തിരുവനന്തപുരം: നഗരൂർ മേഖലയിൽ മൂന്ന് നില കെട്ടിടത്തിൽ തീപിടുത്തം. സൂപ്പർമാർക്കറ്റ് അടക്കം പ്രവർത്തിക്കുന്ന കെട്ടിടത്തിലാണ് തീപിടുത്തമുണ്ടായത്. കെട്ടിടത്തിന്റെ ജിംനേഷ്യത്തിലാണ് ആദ്യം തീ ആളിപ്പടർന്നത്. തുടർന്ന്, അതേ കെട്ടിടത്തിലെ ഗ്യാസ് സിലിണ്ടർ ഗോഡൗണിലേക്കും തീ വ്യാപിച്ചു.

സമീപത്തുള്ള കെഎസ്എഫ്ഇ ശാഖയിലേക്ക് തീ പടരാൻ തുടങ്ങിയെങ്കിലും ഫയർഫോഴ്സിന്റെ സമയോചിതമായ ഇടപെടലിലൂടെ അത് നിയന്ത്രണവിധേയമാക്കി. തീ പൂർണമായും അണയ്ക്കാനുള്ള ശ്രമങ്ങൾ തുടരുകയാണ്. സ്ഥലത്ത് കൂടുതൽ ഫയർഫോഴ്സ് സംഘങ്ങൾ എത്തിയിട്ടുണ്ട്. പ്രാഥമിക വിവരങ്ങൾ പ്രകാരം, തീപിടുത്തത്തിൽ ആളപായമോ മരണമോ റിപ്പോർട്ട് ചെയ്തിട്ടില്ല.