ദുബൈ: 2026 ലെ പൊതു അവധിദിനങ്ങൾ യുഎഇ ഇതുവരെ പ്രഖ്യാപിച്ചിട്ടില്ല. അതേസമയം, പുതുക്കിയ പൊതു അവധി നിയമവും 1447–1448 ഹിജ്റ വർഷങ്ങളിലെ ഹിജ്റ-ഗ്രിഗോറിയൻ കലണ്ടറും അടിസ്ഥാനമാക്കി 2026 ലെ പൊതു അവധി ദിനങ്ങൾ ആസൂത്രണം ചെയ്യാൻ താമസക്കാർക്ക് സാധിക്കും. 

ഈദ് അൽ ഫിത്ർ, ഈദ് അൽ അദ്ഹ തുടങ്ങിയ ഇസ്‌ലാമിക അവധികളുടെ കൃത്യമായ തീയതികൾ മാസം കാണുന്നതിനെ ആശ്രയിച്ചാണ് നിശ്ചയിക്കപ്പെടുന്നത്. എന്നാൽ, 2026-ലെ സാധ്യതയുള്ള തീയതികൾ ജ്യോതിശാസ്ത്രജ്ഞർ നേരത്തെ തന്നെ‌ പ്രവചിച്ചിട്ടുണ്ട്.

2026-ൽ, യുഎഇക്കാർക്ക് കുറഞ്ഞത് 12 പൊതു അവധി ദിനങ്ങൾ പ്രതീക്ഷിക്കാം. കൂടാതെ, ആറ് ദിവസത്തെ നീണ്ട വാരാന്ത്യവും ലഭിക്കാനിടയുണ്ട്.

ALSO READ: റൈഡ് ഹെയ്‌ലിങ് അനുഭവം മെച്ചപ്പെടുത്താൻ ദുബൈ ടാക്സി കമ്പനിയും കാബിയും കൈ കോർക്കുന്നു

2025ൽ ബാക്കിയുള്ള പൊതു അവധികൾ

യുഎഇ ദേശീയ ദിനം (ഈദ് അൽ ഇത്തിഹാദ്) 

ഡിസംബർ 2, 3 (ചൊവ്വ, ബുധൻ): ഡിസംബർ 1-ന് ആചരിക്കാറുള്ള സ്മരണ ദിനവുമായി (Commemoration Day) ചേർന്ന് നാല് ദിവസത്തെ നീണ്ട വാരാന്ത്യം ലഭിക്കാനും സാധ്യതയുണ്ട്.

2026-ലെ റമദാൻ ആരംഭം

പ്രതീക്ഷിത തീയതി: ഫെബ്രുവരി 18, 2026 (ബുധൻ)
ഇസ്‌ലാമിക കലണ്ടറിലെ ഒൻപതാം മാസമായ റമദാൻ മാസം കാണുന്നതിനെ ആശ്രയിച്ച് ഫെബ്രുവരി 18-ന് ആരംഭിക്കുമെന്ന് പ്രതീക്ഷിക്കുന്നു. 

2026-ലെ ഈദ് അൽ ഫിത്ർ

പ്രതീക്ഷിത തീയതി: മാർച്ച് 20 മുതൽ 22 വരെ
റമദാൻ മാസത്തിന്റെ അന്ത്യം അടയാളപ്പെടുത്തുന്ന ഈദ് അൽ ഫിത്ർ മൂന്ന് ദിവസത്തെ അവധി നൽകിയേക്കാം.

2026-ലെ ഈദ് അൽ അദ്ഹ

പ്രതീക്ഷിത തീയതി: മേയ് 26 (അറഫാത് ദിനം, ചൊവ്വ) മുതൽ മേയ് 31 (ഞായർ) വരെ

ഇസ്‌ലാമിലെ ഏറ്റവും പ്രധാനപ്പെട്ട അവധിയായ ഈദ് അൽ അദ്ഹ മേയ് 27 (ബുധൻ) മുതൽ ആരംഭിക്കുമെന്ന് പ്രതീക്ഷിക്കുന്നു. അറഫാത് ദിനവും വാരാന്ത്യവും ഉൾപ്പെടെ, വലിയ പെരുന്നാളിന് ആറ് ദിവസത്തെ അവധി ലഭിച്ചേക്കാം.

ALSO READ: "അത് അല്ലാഹുവിൽനിന്നുള്ള വിളിയായി തോന്നി"; മൂന്ന് മക്കളുടെ ഉമ്മയായിട്ടും ഗസ്സയിലേക്കുള്ള സഹായകപ്പലിന്റെ ക്യാപ്റ്റൻ ആയി ഇറങ്ങിത്തിരിച്ചതിൽ യുഎഇയുടെ ഡോ. സഹീറക്ക് ചിലത് പറയാനുണ്ട്

2026-ലെ പ്രതീക്ഷിത പൊതു അവധി ദിനങ്ങൾ

പുതുവത്സര ദിനം: ജനുവരി 1 (വ്യാഴം)
ഈദ് അൽ ഫിത്ർ: മാർച്ച് 20–22 (വെള്ളി–ഞായർ)
അറഫാത് ദിനം: മേയ് 26 (ചൊവ്വ)
ഈദ് അൽ അദ്ഹ: മേയ് 27–29 (ബുധൻ–വെള്ളി)
ഇസ്‌ലാമിക പുതുവർഷം: ജൂൺ 16 (ചൊവ്വ)
പ്രവാചകന്റെ ജന്മദിനം: ഓഗസ്റ്റ് 25 (ചൊവ്വ)
യുഎഇ ദേശീയ ദിനം: ഡിസംബർ 1–2 (ചൊവ്വ, ബുധൻ)