റിയാദ്: സഊദി അറേബ്യയുടെ ജനസംഖ്യ മൂന്നരക്കോടി പിന്നിട്ടു. സഊദിയുടെ ജനറല്‍ അതോറിറ്റി ഫോര്‍ സ്റ്റാറ്റിസ്റ്റിക്‌സ് (General Authority for Statistics - GASTAT) പുറത്തുവിട്ട കണക്കുകള്‍ പ്രകാരം 3.53 കോടി ജനങ്ങളാണ് സഊദിയിലുള്ളത്. ജനസംഖ്യയില്‍ ഗണ്യമായ വര്‍ധനവ് രേഖപ്പെടുത്തിയതായി കഴിഞ്ഞ വര്‍ഷാവസാനം അടിസ്ഥാനമാക്കിയുള്ള കണക്കുകള്‍ സൂചിപ്പിക്കുന്നു. മൊത്തം ജനസംഖ്യയുടെ 55.6 ശതമാനവും (1.96 കോടി) സഊദി പൗരന്മാരാണ്. 44.4% (1.56 കോടി) പ്രവാസികളുമാണ്. 

 

 

ജനസംഖ്യയിലെ കാറ്റഗറി:

* മൊത്തം ജനസംഖ്യയില്‍ 62.1% പുരുഷന്മാരും 37.9% സ്ത്രീകളും.

* 14 വയസ്സു വരെ ഉള്ളവര്‍ 22.5% (7.94 ദശലക്ഷം)
* 15 മുതല്‍ 64 വയസ്സു വരെ പ്രായമുള്ളവര്‍ 74.7% (26.37 ദശലക്ഷം)
* 65 വയസ്സിനു മുകളിലുള്ളവര്‍ 2.8% (988,000)

ജൂലൈ 11 ന് ലോക ജനസംഖ്യാ ദിനം 

ജനസംഖ്യാ പ്രശ്‌നങ്ങളെക്കുറിച്ചും സുസ്ഥിര വികസനത്തിലും പരിസ്ഥിതിയിലും അവ ചെലുത്തുന്ന സ്വാധീനത്തെക്കുറിച്ചും അവബോധം വളര്‍ത്തുന്നതില്‍ ശ്രദ്ധ കേന്ദ്രീകരിച്ച് സഊദി അറേബ്യ എല്ലാ വര്‍ഷവും ജൂലൈ 11ന് ലോക ജനസംഖ്യാ ദിനം ആചരിക്കുന്നുണ്ട്. 1989 ല്‍ മുതലാണ് യുഎന്നിന്റെ നേതൃത്വത്തില്‍ ജനസംഖ്യാ ദിനം ആചരിച്ചുവരുന്നത്. 

ALSO READ: 200,000 വര്‍ഷങ്ങള്‍ക്ക് മുമ്പ് തന്നെ ആദിമമനുഷ്യ വാസം; ഷാര്‍ജയിലെ അല്‍ ഫായക്ക് യുനെസ്‌കോ അംഗീകാരം: അഭിമാന നേട്ടത്തെ അഭിനന്ദിച്ച് സാലം ഉമര്‍

2010 മുതലുള്ള ഓരോ വര്‍ഷത്തെയും ജനസംഖ്യാ വളര്‍ച്ച ഇപ്രകാരമാണ്.

The total population of Saudi Arabia rose to 35.3 million people by the end of 2024, with citizens accounting for 55.6 percent of the total.