ലോർഡ്‌സ്: ഇന്ത്യ-ഇംഗ്ലണ്ട് ടെസ്റ്റ് മത്സരം മൂന്നാം ദിവസത്തിലേക്ക് കടന്നിരിക്കുകയാണ്. മൂന്നാം ദിനത്തിൽ ഇന്ത്യൻ വൈസ് ക്യാപ്റ്റൻ റിഷബ് പന്ത് അർദ്ധ സെഞ്ച്വറി നേടി മികച്ച പ്രകടനമാണ് നടത്തിയത്. 112 പന്തിൽ 74 റൺസ് നേടിയാണ് പന്ത് തിളങ്ങിയത്. എട്ട് ഫോറുകളും രണ്ട് സിക്സുമാണ് പന്ത് നേടിയത്. മികച്ച ഫോമിൽ ബാറ്റിംഗ് തുടരുന്നതിനിടെ റൺ ഔട്ട് ആയാണ് പന്ത് മടങ്ങിയത്. ഇംഗ്ലണ്ട് ക്യാപ്റ്റൻ ബെൻ സ്റ്റോക്‌സാണ് പന്തിനെ പുറത്താക്കിയത്. മത്സരത്തിൽ നേടിയ രണ്ട് സിക്സറുകൾക്ക് പിന്നാലെ ടെസ്റ്റിൽ ഇംഗ്ലണ്ടിനെതിരെ പുതിയ റെക്കോർഡാണ് പന്ത് സ്വന്തമാക്കിയത്. 

ഇംഗ്ലണ്ടിന്റെ മണ്ണിൽ പുതിയ റെക്കോർഡാണ് സ്വന്തമാക്കിയത്. ടെസ്റ്റിൽ ഇംഗ്ലണ്ടിനെതിരെ ഏറ്റവും കൂടുതൽ സിക്സുകൾ നേടുന്ന മാറാനാണ് പന്തിന് സാധിച്ചത്. ഇതുവരെ 36 സിക്സുകളാണ് പന്ത് ഇംഗ്ലണ്ടിനെതിരെ റെഡ് ബോൾ ക്രിക്കറ്റിൽ നേടിയിട്ടുള്ളത്. 34 സിക്സുകൾ നേടിയ മുൻ വെസ്റ്റ് ഇൻഡീസ് താരം വിവിയൻ റിച്ചാർഡ്സിനെ മറികടന്നാണ് പന്ത് ഈ റെക്കോർഡ് സ്വന്തം പേരിലാക്കി മാറ്റിയത്.

അതേസമയം ഒന്നാം ഇന്നിങ്സിൽ ഇംഗ്ലണ്ട് 387 റൺസിനാണ് പുറത്തായത്. ഇംഗ്ലണ്ടിനായി ജോ റൂട്ട് സെഞ്ച്വറി നേടി തിളങ്ങി. 199 പന്തിൽ 104 റൺസ് നേടിയാണ് റൂട്ട് തിളങ്ങിയായത്. 10 ഫോറുകൾ അടങ്ങുന്നതാണ് താരത്തിന്റെ ഇന്നിംഗ്സ്. റൂട്ടിന് പുറമെ ജാമി സ്മിത്ത്, ബ്രെയ്‌ഡൻ കാർസ് എന്നിവരും അർദ്ധ സെഞ്ച്വറി നേടി തിളങ്ങി. ജാമി സ്മിത്ത് 56 പന്തിൽ 521 റൺസാണ് നേടിയത്. ആറ് ഫോറുകളാണ് താരം നേടിയത്. കാർസ് 83 പന്തിൽ ആറ് ഫോറുകളും ഒരു സിക്‌സും ഉൾപ്പെടെ 56 റൺസും നേടി. 

ഇന്ത്യൻ ബൗളിങ്ങിൽ അഞ്ചു വിക്കറ്റുകൾ നേടി ജസ്പ്രീത് ബുംറ മികച്ച പ്രകടനമാണ് പുറത്തെടുത്തത്. മുഹമ്മദ് സിറാജ്, നിതീഷ് കുമാർ റെഡ്ഢി എന്നിവർ രണ്ട് വിക്കറ്റുകളും രവീന്ദ്ര ജഡേജ ഒരു വിക്കറ്റും സ്വന്തമാക്കി. 

Rishabh pant create a historical record in test cricket