മഴക്കാലമായാല്‍ രോഗാണുക്കള്‍ കൂടുതലായി പടരും. അതുകൊണ്ട് തന്നെ ലളിതമായ മുന്‍കരുതലുകളും ബുദ്ധിപരമായ ജീവിതശൈലി തിരഞ്ഞെടുപ്പുകളുമാണ് ഇവിടെ ആവശ്യം. എന്നാല്‍ നന്നായി മണ്‍സൂണ്‍ നമുക്ക് ആസ്വദിച്ച് ജീവിക്കാം. 

മഴക്കാലത്ത് ആരോഗ്യത്തോടെയിരിക്കാന്‍ ചില മുന്‍കരുതലുകള്‍ നല്ലതാണ്. മണ്‍സൂണ്‍ പോലുളള ദുര്‍ബലമായ കാലാവസ്ഥ സാഹചര്യങ്ങളില്‍ ശരിയാ ഭക്ഷണം കഴിക്കേണ്ടത് അത്യാവശ്യമാണ്. 

കൊതുകുകളെ അകറ്റുക

മഴക്കാലത്ത് കൊതുകുകള്‍ പെറ്റുപെരുകാന്‍ സാധ്യത ഏറെയാണ്. മലേറിയ, ഡെങ്കി  തുടങ്ങിയ രോഗാണുക്കള്‍ പരുത്തുന്ന രോഗങ്ങള്‍ക്കു കാരണവും കൊതുകുകളാണ്. അതിനായി കൊതുകിനെ തുരത്താന്‍ മുന്‍കരുതലുകള്‍ എടുക്കുക. വാതിലുകളും ജനാലകളും അടച്ചിടുക. മറ്റു മുന്‍കരുതലുകളും ചെയ്യുക.

ഹെര്‍ബല്‍ ചായ

മഴക്കാലത്ത് കുടിക്കാന്‍ പറ്റിയ ഏറ്റവും നല്ല ചായ ഹെര്‍ബല്‍ ചായയാണ്. ചുമയും ജലദോഷവും ഒക്കെ മഴക്കാലമായാല്‍ വിട്ടൊഴിയില്ല. അതിനൊക്കെ ബെസ്റ്റാണ് ഈ ചായ. നിങ്ങളുടെ അടുക്കളയിലുള്ള ചേരുവകളും ഔഷധസസ്യങ്ങളും ഉപയോഗിച്ചു തന്നെ ഹെര്‍ബല്‍ ടീ ഉണ്ടാക്കാവുന്നതാണ്. ഇഞ്ചിയും ഗ്രാമ്പുവും തുളസിയും കറുകപ്പട്ടയും കുരുമുളകും പുതിനയും തുടങ്ങിയവയൊക്കെ വീട്ടില്‍ തന്നെ ഉണ്ടാവും. ഇതു മതി ഹെര്‍ബല്‍ ടി തയാറാക്കാന്‍. ഇത് നിങ്ങളുടെ രോഗപ്രതിരോധ ശേഷി വര്‍ധിപ്പിക്കുകയും രോഗങ്ങളെ ചെറുക്കാന്‍ ശരീരത്തെ സഹായിക്കുകയും ചെയ്യുന്നു. 

പുതിയ ഭക്ഷണം

മഴക്കാലത്ത് വൃത്തിയുള്ള ഭക്ഷണം കഴിക്കുക. അതും അപ്പോള്‍ തന്നെ ഉണ്ടാക്കിയത്. ഭക്ഷണം ശരിയായ രീതിയില്‍  സൂക്ഷിക്കുകയും വേണം. വൃത്തിയില്ലാത്ത ഭക്ഷണം കഴിച്ചാല്‍ ബാക്ടീരിയയുടെ സാന്നിധ്യം മൂലം ഭക്ഷ്യവിഷബാധയ്ക്കും മറ്റും കാരണമായേക്കാം. പച്ചക്കറികളും പഴങ്ങളും മുറിച്ചു വയ്ക്കാതിരിക്കുക. ഇങ്ങനെ ചെയ്താല്‍ ഈര്‍പ്പമുള്ള കാലാവസ്ഥയായതിനാല്‍ പെട്ടെന്നു കേടുവരും. വീട്ടില്‍ തന്നെ ഉണ്ടാക്കി കഴിക്കുക. അസംസ്‌കൃത ഭക്ഷണങ്ങള്‍ ഒഴിവാക്കുകയും ചെയ്താല്‍ ആരോഗ്യത്തോടെ ഇരിക്കാന്‍ സാധിക്കും. നന്നായി കഴുകിയെടുത്തു പച്ചക്കറികളും പഴങ്ങളും ഉപയോഗിക്കുക. 

പോഷകസമൃദ്ദമായ ഭക്ഷണം

മഴക്കാലത്ത് പോഷകസമൃദ്ദമായ ഭക്ഷണമാണ് കഴിക്കേണ്ടത്. പ്രതിരോധശേഷി വര്‍ധിപ്പിക്കുന്ന ഭക്ഷണങ്ങള്‍ക്കൊപ്പം ഇവ പോഷകമുള്ളതുമായിരിക്കണം. മഴക്കാല രോഗങ്ങളെ തടയുന്നതിലും ചികിത്സിക്കുന്നതിലും ആരോഗ്യകരമായ ഭക്ഷണക്രമം പങ്കു വഹിക്കുന്നുണ്ട്. നിങ്ങളുടെ പ്രതിരോധശേഷി എത്ര മികച്ചതാണോ അത്രത്തോളം നിങ്ങളുടെ ശരീരം രോഗങ്ങളെ ചെറുക്കുന്നതായിരിക്കും. വീട്ടില്‍ പാകം ചെയ്യുന്ന ഭക്ഷണം മാത്രം കഴിക്കുക. ഇതില്‍ മഞ്ഞള്‍, തേന്‍, ഇഞ്ചി, വെളുത്തുള്ളി, കടുക്, മല്ലി തുടങ്ങിയവയും ഉള്‍പ്പെടുത്തുക. 

ശുചിത്വം

വ്യക്തി ശുചിത്വം ഏവര്‍ക്കും അത്യാവശ്യമാണ്. അണുബാധ തടയുന്നതിനായി പതിവായി നിങ്ങള്‍ കൈ കഴുകേണ്ടതുണ്ട്. വീട്ടില്‍ നിന്നു പുറത്തിറങ്ങേണ്ടി വന്നാല്‍ കുട, റെയിന്‍കോട്ട്, വാട്ടര്‍പ്രൂഫ് പാദരക്ഷകള്‍ എന്നിവ കൈയിലുണ്ടെന്ന് ഉറപ്പുവരുത്തുക. വീട്ടിലേക്ക് തിരിച്ചു പോകുമ്പോഴോ മഴയില്‍ നനഞ്ഞതിനു ശേഷമോ കുളിക്കുന്നത് നിങ്ങളുടെ ശരീര താപനില സ്ഥിരപ്പെടുത്താന്‍ സഹായിക്കുന്നതാണ്. 

കഴിക്കാവുന്നതും ഒഴിവാക്കേണ്ടതും

പ്രോബയോട്ടിക്‌സും പുളിപ്പിച്ച ഭക്ഷണവും കഴിക്കാവുന്നതാണ്. ചെറുചൂടുള്ള നാരങ്ങാവെള്ളവും ഇഞ്ചിയും വെളുത്തുള്ളിയും ഭക്ഷണത്തില്‍ ഉള്‍പ്പെടുത്തുന്നതും മസാല ചായ കുടിക്കുന്നതും ഉണങ്ങിയ പഴങ്ങള്‍ തിന്നുന്നതും വേവിച്ച പച്ചക്കറികള്‍ കഴിക്കുന്നതും വളരെ നല്ലതാണ്.
 
പാടില്ലാത്തവ
തെരുവില്‍ നിന്നു വാങ്ങി കഴിക്കുന്ന ഭക്ഷണങ്ങള്‍, പ്രത്യേകിച്ച് വറുത്തവ.
തണുത്ത പാനീയങ്ങള്‍, അസംസ്‌കൃത പഴങ്ങളും ഇലക്കറികളും, കടല്‍ ഭക്ഷണവിഭവങ്ങളും ഒഴിവാക്കുന്നത് നല്ലതാണ്.