ന്യൂഡൽഹി: തെക്കുപടിഞ്ഞാറൻ ഡൽഹിയിലെ വസന്ത് വിഹാറിന് സമീപമുള്ള ശിവ ക്യാമ്പിന് മുന്നിലെ ഫുട്പാത്തിൽ ഉറങ്ങുകയായിരുന്ന അഞ്ച് പേരെ, ലഹരിയിൽ വാഹനമോടിച്ച ഓഡി കാർ ഡ്രൈവർ ഇടിച്ചതായി പൊലീസ്. രണ്ട് ദമ്പതികളും എട്ടുവയസ്സുള്ള ഒരു പെൺകുട്ടിയും അപകടത്തിൽ പരുക്കേറ്റവരിൽ ഉൾപ്പെടുന്നു.

സംഭവം നടന്നത് 2025 ജൂലൈ 9-ന് പുലർച്ചെ 1:45-നാണ്. 40 വയസ്സുള്ള ഡ്രൈവർ ഉത്സവ് ശേഖറിനെ സംഭവസ്ഥലത്ത് വച്ച് പൊലീസ് അറസ്റ്റ് ചെയ്തു. മെഡിക്കൽ പരിശോധനയിൽ ഇയാൾ അപകടസമയത്ത് മദ്യപിച്ചിരുന്നതായി സ്ഥിരീകരിച്ചു. പൊലീസ് എത്തുന്നതിന് മുമ്പ് പരുക്കേറ്റവരെ സമീപത്തെ ആശുപത്രികളിൽ പ്രവേശിപ്പിച്ചിരുന്നു.

പരുക്കേറ്റവർ രാജസ്ഥാൻ സ്വദേശികളായ ലാധി (40), അവരുടെ എട്ടുവയസ്സുള്ള മകൾ ബിമ്‌ല, ഭർത്താവ് സബാമി എന്ന ചിർമ (45), രാം ചന്ദർ (45), ഭാര്യ നാരായണി (35) എന്നിവരാണ്.

“പ്രാഥമിക അന്വേഷണവും ദൃക്സാക്ഷി മൊഴികളും വെളിവാക്കുന്നത്, ശിവ ക്യാമ്പിന് മുന്നിലെ ഫുട്പാത്തിൽ ഉറങ്ങുകയായിരുന്നവരെ വെള്ള നിറത്തിലുള്ള ഓഡി കാർ ഇടിച്ചുവെന്നാണ്. ഡ്വാർക്ക സ്വദേശിയായ ഉത്സവ് ശേഖർ (40) എന്ന ഡ്രൈവറെ സംഭവസ്ഥലത്ത് വച്ച് പിടികൂടി,” പൊലീസ് ഉദ്യോഗസ്ഥൻ വ്യക്തമാക്കി.

അപകടത്തിന് ശേഷം ശേഖർ ഒരു ട്രക്കിനെ ഇടിച്ചതിനെ തുടർന്നാണ് പൊലീസ് ഇയാളെ കസ്റ്റഡിയിലെടുത്തത്. ദൃക്സാക്ഷികളുടെ മൊഴികൾ രേഖപ്പെടുത്തിയതിന്റെ അടിസ്ഥാനത്തിൽ, ഫുട്പാത്തിൽ ഉറങ്ങുകയായിരുന്നവരെ വെള്ള ഓഡി കാർ ഇടിച്ചതായി സ്ഥിരീകരിച്ചു. ശേഖറിനെതിരെ നിയമനടപടികൾ ആരംഭിച്ചതായും, സംഭവത്തേ കുറിച്ച് അന്വേഷിക്കുകയാണെന്നും ഡൽഹി പൊലീസ് അറിയിച്ചു.

In southwest Delhi’s Vasant Vihar, a drunk Audi driver, Utsav Shekhar (40), ran over five people, including an eight-year-old girl, sleeping on a footpath near Shiva Camp at 1:45 am on July 9, 2025. The victims, Rajasthan residents Ladhi (40), her daughter Bimla (8), Sabami (45), Ram Chander (45), and Narayani (35), were hospitalized. Shekhar, arrested at the scene, was confirmed intoxicated. Police have initiated legal action and are investigating further.