ദുബൈ:  അന്താരാഷ്ട്ര വിമാനത്താവളത്തിൽനിന്ന് കസ്റ്റഡിയിലെടുത്ത താജിക്കിസ്ഥാൻ ഗായകനും സോഷ്യൽ മീഡിയ ഇൻഫ്ലുവൻസറുമായ അബ്ദു റോസിക്കിനെ വിട്ടയച്ചു. യാത്രാ നിയന്ത്രണങ്ങളോടെ റോസിക്കിനെ ജാമ്യത്തിൽ വിട്ടെങ്കിലും പേര് വെളിപ്പെടുത്തരുതെന്ന് പരാതി നൽകിയ വ്യക്തി അഭ്യർത്ഥിച്ചതായി ഖലീജ് ടൈംസ് റിപ്പോർട്ട് ചെയ്തു. 

പിന്നാലെ വെള്ളിയാഴ്ച ദുബൈ ഹയാത്ത് റീജൻസി ദുബായ് ക്രീക്ക് ഹൈറ്റ്സിൽ നടന്ന ഇന്ത്യ ഇന്റർനാഷണൽ ഇൻഫ്ലുവൻസേഴ്‌സ് അവാർഡ്സിൽ (IIIA) അവാർഡ് സ്വീകരിക്കുന്നതായി കാണിക്കുന്ന  വീഡിയോ റോസിക്ക് ഇൻസ്റ്റാഗ്രാമിൽ പോസ്റ്റ് ചെയ്തു. വീഡിയോയിൽ അയാളുടെ തടങ്കലിനെ പരാമർശിച്ചിട്ടില്ല.

ശനിയാഴ്ച പുലര്‍ച്ചെ 5 മണിയോടെ മോണ്ടിനെഗ്രോയില്‍ നിന്ന് എത്തിയതിന് തൊട്ടുപിന്നാലെ യാണ് 21 കാരനെ കസ്റ്റഡിയിലെടുത്തതെന്ന് അദ്ദേഹത്തെ പ്രതിനിധീകരിക്കുന്ന മാനേജ്‌മെന്റ് കമ്പനി പ്രസ്താവനയില്‍ പറഞ്ഞു. മോഷണക്കുറ്റം ചുമത്തിയാണ് അദ്ദേഹത്തെ കസ്റ്റഡിയിലെടുത്തതെന്നാണ് ഞങ്ങള്‍ക്ക് ലഭിച്ച വിവരമെന്നും കൂടുതല്‍ വിവരങ്ങള്‍ വെളിപ്പെടുത്തുന്നതില്‍ നിന്ന് വിട്ടുനില്‍ക്കുകയാണെന്നും മാനേജ്‌മെന്റ് പ്രതിനിധി ഖലീജ് ടൈംസിനോട് പറഞ്ഞു. കസ്റ്റഡി, മോചനം സംബന്ധിച്ചൊന്നും  ദുബൈ പോലീസ് ഇതുവരെ ഔദ്യോഗിക പ്രസ്താവനയൊന്നും പുറത്തിറക്കിയിട്ടില്ല.

താജിക്കിസ്ഥാന്‍ സ്വദേശിയായ റോസിക് യുഎഇ ഗോള്‍ഡന്‍ വിസ കൈവശം വച്ചിട്ടുണ്ട്. വര്‍ഷങ്ങളായി ദുബൈയില്‍ ആണ് താമസം. 

തന്റെ സംഗീതത്തിലൂടെ പ്രശസ്തിയിലേക്ക് ഉയര്‍ന്ന അബ്ദു, പിന്നീട് ബോളിവുഡ് താരം സല്‍മാന്‍ ഖാന്‍ ആതിഥേയത്വം വഹിച്ച ബിഗ് ബോസ് 16 സീസണില്‍ പങ്കെടുത്തതോടെ ഇന്ത്യയും പ്രശസ്തനായി. 

Tajikistani singer and social media influencer Abdu Rozik was released from custody on Saturday after being detained earlier in the day at Dubai International Airport, Khaleej Times reports.