കൊച്ചി: മദ്യപിച്ച് വാഹന പരിശോധന നടത്തുകയും വാഹനമോടിക്കുകയും ചെയത ഉദ്യോഗസ്ഥനെ പൊലിസ് അറസ്റ്റ് ചെയ്തു. മോട്ടോർ വാഹന വകുപ്പ് ഉദ്യോഗസ്ഥനാണ് മദ്യപിച്ച് വാഹന പരിശോധന നടത്തി നാട്ടുകാരോട് തർക്കിക്കുകയും പണം ആവശ്യപ്പെടുകയും ചെയ്തത്. എറണാകുളം കാക്കനാട് എഎംവിഐ ബിനുവിനെയാണ് പൊലിസ് അറസ്റ്റ് ചെയ്തത്. വഴിയരികിൽ മത്സ്യകച്ചവടം നടത്തിയിരുന്ന ദമ്പതികളോട് ഇയാൾ 3000 രൂപ ആവശ്യപ്പെട്ടതായും ആരോപണമുണ്ട്.

മദ്യപിച്ച് നാട്ടുകാരുമായി തർക്കമുണ്ടായതിന് പിന്നാലെ എഎംവിഐ ബിനു വാഹനം ഓടിക്കുകയും ചെയ്തിരുന്നു. പിന്നാലെ, മദ്യപിച്ച് വാഹനമോടിച്ചതിന് ഇന്നലെ രാത്രി ഇയാളെ കസ്റ്റഡിയിലെടുക്കുകയായിരുന്നു. പിന്നീട് ജാമ്യത്തിൽ വിട്ടയച്ചു. നാട്ടുകാരുമായി ഇയാൾ തർക്കിക്കുന്നതിൻറെ ദൃശ്യങ്ങൾ പുറത്തുവന്നിട്ടുണ്ട്.