റിയാദ്: റെസിഡന്‍സി, തൊഴില്‍, അതിര്‍ത്തി സുരക്ഷാ നിയമലംഘനങ്ങള്‍ക്കെതിരെ നടത്തിയ കാമ്പയ്‌നില്‍ കഴിഞ്ഞ ആഴ്ച 21,000ലധികം പേരെ അറസ്റ്റ് ചെയ്തതായി സഊദി ആഭ്യന്തര മന്ത്രാലയം അറിയിച്ചു. പൊതു ക്രമസമാധാനം ഉറപ്പാക്കാനും ദേശീയ നിയമങ്ങള്‍ നടപ്പാക്കാനുമുള്ള ശ്രമങ്ങളുടെ ഭാഗമാണ് നടപടി.

ALSO READ: സഊദിയില്‍ തൊഴിലവസരങ്ങളില്‍ വര്‍ധനവ്; ബിരുദധാരികള്‍ക്ക് ആറ് മാസത്തിനുള്ളില്‍ തന്നെ ജോലി കിട്ടുന്നത് 44.43% കൂടി

റെസിഡന്‍സി ലംഘനങ്ങള്‍ നടത്തിയ 12,500ലധികം പേരെയും അതിര്‍ത്തി സുരക്ഷാ ലംഘനങ്ങള്‍ നടത്തിയ 5,500 പേരെയും തൊഴില്‍ സംബന്ധമായ കുറ്റകൃത്യങ്ങള്‍ നടത്തിയ 3,000 പേരെയുമാണ് അറസ്റ്റു ചെയ്തത്. 

നിയമവിരുദ്ധമായി രാജ്യത്തേക്ക് പ്രവേശിക്കാന്‍ ശ്രമിച്ച 2,072 പേരില്‍ 47% പേര്‍ യെമന്‍ പൗരന്മാരും 52% പേര്‍ എത്യോപ്യക്കാരുമാണ്.

നിയമനടപടികളും നാടുകടത്തലും

നിലവില്‍ 14,000 നിയമലംഘകര്‍ നിയമനടപടികള്‍ക്ക് വിധേയരാകുന്നുണ്ടെന്നാണ് വിവരം. ഇതില്‍ 12,400 പുരുഷന്മാരാണ്. 6,200 പേരെ യാത്രാ രേഖകള്‍ ലഭിക്കുന്നതിനായി നയതന്ത്ര കാര്യാലയങ്ങളിലേക്ക് റഫര്‍ ചെയ്തു. ഇതിനകം തന്നെ രാജ്യത്തു നിന്നും 10,000 പേരെ നാടുകടത്തിയിട്ടുമുണ്ട്.

കര്‍ശന ശിക്ഷ

നിയമലംഘകര്‍ക്ക് ഗതാഗതം, താമസം, തൊഴില്‍ തുടങ്ങിയ സഹായം നല്‍കുന്നവര്‍ക്ക് 15 വര്‍ഷം വരെ തടവ്, 1 ദശലക്ഷം റിയാല്‍ വരെ പിഴ, വാഹനങ്ങള്‍, സ്വത്തുക്കള്‍ എന്നിവയുടെ കണ്ടുകെട്ടല്‍ എന്നിവ നേരിടേണ്ടിവരും. കുറ്റവാളികളുടെ പേര് പരസ്യമായി വെളിപ്പെടുത്തുമെന്നും മന്ത്രാലയം മുന്നറിയിപ്പ് നല്‍കി.

ALSO READ: 2010ലെ സഊദി ജനസംഖ്യ 1.9 കോടി, ഇന്ന് മൂന്നരക്കോടി പിന്നിട്ടു, 44 ശതമാനവും പ്രവാസികള്‍; ഓരോ വര്‍ഷത്തെയും വളര്‍ച്ച ഇങ്ങനെ

നിയമവിരുദ്ധ പ്രവര്‍ത്തനങ്ങള്‍ക്ക് സഹായം നല്‍കുന്നത് ഗുരുതര കുറ്റമാണെന്നും പൊതുജനങ്ങള്‍ ജാഗ്രത പാലിക്കണമെന്നും ആഭ്യന്തര മന്ത്രാലയം ആവര്‍ത്തിച്ചു. ഈ കാമ്പെയ്ന്‍ രാജ്യത്തെ സുരക്ഷയും നിയമവ്യവസ്ഥയും ഉറപ്പാക്കാനുള്ള സഊദിയുടെ പ്രതിബദ്ധതയെ പ്രതിഫലിപ്പിക്കുന്നു.

Saudi authorities have arrested more than 21,000 individuals in a week for violating residency, labor, and border security laws, as part of an ongoing nationwide crackdown.