ദുബൈ: ദുബൈയിൽ ഇന്ന് (25/09/2025) സ്വർണ വിലയിൽ നേരിയ ഇടിവ്. 24 കാരറ്റ് സ്വർണം ഗ്രാമിന് 453.25 ദിർഹവും 22 കാരറ്റിന് 419.50 ദിർഹവുമാണ് വില. ഇന്നലെ (24/09/2025) 24 കാരറ്റ് സ്വർണം ​ഗ്രാമിന് 456 ദിർഹമായിരുന്നു വില, 22 കാരറ്റിന് 422 ദർഹവും. 

അതേസമയം, ഇന്ത്യയിൽ ഇന്ന് (25/09/2025) സ്വർണവില കുറഞ്ഞു. വ്യഴാഴ്ച 24 കാരറ്റ് സ്വർണത്തിന്റെ വില 93 രൂപ കുറഞ്ഞ് ഏകദേശം 11,444 രൂപയും, 22 കാരറ്റ് സ്വർണത്തിന്റെ വില 85 രൂപ കുറഞ്ഞ് ഏകദേശം 10,490 രൂപയുമായി.

ALSO READ: യുഎഇ: ഒക്ടോബറിലെ ഇന്ധന വിലകൾ വരും ദിവസങ്ങളിൽ പ്രഖ്യാപിക്കും; വില ഉയരുമോ? നിങ്ങളറിയേണ്ടതെല്ലാം

അതേസമയം, സെൻട്രൽ ബാങ്ക് ഡിമാൻഡ്, ഭൗമരാഷ്ട്രീയ സംഘർഷങ്ങൾ, ശക്തമായ ഇടിഎഫ് നിക്ഷേപം എന്നിവ കാരണം ഈ വർഷം ഏകദേശം 40 ശതമാനം സ്വർണ്ണ വില ഉയർന്നിട്ടുണ്ട്. തുടർച്ചയായ ഭൗമരാഷ്ട്രീയ അനിശ്ചിതത്വം, ട്രംപിന്റെ താരിഫ് നയങ്ങൾ, തുടർച്ചയായ കേന്ദ്ര ബാങ്ക് വാങ്ങലുകൾ എന്നിവയും വിലകൾ കൂടുതൽ ഉയർത്തി.

ഗവർണർ ലിസ കുക്കിനെ നീക്കം ചെയ്യാനുള്ള ശ്രമം ഉൾപ്പെടെ, ട്രംപ് ഫെഡിനുമേൽ ചെലുത്തിയ അഭൂതപൂർവമായ സമ്മർദ്ദം സ്വർണ്ണം ഔൺസിന് 5,000 ഡോളറിലേക്ക് അടുക്കുന്നതിനുള്ള സാധ്യത ഉയർത്തിയതായി ഗോൾഡ്മാൻ സാച്ച്സ് ചൂണ്ടിക്കാട്ടി.

The gold price in Dubai has witnessed a slight decline today, with the 24K gold price per gram dropping to 451.43 AED, after a recent surge.