വെസ്റ്റ് ഇൻഡീസിനെതിരായ മൂന്ന് ടെസ്റ്റ് മത്സരങ്ങളുടെ പരമ്പര തൂത്തുവാരി ഓസ്‌ട്രേലിയ. അവസാന മത്സരത്തിൽ 176 റൺസിന്റെ കൂറ്റൻ വിജയമാണ് കങ്കാരുപ്പട സ്വന്തമാക്കിയത്. ഓസ്‌ട്രേലിയ ഉയർത്തിയ 204 റൺസ് വിജയലക്ഷ്യം പിന്തുടർന്നിറങ്ങിയ വിൻഡീസ് വെറും 27 റൺസിനാണ് പുറത്തായത്.

ടെസ്റ്റ് ക്രിക്കറ്റ് ചരിത്രത്തിൽ ഏറ്റവും കുറഞ്ഞ സ്കോറിന് ഓൾ ഔടാവുന്ന രണ്ടാമത്തെ ടീമായും വിൻഡീസ് മാറി. 69 വർഷത്തിനിടയിലെ ടെസ്റ്റ് ക്രിക്കറ്റിൽ ഒരു ടീം നേടുന്ന ഏറ്റവും കുറഞ്ഞ സ്കോർ കൂടിയാണിത്. ടെസ്റ്റ് ക്രിക്കറ്റിലെ ഏറ്റവും ചെറിയ സ്കോർ സ്വന്തമാക്കിയിട്ടുള്ളത് ന്യൂസിലാൻഡ് ആണ്. 1955ൽ ഓക്ക്‌ലൻഡിൽ ഇംഗ്ലണ്ടിനെതിരെ 26 റൺസിനാണ് കിവീസ് പുറത്തായിരുന്നത്. 

ALSO READ: ടെസ്റ്റിലും സൂര്യവംശിയുടെ വെടിക്കെട്ട്; ഇന്ത്യ അണ്ടർ 19ന് കൂറ്റൻ ലീഡ്; ,ഇംഗ്ലണ്ടിനെതിരെ യൂത്ത് ടെസ്റ്റിൽ ഇന്ത്യക്ക് ആധിപത്യം

ഓസ്‌ട്രേലിയൻ ബൗളിങ്ങിൽ മികച്ച പ്രകടനം നടത്തിയത് സ്റ്റാർ പേസർ മിച്ചൽ സ്റ്റാർക്ക് ആണ്. ആറ് വിക്കറ്റുകൾ നേടിയാണ് സ്റ്റാർക്ക് വിൻഡീസിനെ തകർത്തത്. സ്കോട്ട് ബോളണ്ട് മൂന്ന് വിക്കറ്റുകളും ജോഷ് ഹേസൽവുഡ് ഒരു വിക്കറ്റും നേടി ഓസ്‌ട്രേലിയയുടെ വിജയത്തിൽ നിർണായകമായ പങ്കു വഹിച്ചു. 

മത്സരത്തിന്റെ ആദ്യ ഇന്നിങ്സിൽ ബാറ്റ് വീശിയ ഓസ്‌ട്രേലിയ 225 റൺസിനാണ് പുറത്തായത്. 66 പന്തിൽ 48 റൺസ് നേടിയ സ്റ്റീവ് സ്മിത്താണ് ഓസീസ് നിരയിലെ ടോപ് സ്‌കോറർ. എട്ട് ഫോറുകളാണ് താരം നേടിയത്. വിൻഡീസ് ബൗളിങ്ങിൽ ഷാമർ ജോസഫ് നാല് വിക്കറ്റുകളും ജസ്റ്റിൻ ഗ്രീവ്സ്, ജെയ്ഡൻ സീലസ് മൂന്ന് വിക്കറ്റുകളും നേടി മികച്ച പ്രകടനമാണ് പുറത്തെടുത്തത്. 

ഒന്നാം ഇന്നിങ്സിൽ വിൻഡീസ് 143 റൺസിനാണ് പുറത്തായത്. ഓസീസ് ബൗളിങ്ങിൽ സ്കോട്ട് ബോളണ്ട് മൂന്ന് വിക്കറ്റുകളും ക്യാപ്റ്റൻ പാറ്റ് കമ്മിൻസ്, ഹേസൽവുഡ് എന്നിവർ രണ്ട് വീതം വിക്കറ്റുകളും നേടിയപ്പോൾ വെസ്റ്റ് ഇൻഡീസ് ഇന്നിംഗ്സ് കുറഞ്ഞ ടോട്ടലിൽ അവസാനിക്കുകയായിരുന്നു. 

രണ്ടാം ഇന്നിങ്സിൽ ഓസ്‌ട്രേലിയ 121 റൺസിനും പുറത്തായി. അൽസാരി ജോസഫ് അഞ്ചു വിക്കറ്റുകളും ഷാമർ ജോസഫ് നാല് വിക്കറ്റുകളും നേടി.

West Indies were bowled out for 27 runs in the third Test against Australia. They also became the second team to be bowled out for the lowest total in Test cricket history. This is also the lowest score by a team in Test cricket in 69 years. The lowest score in Test cricket is recorded by New Zealand. New Zealand were bowled out for 26 runs against England in Auckland in 1955.