മനാമ: ഇന്ത്യ സന്ദര്‍ശിക്കാന്‍ ആഗ്രഹിക്കുന്ന ബഹ്‌റൈനികള്‍ക്ക് ഇനി ഇലക്ട്രോണിക് വിസാ (evisa) സംവിധാനം ഒരുക്കി ബഹ്‌റൈനിലെ ഇന്ത്യന്‍ എംബസി. ഇന്ത്യയുടെ ഇവിസാ സംവിധാനം ഔദ്യോഗികമായി ബഹ്‌റൈന്‍ പൗരന്മാര്‍ക്കായി ലഭ്യമാക്കിയതായി ബഹ്‌റൈനിലെ ഇന്ത്യന്‍ അംബാസഡര്‍ വിനോദ് ജേക്കബ് സോഷ്യല്‍ മീഡിയയിലൂടെ അറിയിച്ചു. ബഹ്‌റൈന്‍ പൗരന്മാര്‍ക്കാണ് ഈ ആനുകൂല്യം ലഭിക്കുക.

വിനോദയാത്രക്കോ സുഹൃത്തുക്കളെയോ ബന്ധുക്കളെയോ സന്ദര്‍ശിക്കാനോ ഹ്രസ്വകാല പരിപാടിക്കോ പഠനത്തിനോ പങ്കെടുക്കാനും ഹ്രസ്വകാല സന്നദ്ധസേവനങ്ങള്‍ക്കും വൈദ്യചികിത്സക്കോ ബിസിനസ് ആവശ്യാര്‍ഥവുമൊക്കെ ബഹ്‌റൈന്‍ പൗരന്‍മാരുള്‍പ്പെടെയുള്ള ജിസിസി പൗരന്‍മാര്‍ക്ക് ഇവിസ സേവനങ്ങള്‍ ഉപയോഗപ്പെടുത്താമെന്നും ഇന്ത്യന്‍ അംബാസഡര്‍ അറിയിച്ചു.

ALSO READ: തജിക്ക് ഗായകനും മുന്‍ ബിഗ് ബോസ്സ് താരവുമായ അബ്ദു റോസിക്ക് ദുബൈയില്‍ അറസ്റ്റില്‍; മോഷണക്കുറ്റമെന്ന് റിപ്പോര്‍ട്ട്

 

 

ALSO READ: 75ല്‍ വിരമിച്ച് മോഹന്‍ ഭാഗവത് മോദിക്ക് മേല്‍ സമ്മര്‍ദ്ദം ചെലുത്തുമോ?; പ്രായപരിധി സംബന്ധിച്ച് സംഘ്പരിവാരില്‍ ചൂടുപിടിച്ച ചര്‍ച്ച | Narendra Modi Retirement

അപേക്ഷകര്‍ക്ക് താഴെ പറയുന്ന വിഭാഗങ്ങളില്‍ ഇന്ത്യന്‍ ഇവിസയ്ക്കായി അപേക്ഷിക്കാം:
* ഇടൂറിസ്റ്റ് വിസ 
* ഇബിസിനസ് വിസ
* ഇമെഡിക്കല്‍ വിസ
* ഇമെഡിക്കല്‍ അറ്റന്‍ഡന്റ് വിസ
* ഇകോണ്‍ഫറന്‍സ് വിസ
* ഇആയുഷ് വിസ
* ഇആയുഷ് അറ്റന്‍ഡന്റ് വിസ
* ഇസ്റ്റുഡന്റ് വിസ
* ഇസ്റ്റുഡന്റ് ഡിപ്പെന്‍ഡന്റ് വിസ.

eVisa for Bahraini citizens wishing to visit India with easy process