോ. സുല്‍ത്താന്‍ ബിന്‍ മുഹമ്മദ് അല്‍ ഖാസിമിയുടെ അക്ഷീണ പരിശ്രമത്തെ ഈ ആഗോള അംഗീകാരം പ്രതിഫലിപ്പിക്കുന്നു.
ലോക പൈതൃക പട്ടികയില്‍ ഇപ്പോള്‍ 168 രാജ്യങ്ങളിലായി 1,226 സാംസ്‌കാരികമോ പ്രകൃതിദത്തമോ, അല്ലെങ്കില്‍ സമ്മിശ്ര പ്രാധാന്യമോ ഉള്ള സ്വത്തുക്കള്‍ ഉള്‍പ്പെടുന്നു. ഇതില്‍ 18 രാജ്യങ്ങളിലായി 96 സ്ഥലങ്ങള്‍ അറബ് മേഖലയിലാണ് സ്ഥിതി ചെയ്യുന്നത്.

ALSO READ: അബൂദബി മസ്ദര്‍ സിറ്റിയില്‍ ഡ്രൈവര്‍ രഹിത വാഹന പരീക്ഷണ ഓട്ടം

ഒരു ലോക പൈതൃക സ്ഥലമെന്ന നിലയില്‍, ഫായ പാലിയോ ലാന്‍ഡ്‌സ്‌കേപ്പ് ഇപ്പോള്‍ മനുഷ്യരാശിയുടെ കൂട്ടായ സാംസ്‌കാരികവും ചരിത്രപരവുമായ പൈതൃകത്തിന്റെ ഭാഗമായി സംരക്ഷിക്കപ്പെടുന്ന സവിശേഷ സാഹചര്യമുണ്ടായിരിക്കുകയാണ്. യു.എ.ഇയെ സംബന്ധിച്ചിടത്തോളം ഇത് ആഗോളീയമായി എണ്ണപ്പെടുന്നൊരു മികച്ച നേട്ടമാണെന്നതില്‍ സംശയമില്ല.

United Nations cultural agency UNESCO has added Sharjah’s Faya Palaeolandscape to its prestigious World Heritage List, marking the United Arab Emirates' second World Heritage site and the only Arab site to be inscribed in 2025.