ദുബൈ: 15 കിലോ മീറ്റർ നീളമുള്ള ഒരു ഡ്രൈവർ രഹിത യാത്രാ മേഖല പ്രഖ്യാപിച്ചിരിക്കുകയാണ് ദുബൈ റോഡ്സ് ആന്റ് ട്രാൻസ്പോർട് അതോറിറ്റി. ഇതുവഴി, ഡ്രൈവർ രഹിത വാഹനങ്ങൾ ഉപയോ​ഗിച്ച് കരയിലും വെള്ളത്തിലും യാത്ര ചെയ്യാൻ സൗകര്യമൊരുക്കും. ദുബൈ വേൾഡ് കോൺഗ്രസ് ആൻഡ് ചലഞ്ച് ഫോർ സെൽഫ് ഡ്രൈവിംഗ് ട്രാൻസ്‌പോർട്ടിൽ വെച്ചായിരുന്നു ഈ പ്രഖ്യാപനം. 

2030 ഓടെ ദുബൈയിലെ എല്ലാ യാത്രകളുടെയും 25% സെൽഫ് ഡ്രൈവിംഗ് യാത്രകളാക്കി മാറ്റാൻ ശ്രമിക്കുന്ന എമിറേറ്റിന്റെ സ്മാർട്ട് സെൽഫ് ഡ്രൈവിങ്ങ് ട്രാൻസ്‌പോർട്ട് സ്ട്രാറ്റജി നടപ്പിലാക്കാനുള്ള ആർ‌.ടി.എയുടെ നിരന്തര ശ്രമങ്ങളുടെ ഭാഗമാണ് ഈ പദ്ധതി. 

ALSO READ: ആഗോള സെൽഫ് ഡ്രൈവിങ് ട്രാൻസ്‌പോർട്ട് കോൺഗ്രസിനു ദുബൈയിൽ തുടക്കം; പങ്കെടുക്കുന്നത് ബൈഡു, ഊബർ, പോണി തുടങ്ങിയ വമ്പന്മാർ; 2030ഓടെ ദുബൈയിലെ വാഹനങ്ങളിൽ 25% സെൽഫ് ഡ്രൈവിംഗ്

‌ദുബൈ മെട്രോയുടെ ഗ്രീൻ ലൈനിലെ അൽ ജദ്ദാഫിലുള്ള ക്രീക്ക് സ്റ്റേഷനെ ചുറ്റിപ്പറ്റിയുള്ള പ്രദേശങ്ങളെ ദുബൈ ക്രീക്ക് ഹാർബർ, ദുബൈ ഫെസ്റ്റിവൽ സിറ്റി എന്നിവയുമായി ബന്ധിപ്പിക്കുന്നതാണ് ഈ സെൽഫ് ഡ്രൈവിങ്ങ് മേഖല.

ആർടിഎയിലെ പബ്ലിക് ട്രാൻസ്‌പോർട്ട് ഏജൻസിയുടെ സി ഇ ഒ അഹ്‌മദ് ബഹ്റൂസിയാൻ പറഞ്ഞതനുസരിച്ച്, ഈ മേഖലയിൽ യാത്ര ചെയ്യാൻ മെട്രോ, ഓട്ടോണമസ് ടാക്സികൾ, ഷട്ടിൽ ബസുകൾ, അബ്ര, മറ്റു ജലഗതാഗത മാർഗങ്ങൾ എന്നിവ ഉപയോഗിക്കാം. ക്രീക്ക് സ്റ്റേഷനിൽ ഇറങ്ങിയ ശേഷം, യാത്രക്കാർക്ക് ഓട്ടോണമസ് ബസോ അബ്രയോ ഉപയോഗിച്ച് ദുബൈ ക്രീക്ക് ഹാർബറിലേക്കോ ദുബൈ ഫെസ്റ്റിവൽ സിറ്റിയിലേക്കോ എളുപ്പത്തിൽ എത്തിച്ചേരാനാകും.

ഈ മേഖലയിൽ റോഡ് ശുചീകരണ വാഹനങ്ങൾ പോലും ഡ്രൈവർ രഹിതമായിരിക്കുമെന്ന് അദ്ദേഹം പറഞ്ഞു. ദുബൈയുടെ ഭാവി ഗതാഗത സങ്കൽപ്പങ്ങളുടെ ഒരു പ്രതിഫലനമാണ് ഈ സംരംഭമെന്നും അദ്ദേഹം കൂട്ടിച്ചേർത്തു.

The Roads and Transport Authority (RTA) in Dubai has launched a new project to create a 15-kilometer driverless transportation zone. This innovative initiative aims to revolutionize the transportation sector, enhancing efficiency, safety, and sustainability. The project is part of Dubai's smart city strategy, aligning with the vision to become a global leader in smart transportation systems.