ലഡു അധികമെല്ലാവര്‍ക്കും ഇഷ്ടമുള്ള ഒരു പലഹാരമാണ്. പണ്ട് കടകളില്‍ നിന്നു മാത്രം വാങ്ങിയിരുന്ന ലഡു ഇപ്പോള്‍ വീടുകളിലും നല്ല രുചിയോടെ തയാറാക്കാറുണ്ട് നമ്മള്‍. അതുപോലെ മൂന്നു ചേരുവകള്‍ വച്ച് നമുക്കൊരു ലഡു തയാറാക്കാം. സാധാരണ പഞ്ചസാരയാണ് ലഡു തയാറാക്കാന്‍ ഉപയോഗിക്കുക. എന്നാല്‍ നമുക്ക് പഞ്ചസാര ഒഴിവാക്കി തന്നെ മധുരമുള്ള ലഡു തയാറാക്കാവുന്നതാണ്. അവലും തേങ്ങയും ശര്‍ക്കരയും മാത്രം മതി. ടേസ്റ്റി ലഡു തയാറാക്കാന്‍. 

അവല്‍- 3 കപ്പ്
തേങ്ങ ചിരവിയത്- 2 കപ്പ്
ശര്‍ക്കര - 400 ഗ്രാം

ഉണ്ടാക്കുന്ന വിധം

അവല്‍ നന്നായി വറുത്തെടുക്കുക. ശേഷം അതിലേക്ക് തേങ്ങയും കൂടെ ചേര്‍ത്തു വറുത്ത് മാറ്റി വയ്ക്കുക. ഇത് ചൂടാറിക്കഴിഞ്ഞാല്‍ പൊടിച്ചെടുക്കുക. ഇനി ഒരു പാനില്‍ ശര്‍ക്കരയിട്ട് അതിലേക്ക് വെള്ളവും ചേര്‍ത്ത് തിളപ്പിക്കുക. ഇതും തണുത്തു കഴിഞ്ഞാല്‍ അരിച്ചെടുക്കുക. അരിച്ചെടുത്ത ശര്‍ക്കര വീണ്ടും ഒന്നു കൂടെ തിളപ്പിക്കുക. ഇതിലേക്ക് പൊടിച്ച അവലും തേങ്ങയും കൂടി ചേര്‍ത്ത് വരട്ടിയെടുക്കുക. ചെറിയ ചൂടില്‍ തന്നെ ലഡു ഉരുട്ടിയെടുക്കുക.