വൈദ്യുതി ബിൽ അടയ്ക്കാത്തതിനാൽ വീട്ടിലേക്കുള്ള കണക്ഷൻ വിച്ഛേദിക്കാതിരിക്കാൻ 25 കെവി ട്രാൻസ്ഫോർമർ അടിച്ചു മാറ്റി അച്ഛനും മകനും. മധ്യപ്രദേശിലെ ഭിന്ദ് ജില്ലയിലാണ് സംഭവം. റാവത്പുര സ്വദേശിയായ ശ്രീറാം ബിഹാരി ത്രിപാഠിയും മകൻ സോനു ത്രിപാഠിയുമാണ് ആസ്വാർ പവർ സ്റ്റേഷന് കീഴിലെ 25 കെവി ട്രാൻസ്ഫോർമർ മോഷ്ടിച്ചത്. കാർഷിക ആവശ്യങ്ങൾക്കായി സർക്കാർ സബ്സിഡി പദ്ധതിയിലൂടെ സ്ഥാപിച്ച ഈ ട്രാൻസ്ഫോർമർ മധ്യ ക്ഷേത്ര വിദ്യുത് വിതരണ കമ്പനിയുടെ ഉടമസ്ഥതയിലുള്ളതാണ്.

വൈദ്യുതി ബിൽ അടയ്ക്കാത്തതിനാൽ വീട്ടിലേക്കുള്ള കണക്ഷൻ വിച്ഛേദിക്കാതിരിക്കാൻ വേണ്ടിയാണ് ഇവർ ട്രാൻസ്ഫോർമർ മോഷ്ടിച്ചതെന്ന് കരുതുന്നു. ശ്രീറാം ബിഹാരി ത്രിപാഠി 1,49,795 രൂപയുടെ വൈദ്യുതി ബിൽ അടയ്ക്കാനുണ്ടായിരുന്നു. കമ്പനി ഉദ്യോഗസ്ഥർ ട്രാൻസ്ഫോർമർ കൊണ്ടുപോകുമെന്ന് ഭയന്നാണ് ഇവർ മോഷണത്തിന് മുതിർന്നത്. 

ALSO READ: ഷാർജ: അൽ മജാസ് പ്രദേശത്തെ അപ്പാർട്ട്മെന്റിലുണ്ടായ തീപിടുത്തത്തിൽ ഇന്ത്യൻ വനിതക്ക് ദാരുണാന്ത്യം

സംഭവത്തിൽ, മധ്യ ക്ഷേത്ര വിദ്യുത് വിതരണ കമ്പനിയുടെ ആസ്വാർ ഡിസ്ട്രിബ്യൂഷൻ അസിസ്റ്റന്റ് മാനേജർ അഭിഷേക് സോനി പൊലിസിൽ പരാതി നൽകി. 2003-ലെ വൈദ്യുതി നിയമപ്രകാരവും, സർക്കാർ സ്വത്ത് നിയമവിരുദ്ധമായി നീക്കം ചെയ്തതിനും ഔദ്യോഗിക ജോലികൾ തടസ്സപ്പെടുത്തിയതിനും പ്രതികൾക്കെതിരെ എഫ്ഐആർ രജിസ്റ്റർ ചെയ്തിട്ടുണ്ട്. പൊലിസ് അന്വേഷണം ആരംഭിച്ചിട്ടുണ്ടെങ്കിലും മോഷ്ടിക്കപ്പെട്ട ട്രാൻസ്ഫോർമർ ഇതുവരെ കണ്ടെത്താൻ സാധിച്ചിട്ടില്ല.

In a bizarre incident in Madhya Pradesh's Bhind district, a father-son duo, Shree Ram Bihari Tripathi and Sonu Tripathi, stole a 25 KVA transformer owned by the Madhya Kshetra Vidyut Vitaran Company to avoid disconnection of electricity supply to their home due to non-payment of bills. The transformer was installed under a government subsidy scheme for agricultural purposes [1].