ഗുരുവായൂർ: മുംബൈയിൽ നിന്നും പരിശീലനത്തിനായി ഉത്തർപ്രദേശിലെ ബറേലിയിലേക്ക് പോയ മലയാളി ജവാനെ കാണാതായി. ഗുരുവായൂർ സ്വദേശി ഫർസീൻ ഗഫൂറിനെ കുറിച്ചാണ് മൂന്ന് ദിവസമായി വിവരമില്ലാത്തത്. ഈ മാസം 10–ാം തീയതിയാണ് അവസാനമായി കുടുംബവുമായി ബന്ധപ്പെട്ടത്. സംഭവത്തിൽ കുടുംബം പരാതി നൽകി. ആർമിയിൽ ഫാർമസിസ്റ്റ് ആണ് ഇദ്ദേഹം.

പൂനെയിലെ ആർമി മെഡിക്കൽ കോളജിലാണ് ഫർസീൻ ജോലി ചെയ്തിരുന്നത്. പരിശീലനത്തിനായി ബറേലിയിലേക്ക് പോകുന്നതിനിടെയാണ് കാണാതായത്.  വെള്ളിയാഴ്ച പുലർച്ചെ ട്രെയിനിൽ യാത്ര ചെയ്യുമ്പോൾ ആണ് ഇയാളെ കാണാതായത്. 10–ാം തീയതി വ്യാഴാഴ്ചയാണ് അവസാനാമായി കുടുംബവുമായി ഫോണിൽ സംസാരിച്ചത്. ബാന്ദ്രയിൽനിന്ന് റാംനഗർ എക്സ്പ്രസ് ട്രെയിനിലാണ് ഇയാൾ സഞ്ചരിച്ചിരുന്നത്. 

ALSO READ: ഡൽഹിയിൽ ഓഡി കാർ ഫുട്പാത്തിൽ ഉറങ്ങിയിരുന്ന എട്ടുവയസ്സുകാരി ഉൾപ്പെടെ,അഞ്ച് പേരെ ഇടിച്ചു; ഡ്രൈവർ അറസ്റ്റിൽ

10–ാം തീയതി രാത്രി മുതൽ ഫോണിൽ കിട്ടുന്നില്ലെന്ന് ഫർസീന്റെ ബന്ധുക്കൾ അറിയിച്ചു. ബറേലിക്ക് തൊട്ടടുത്തുള്ള സ്ഥലത്താണ് അവസാന ടവർ ലൊക്കേഷൻ കാണിച്ചത്. എന്നാൽ ബറേലിയിൽ പരിശീലനത്തിന് എത്തിയില്ല എന്നാണ് സൈന്യത്തിന് നിന്ന് അറിഞ്ഞത്. ഒറ്റയ്ക്കാണ് ഒറ്റക്കാണ് യാത്ര ചെയ്തിരുന്നതെന്നും കുടുംബം അറിയിച്ചു.

സംഭവത്തിൽ, ഗുരുവായൂർ എംഎൽഎയ്ക്കു പരാതി നൽകി. പിന്നാലെ കേന്ദ്രമന്ത്രി സുരേഷ് ഗോപിക്കും കുടുംബം പരാതി നൽകിയിട്ടുണ്ട്. വിവാഹിതനായ ഫർസീൻ ഗഫൂർ മൂന്നു മാസം മുൻപാണ് അവസാനമായി നാട്ടിൽ വന്നത്.