അബൂദബി: അബൂദബി മസ്ദര്‍ സിറ്റിയില്‍ ഡ്രൈവര്‍ രഹിത വാഹനത്തിന്റെ പരീക്ഷണ ഓട്ടം നടത്തിയതായി അബൂദബി മീഡിയ ഓഫിസ് അറിയിച്ചു. സ്മാര്‍ട്ട് മൊബിലിറ്റി പ്രൊവൈഡര്‍ സൊല്യൂഷന്‍സിന്റെ പങ്കാളിത്തത്തോടെ ഇന്റഗ്രേറ്റഡ് ട്രാന്‍സ്‌പോര്‍ട്ട് സെന്റര്‍ (ഐ.ടി.സി) മേല്‍നോട്ടത്തിലാണ് പരീക്ഷണം നടത്തിയത്. സ്വയം നിയന്ത്രിത വാഹനങ്ങള്‍ സുരക്ഷയും മറ്റ് മാനദണ്ഡങ്ങളും പാലിക്കുന്നുണ്ടെന്ന് ഉറപ്പാക്കുക എന്നതാണ് പരീക്ഷണ ഓട്ടത്തിന്റെ ലക്ഷ്യം.

As part of the Smart and Autonomous Systems Council’s strategy and under the supervision of the Integrated Transport Centre, Masdar City has begun testing level 4 fully autonomous vehicles, in partnership with smart mobility provider Solutions+. pic.twitter.com/vxR74loCgG

— مكتب أبوظبي الإعلامي (@ADMediaOffice) July 11, 2025

2.4 കിലോമീറ്റര്‍ വ്യാപിച്ചു കിടക്കുന്ന റൂട്ടിലാണ് പരീക്ഷണം നടത്തിയത്. മസ്ദര്‍ സിറ്റി ലെവല്‍ 4 പൂര്‍ണമായും പരീക്ഷണ പരിധിയില്‍ വരുന്നു. ഇതില്‍ സീമെന്‍സ്, നോര്‍ത്ത് കാര്‍ പാര്‍ക്ക്, മൈ സിറ്റി സെന്റര്‍ മസ്ദര്‍, സെന്‍ട്രല്‍ പാര്‍ക്ക് തുടങ്ങിയ പ്രധാന സ്ഥലങ്ങള്‍ ഉള്‍പ്പെടുന്നതായി അബൂദബി മീഡിയ ഓഫിസ് അറിയിച്ചു.
ആഗോള നിര്‍മാതാക്കള്‍ക്ക് അവരുടെ ഡ്രൈവറില്ലാ വാഹനങ്ങള്‍ പരീക്ഷിക്കാനായി മസ്ദര്‍ സിറ്റിയില്‍ സൗകര്യം ഒരുക്കിയിട്ടുണ്ട്. തുടക്കത്തില്‍ സുരക്ഷാ ഉദ്യോഗസ്ഥര്‍ വാഹനങ്ങള്‍ക്കൊപ്പമുണ്ടാകും.

ALSO READ: സെബ്രനിക്ക വംശഹത്യക്ക് 30 ആണ്ട്, സെര്‍ബ് തീവ്രവാദികള്‍ മുസ്‌ലിംകളെ തിരഞ്ഞുപിടിച്ച് നടത്തിയ കൂട്ടക്കൊല, രണ്ടാംലോക മഹായുദ്ധത്തിന് ശേഷമുള്ള ഏറ്റവും വലിയ മാനുഷിക | 30 years of Srebrenica Genocide

ദുബൈയില്‍ ഈ വര്‍ഷം അവസാനത്തോടെ സ്വയം നിയന്ത്രിത വാഹനങ്ങളുടെ പരീക്ഷണ ഘട്ടം തുടങ്ങുമെന്നും അടുത്ത വര്‍ഷത്തോടെ വാണിജ്യ അടിസ്ഥാനത്തില്‍ ഡ്രൈവറില്ലാ വാഹനങ്ങള്‍ സര്‍വിസ് നടത്തുമെന്നും ദുബൈ റോഡ്‌സ് ആന്‍ഡ് ട്രാന്‍സ്‌പോര്‍ട് അതോറിറ്റി (ആര്‍.ടി.എ) അറിയിച്ചിട്ടുണ്ട്.
യൂബറും വീറൈഡും നേതൃത്വം നല്‍കുന്ന പരീക്ഷണ ഘട്ടത്തിനായുള്ള ഫീല്‍ഡ് തയാറെടുപ്പുകള്‍ ഇതിനകം തന്നെ ആരംഭിച്ചിട്ടുണ്ട്.

Masdar City in Abu Dhabi has launched trials of a self-driving shuttle service that transports passengers around a 2.4km route. If the trials prove successful the service will be deployed on a wider basis.