ദുബൈ: യുഎഇയിലെ ആ വര്‍ഷത്തെ ശൈത്യകാല അവധി പ്രഖ്യാപിച്ചു. ഇത്തവണ നാല് ആഴ്ചയാണ് ശൈത്യകാല അവധി. നേരത്തേ വിദ്യാഭ്യാസ വകുപ്പ് പ്രഖ്യാപിച്ച അക്കാഡമിക് കലണ്ടറില്‍ ശൈത്യകാല അവധിയെക്കുറിച്ച് വ്യക്തമാക്കിയിരുന്നു. എന്നാല്‍ ഇക്കഴിഞ്ഞ ദിവസമാണ് യുഎഇയിലെ ശൈത്യകാല അവധി പ്രഖ്യാപിച്ചത്.

നേരത്തേ മൂന്നാഴ്ചത്തെ ശൈത്യകാല അവധിയാണ് ലഭിച്ചിരുന്നതെങ്കില്‍ ഇത്തവണ നാല് ആഴ്ചയാകും ശൈത്യകാല അവധിയായി ലഭിക്കുക. വിദ്യാര്‍ത്ഥികള്‍ക്ക് ശൈത്യകാല അവധിക്കാലത്ത് ഇടവേളകള്‍ എടുക്കാനും കുടുംബത്തോടൊപ്പം കൂടുതല്‍ സമയം ചെലവഴിക്കാനും സാധിക്കും.

ALSO READ: യാത്രക്കാര്‍ ഈ വസ്തു കൈയില്‍ കരുതരുത്; ഒക്ടോബര്‍ മുതല്‍ പുതിയ നിയമം പ്രാബല്യത്തില്‍ വരുമെന്ന് എമിറേറ്റ്‌സ്

ഇത്തവണ 2025 ഡിസംബര്‍ 8 മുതല്‍ 2026 ജനുവരി 4 വരെയാണ് ശൈത്യകാല അവധി. ശൈത്യകാല അവധി കഴിഞ്ഞ് ജനുവരി 5-ന് ക്ലാസുകള്‍ പുനരാരംഭിക്കും. വിദ്യാഭ്യാസ വകുപ്പും മറ്റ് അധികാരികളും ചേര്‍ന്നാണ് ഈ അധ്യയന വര്‍ഷത്തേക്കുള്ള കലണ്ടറിന് അംഗീകാരം നല്‍കിയിരിക്കുന്നത്.

അതേസമയം യുഎഇയിലെ ചില സ്‌കൂളുകള്‍ ഇതിനകം തന്നെ ശൈത്യകാല അവധി പ്രഖ്യാപിച്ചതായി മന്ത്രാലയം അറിയിച്ചു. നേരത്തേ അവധി പ്രഖ്യാപിക്കുന്നത് നാട്ടിലേക്കോ പുറം രാജ്യങ്ങളില്‍ അവധി ആഘോഷിക്കാനോ പോകുന്നവര്‍ക്ക് സഹായമാകുമെന്നും മന്ത്രാലയം വ്യക്തമാക്കി.

നേരത്തേയുള്ള അറിയിപ്പ് വലിയ ആശ്വാസമാണെന്ന് രക്ഷിതാക്കള്‍ പറഞ്ഞു. നേരത്തേ യാത്രാ ടിക്കറ്റുകള്‍ ബുക്ക് ചെയ്യാന്‍ സാധിക്കുന്നുണ്ടെന്നും അവധിക്കാല യാത്ര കുട്ടികളുടെയും തീരുമാനം പരിഗണിച്ച് നടത്താന്‍ സാധിക്കുന്നുണ്ടെന്നും മിക്ക രക്ഷിതാക്കളും പറഞ്ഞു.

ALSO READ: വ്യാജ വാടക തട്ടിപ്പ് ശൃഖല തകര്‍ത്ത് ഷാര്‍ജ പൊലിസ്; 13 പേര്‍ അറസ്റ്റില്‍ 

നേരത്തേ അവധി പ്രഖ്യാപിക്കുന്നത് അവസാന സമയത്തെ തിരക്ക് ഒഴിവാക്കാനും സമ്മര്‍ദ്ദമില്ലാതെ അവധിക്കാലം ആസ്വദിക്കാന്‍ സഹായിക്കുന്നതായും രക്ഷിതാക്കള്‍ അഭിപ്രായപ്പെട്ടു. ഇതുകൊണ്ടാണ് പ്രധാനപ്പെട്ട അവധികളെക്കുറിച്ച് രക്ഷിതാക്കളെ നേരത്തേ അറിയിക്കുന്നതെന്ന് റീജന്റ് ഇന്റര്‍ നാഷണല്‍ സ്‌കൂള്‍ പ്രിന്‍സിപ്പള്‍ ഡേവിഡ് വില്യംസ് പറഞ്ഞു.

എന്നാല്‍ എല്ലാ സ്‌കൂളുകളിലും അവധിക്കാലം ഒരുപോലെയായിരിക്കില്ല. സ്‌കൂളുകള്‍ക്കനുസരിച്ച് അവധി ദിവസങ്ങളിലും മാറ്റം ഉണ്ടാകും. ഉയര്‍ന്ന ക്ലാസുകളിലെ വിദ്യാര്‍ത്ഥികളുടെ അവധിയിലും മാറ്റം ഉണ്ടാകും. ബോര്‍ഡ് പരീക്ഷയുടെ മുന്നൊരുക്കങ്ങള്‍ക്കായി ഉയര്‍ന്ന ക്ലാസില്‍ പഠിക്കുന്നവര്‍ക്ക് എക്‌സ്ട്രാ ക്ലാസുകള്‍ ഉണ്ടാകാന്‍ സാധ്യതയുണ്ട്.

winter holidays in the UAE! Announced dates offer the perfect opportunity to plan a getaway. Enjoy Dubai’s festive events, Abu Dhabi’s attractions, and the UAE’s cooler weather. Plan your vacation early to secure the best deals and make the most of this holiday season