ഇലോൺ മസ്‌കിന്റെ ഉടമസ്ഥതയിലുള്ള സോഷ്യൽ മീഡിയ പ്ലാറ്റ്‌ഫോമായ എക്‌സ് (മുമ്പ് ട്വിറ്റർ) ഇന്ത്യയിലെ എക്‌സ് പ്രീമിയം സബ്‌സ്‌ക്രിപ്‌ഷൻ ചാർജ് കുത്തനെ കുറച്ചു. 2025 ജൂലൈ മുതൽ പ്രാബല്യത്തിൽ വരുന്ന പുതുക്കിയ ചാർജ് ബേസിക്, പ്രീമിയം, പ്രീമിയം+ എന്നീ മൂന്ന് നിരകളിലും ലഭ്യമാണ്. 47% വരെയാണ് ചാർജ് കുറഞ്ഞത്. ലോകത്തിലെ രണ്ടാമത്തെ വലിയ ഇന്റർനെറ്റ് വിപണിയായ ഇന്ത്യയിൽ കൂടുതൽ ശ്രദ്ധ കേന്ദ്രീകരിക്കാനുള്ള നീക്കത്തിന്റെ ഭാഗമായാണ് പ്രീമിയം സബ്‌സ്‌ക്രിപ്‌ഷൻ ചാർജ് കുറച്ചതെന്നാണ് വിലയിരുത്തുന്നത്.

2023 ഫെബ്രുവരിയിൽ സബ്‌സ്‌ക്രിപ്‌ഷൻ ചാർജ് ആരംഭിച്ചതിനുശേഷം ഇതാദ്യമായാണ് ഒരു രാജ്യത്തുടനീളമുള്ള വിലയിൽ എക്സ് കുറവ് വരുത്തുന്നത്. കഴിഞ്ഞ വർഷം പ്രീമിയം+ വിഭാഗത്തിൽ രണ്ട് വിലവർധനവ് ഉണ്ടായിട്ടുണ്ടെങ്കിലും, എല്ലാ സബ്‌സ്‌ക്രിപ്‌ഷൻ തലങ്ങളിലും നിരക്ക് കുറക്കുന്നത് ഇതാദ്യമാണ്. 

ALSO READ: ആഗോള ഭീമൻ ടെസ്‌ലയുടെ ഇന്ത്യയിലെ ആദ്യ ഷോറും ജൂലൈ 15 ന് തുറക്കും; എത്തുന്നത് ഈ നഗരത്തിൽ

വെബ് പ്ലാറ്റ്‌ഫോമിൽ, ബേസിക് പ്ലാൻ ഇപ്പോൾ പ്രതിമാസം 170 രൂപയ്ക്ക് അല്ലെങ്കിൽ പ്രതിവർഷം 1,700 രൂപയ്ക്ക് ലഭ്യമാണ്. നേരത്തെ ഇത് യഥാക്രമം 244 രൂപയും 2,591 രൂപയും ആയിരുന്നു. പ്രീമിയം പ്ലാനിന്റെ പുതിയ വില പ്രതിമാസം 427 രൂപ അല്ലെങ്കിൽ പ്രതിവർഷം 4,272 രൂപയാണ്. നേരത്തെ ഇത് 650 രൂപയും 6,800 രൂപയും ആയിരുന്നു. പ്രീമിയം+ ടയറിലാണ് ഏറ്റവും വലിയ ഇടിവ് ഉണ്ടായത്. പ്രതിമാസം 3,470 രൂപയും ഒരു വർഷത്തേക്ക് 34,340 രൂപയും ആയിരുന്ന നിരക്ക് പ്രതിമാസം 2,570 രൂപയും അല്ലെങ്കിൽ പ്രതിവർഷം 26,400 രൂപയുമായാണ് കുറഞ്ഞത്.

എന്നിരുന്നാലും, ആപ്പിളും ഗൂഗിളും പ്ലാറ്റ്‌ഫോം ഫീസ് ചുമത്തിയതിനാൽ മൊബൈൽ ഉപയോക്താക്കൾ കൂടുതൽ പണം നൽകേണ്ടിവരും. മൊബൈലിലെ പ്രീമിയം ടയറിന് ഇപ്പോൾ പ്രതിമാസം 470 രൂപയാണ്. നേരത്തെ ഇത് 900 രൂപയായിരുന്നു. പ്രീമിയം + പ്ലാനിന്റെ വില പ്രതിമാസം 3,000 രൂപയായി കുറഞ്ഞിട്ടുണ്ട്. നേരത്തെ 5,130 രൂപയായിരുന്നു നൽകേണ്ടിയിരുന്നത്. iOS-ൽ, പ്രീമിയം+ 5,000 രൂപയിൽ നിന്ന് കുറഞ്ഞിട്ടില്ല. അതേസമയം, വെബ്, മൊബൈൽ പ്ലാറ്റ്‌ഫോമുകളിലുടനീളം ബേസിക് ടയറിന്റെ വില പ്രതിമാസം 170 രൂപയായി തുടരുന്നു. 

Elon Musk-owned social media platform X (formerly Twitter) has significantly slashed its Premium subscription charges in India, with the new pricing taking effect from July 2025. The revised rates apply to all three tiers: Basic, Premium, and Premium+, with reductions of up to 47%.