ലക്‌നൗ: യുപിയില്‍ കന്‍വാര്‍ യാത്ര കടന്നുപോകുന്ന ഇടങ്ങളിലെ കടകളില്‍ ക്യൂ ആര്‍ കോഡ് സ്റ്റിക്കറുകള്‍ പതിപ്പിക്കണമെന്ന് നിര്‍ദേശം നല്‍കി യോഗി സര്‍ക്കാര്‍. ഈ സ്റ്റിക്കറുകളില്‍ കടകളിലെ മെനു എന്താണെന്ന് പ്രദര്‍ശിപ്പിക്കണമെന്നും ഉത്തരവിലുണ്ട്. ക്യൂ ആര്‍ കോഡില്‍ പേരും, ഐഡന്റിറ്റിയും വ്യക്തമാക്കേണ്ടതിനാല്‍ ഇത് മുസ്‌ലിം കച്ചവടക്കാരെ ലക്ഷ്യം വെച്ചുള്ള നടപടിയാണെന്ന് ഇതിനോടകം ആരോപണമുണ്ട്. 

മീററ്റ് മുതല്‍ മുസഫര്‍ നഗര്‍ വരെയുള്ള കന്‍വര്‍ യാത്ര കടന്നുപോകുന്ന വഴികളിലെ കടക്കാര്‍ക്കാണ് നടപടി ബാധകം. എല്ലാ ഭക്ഷണശാലകളും ക്യൂആര്‍ കോഡ് ഫുഡ് സേഫ്റ്റി കണക്ട് ആപ്പുമായി ലിങ്ക് ചെയ്യണമെന്നും നിര്‍ദേശമുണ്ട്. കാന്‍വര്‍ യാത്രികര്‍ക്ക് സുരക്ഷിതമായ ഭക്ഷണം ലഭിക്കുന്നതിനാണ് പുതിയ നടപടിയെന്നാണ് അധികൃതരുടെ വാദം. 

ALSO READ: വൈദ്യുതി ബിൽ അടച്ചില്ല, വീട്ടിലേക്കുള്ള കണക്ഷൻ വിച്ഛേദിക്കാതിരിക്കാൻ 25 കെവി ട്രാൻസ്ഫോർമർ അടിച്ചു മാറ്റി അച്ഛനും മകനും 

കഴിഞ്ഞ വര്‍ഷം റെസ്റ്റോറന്റുകളിലും, പഴക്കടകളിലും, തട്ടുകടകളിലും ഉടമകള്‍ ഹിന്ദുക്കളോ, മുസ്‌ലിങ്ങളോ ആണോ എന്ന് സൂചിപ്പിക്കുന്ന പേരുകള്‍ പ്രദര്‍ശിപ്പിക്കണമെന്ന് യോഗി സര്‍ക്കാര്‍ ഉത്തരവിട്ടിരുന്നു. ഉത്തര്‍പ്രദേശിന് പിന്നാലെ ഉത്തരാഖണ്ഡ് സര്‍ക്കാരും സമാനമായ നടപടികള്‍ സ്വീകരിച്ചതോടെ വലിയ വിമര്‍ശനങ്ങള്‍ ഇതിനെതിരെ ഉയരുകയും ചെയ്തു. സമാനമാണ് ഇത്തവണത്തെ ക്യൂ ആര്‍ കോഡ് സംവിധാനമെന്നും ആരോപണം ഉയരുന്നുണ്ട്. ഇത്തരം നടപടികളിലൂടെ യുപി സര്‍ക്കാര്‍ ജനങ്ങള്‍ക്കിടയില്‍ ഭിന്നിപ്പ് ഉണ്ടാക്കുകയാണെന്ന് കോണ്‍ഗ്രസ് എംപി ഇംറാന്‍ മസൂദ് ചോദിച്ചു. 

അതിനിടെ ക്യൂആര്‍ കോഡ് നിര്‍ബന്ധമാക്കുന്നതിനെതിരെ നിരവധിയാളുകള്‍ സുപ്രീം കോടതിയില്‍ ഹരജി നല്‍കിയിട്ടുണ്ട്. ഇവ ജൂലൈ 15ന് പരിഗണിക്കുമെന്ന് കോടതി അറിയിച്ചിട്ടുണ്ട്. 

Yogi government in Uttar Pradesh has directed that QR code stickers be placed on shops located along the Kanwar Yatra route. These stickers must display the shop’s menu as well. Since the QR code must include the name and identity of the shop owner, there are already allegations that this move targets Muslim shopkeepers.