പത്തനംതിട്ട: പതിനൊന്നുകാരനെ മര്‍ദ്ദിച്ച അമ്മയ്ക്കും, ആണ്‍സുഹൃത്തിനും മൂന്ന് മാസം കഠിന തടവ് വിധിച്ച് കോടതി. കോട്ടാങ്ങല്‍ സ്വദേശികളായ 45 കാരിയും, ഇവരുടെ ആണ്‍ സുഹൃത്തായ 36 കാരനുമാണ് കേസിലെ പ്രതികള്‍. അമ്മയും ആണ്‍ സുഹൃത്തിനെയും വീട്ടില്‍ വെച്ച് കണ്ട കാര്യം അച്ഛനെ അറിയിക്കുമെന്ന് പറഞ്ഞതിനാണ് കുട്ടിയെ ക്രൂരമായി മര്‍ദ്ദിച്ചത്. 

2023 ഏപ്രില്‍ 6നും 9നും ഇടയിലാണ് കേസിനാസ്പദമായ സംഭവം. അടുപ്പത്തിലായിരുന്ന പ്രതികളെ കുട്ടി രാത്രി വീട്ടില്‍ വെച്ച് കാണുകയും, ഇക്കാര്യം പിതാവിനെ അറിയിക്കുമെന്ന് കുട്ടി പറയുകയും ചെയ്തു. പ്രകോപിതനായ രണ്ടാം പ്രതി വീട്ടിനുള്ളില്‍ വെച്ച് കുട്ടിയുടെ കഴുത്തിന് കുത്തിപ്പിടിക്കുകയും, കുതറി ഓടിയ കുട്ടിയെ പിന്നാലെ ചെന്ന് കമ്പെടുത്ത് പുറത്തടിക്കുകയും ചെയ്തു. ഇതെല്ലാം കണ്ടുനിന്ന അമ്മ കുട്ടിയെ സംരക്ഷിക്കുന്നതിന് പകരം വിവരം പുറത്ത് പറഞ്ഞാല്‍ ഫാനില്‍ കെട്ടിത്തൂക്കുമെന്ന് ഭീഷണിപ്പെടുത്തുകയാണുണ്ടായത്. 

ALSO READ: എയര്‍ ഇന്ത്യ അപകടം; പ്രാഥമിക റിപ്പോര്‍ട്ട് തള്ളി പൈലറ്റ് അസോസിയേഷന്‍; പിഴവ് പൈലറ്റിന്റെ തലയില്‍ കെട്ടിവെക്കാനുള്ള ശ്രമമെന്ന് ആരോപണം 

സംഭവത്തില്‍ പെരുമ്പട്ടി പൊലിസ് കേസ് രജിസ്റ്റര്‍ ചെയ്ത് അന്വേണം ആരംഭിച്ചു. മര്‍ദനത്തിനും ഭീഷണിപ്പെടുത്തിയതിനും പോക്‌സോ നിയമത്തിലെയും ബാലനീതി നിയമത്തിലെയും ബന്ധപ്പെട്ട വകുപ്പുകള്‍ പ്രകാരം കേസെടുത്ത് അന്വേഷണം നടത്തി പ്രതികളെ അറസ്റ്റ് ചെയ്തു. ഒന്നാം പ്രതിക്ക് മൂന്ന് മാസം കഠിന തടവും 5000 രൂപ പിഴയും, രണ്ടാം പ്രതിക്ക് മൂന്ന് മാസം കഠിന തടവും 1000 രൂപ പിഴയുമാണ് കോടതി വിധിച്ചത്. അടച്ചില്ലെങ്കില്‍ യഥാക്രമം അഞ്ചുദിവസം, ഒരു ദിവസം എന്നിങ്ങനെ കഠിന തടവ് അനുഭവിക്കണമെന്നും കോടതി വ്യക്തമാക്കി. 

court has sentenced a mother and her male partner to three months of rigorous imprisonment for physically assaulting her 11-year-old son.