ഹൈദരാബാദ്: കഴിഞ്ഞ അഞ്ച് വർഷത്തിനിടെ പറക്കുന്നതിനിടെ അറുപത്തിയഞ്ച് വിമാനങ്ങളുടെ എഞ്ചിനുകൾ ഓഫായെന്ന ഞെട്ടിക്കുന്ന കണക്കുകൾ പുറത്ത്. 17 മാസത്തിനുള്ളിൽ വിമാന കോക്ക്പിറ്റുകളിൽ നിന്ന് പതിനൊന്ന് "മെയ്ഡേ" അപായ കോളുകൾ ഉണ്ടായതായി ഡയറക്ടറേറ്റ് ജനറൽ ഓഫ് സിവിൽ ഏവിയേഷന്റെ കണക്ക് പുറത്ത്. ജൂൺ 12 ന് അഹമ്മദാബാദിൽ തകർന്ന എയർ ഇന്ത്യ വിമാനവും വഴിതിരിച്ചുവിട്ട ആഭ്യന്തര ഇൻഡിഗോ വിമാനവും ഒഴികെയാണ് 11 വിമാനത്തിൽ നിന്ന് അപായ കോളുകൾ ഉണ്ടായത്. വിവരാകാശ പ്രകാരമുള്ള ഈ കണക്ക് ടൈംസ് ഓഫ് ഇന്ത്യയാണ് പുറത്തുവിട്ടത്.

എഞ്ചിൻ തകരാറുകൾ ഇന്ത്യയിൽ പ്രവർത്തിക്കുന്ന വിമാനക്കമ്പനികളെ ഒരു മാസത്തിൽ ഒരു സംഭവം എന്ന നിരക്കിൽ ബാധിക്കുന്നു. ഹൈദരാബാദിൽ തകർന്ന AI ബോയിംഗ് 787-8 ഡ്രീംലൈനറിന്റെ എഞ്ചിനുകളിലേക്ക് ഇന്ധനം എത്തുന്നത് നിലയ്ക്കുന്നത് പോലുള്ള സംഭവങ്ങൾ പരിചയസമ്പന്നരായ പൈലറ്റുമാർ കൈകാര്യം ചെയ്യേണ്ടി വരുന്നുണ്ട്. നിയന്ത്രിക്കാനാകാത്ത തരത്തിലേക്ക് ഇത് ഉയർന്നുകഴിഞ്ഞാൽ ഇത് അങ്ങേയറ്റം അപകടകരമാണ്.

2020 മുതൽ 2025 വരെ (ഇതുവരെ) ഇന്ത്യയിലുടനീളം വിമാനത്തിനുള്ളിൽ എഞ്ചിനുകൾ ഷട്ട്ഡൗൺ ചെയ്തതുമായി ബന്ധപ്പെട്ട് ആകെ 65 സംഭവങ്ങൾ റിപ്പോർട്ട് ചെയ്യപ്പെട്ടിട്ടുണ്ട്. ഇതിൽ ടേക്ക്-ഓഫിനിടയിലും യാത്രക്കിടയിലും ഉണ്ടായ സംഭവങ്ങളും ഉൾപ്പെടുന്നു. എന്നാൽ, ഈ 65 സംഭവങ്ങളിലും, അപകടം ഉണ്ടാക്കാത്ത രീതിയിൽ പൈലറ്റുമാർക്ക് വിമാനത്തെ അടുത്തുള്ള വിമാനത്താവളത്തിലേക്ക് സുരക്ഷിതമായി എത്തിക്കാൻ കഴിഞ്ഞു. കുറഞ്ഞ ഇന്ധനം മുതൽ ടർബൈൻ തകരാറുകൾ, തെറ്റായ ഇലക്ട്രോണിക് ഘടകങ്ങൾ എന്നിവ വരെയുള്ള സാങ്കേതിക പ്രശ്‌നങ്ങളാണ് എഞ്ചിൻ ഷട്ട്ഡൗൺ ചെയ്യാൻ കാരണമെന്ന് വിദഗ്ദ്ധർ പറയുന്നു.

ALSO READ: സ്വർണവള കാക്ക കൊത്തികൊണ്ട് പോയി, മൂന്ന് വർഷങ്ങൾക്ക് ശേഷം കാക്കക്കൂട്ടിൽ നിന്നു തന്നെ തിരിച്ചുകിട്ടി! അത്ഭുതം മാറാതെ മലപ്പുറത്തെ ഒരു കുടുംബം

എഞ്ചിൻ ഷട്ട്ഡൗൺ ചെയ്യാനുള്ള പ്രധാന കാരണങ്ങളിൽ തടസ്സപ്പെട്ട ഇന്ധന ഫിൽട്ടറുകൾ, വെള്ളത്തിൽ നിന്നുള്ള ഇന്ധന മലിനീകരണം, എഞ്ചിനുകളിലേക്കുള്ള ഇന്ധന വിതരണം തടസ്സപ്പെടുന്നത്, എഞ്ചിൻ സ്റ്റാക്കിലേക്ക് പ്രവേശിക്കുന്ന വസ്തുക്കൾ എന്നിവയും ഉൾപ്പെടുന്നു. ഇവയെല്ലാം തന്നെ വിമാനത്തിന്റെ പ്രവർത്തനങ്ങൾ നിലക്കാൻ തന്നെ കാരണമാകുന്നതാണ്.  

2024 ജനുവരി 1 നും 2025 മെയ് 31 നും ഇടയിൽ, വിവിധ സാങ്കേതിക തകരാറുകൾ റിപ്പോർട്ട് ചെയ്ത് അടിയന്തര ലാൻഡിംഗ് ആവശ്യപ്പെട്ട് 11 വിമാനങ്ങളിൽ നിന്ന് മെയ്ഡേ കോളുകൾ വന്നതായി വിവരാവകാശ രേഖ പറയുന്നു. 11 വിമാനങ്ങളിൽ നാലെണ്ണം സാങ്കേതിക തകരാറുകൾ കാരണം അപായ കോളുകൾ നൽകി ഹൈദരാബാദിൽ ലാൻഡ് ചെയ്തതായി ആർടിഐ ഡാറ്റ വെളിപ്പെടുത്തുന്നു. മെയ്ഡേ സിഗ്നലുകൾ ജീവൻ അപകടപ്പെടുത്തുന്ന സാഹചര്യങ്ങളിൽ മാത്രമായി ഉപയോഗിക്കുന്ന ഒന്നാണെന്ന് എയർലൈൻ പൈലറ്റ്സ് അസോസിയേഷൻ ഓഫ് ഇന്ത്യ പറയുന്നു.

വിമാനത്തിന് തീപിടിക്കൽ, എഞ്ചിൻ തകരാറുകൾ അല്ലെങ്കിൽ ആസന്നമായ അപകടമുണ്ടാക്കുന്ന സാഹചര്യങ്ങൾ, തുടർച്ചയായ പറക്കൽ സുരക്ഷിതമല്ലാതാകുമ്പോൾ ഉടനടി ലാൻഡിംഗ് അല്ലെങ്കിൽ ഗ്രൗണ്ടിംഗ് ആവശ്യമായി വരൽ തുടങ്ങിയ ഗുരുതരമായ അടിയന്തര സാഹചര്യങ്ങൾ നേരിടുമ്പോഴാണ് ഫ്ലൈറ്റ് ക്രൂ മെയ്ഡേ കോളുകൾ നൽകുന്നത്. 

ALSO READ: പ്ലസ്ടു ഉണ്ടോ? എമിറേറ്റ്‌സ് എയര്‍ലൈന്‍ ക്യാബിന്‍ക്രൂ ആകാം, 2.38 ലക്ഷം രൂപ ശമ്പളവും മറ്റ് ആനുകൂല്യങ്ങളും

ലോകമെമ്പാടും വിമാനത്തിനുള്ളിൽ എഞ്ചിൻ ഷട്ട്ഡൗണുകളും മെയ്ഡേ കോളുകളും അസാധാരണമല്ലെന്ന് വിദഗ്ദ്ധർ പറയുന്നുണ്ടെങ്കിലും, ആഗോള വ്യോമയാന സുരക്ഷാ മാനദണ്ഡങ്ങളിൽ ഇന്ത്യയുടെ സ്ഥാനം ആത്മവിശ്വാസം നൽകുന്നതല്ല. വിമാനങ്ങളുടെ സുരക്ഷാ മേൽനോട്ട സംവിധാനത്തിൽ അന്താരാഷ്ട്ര സിവിൽ ഏവിയേഷൻ ഓർഗനൈസേഷന്റെ കണക്ക് പ്രകാരം ഇന്ത്യ 48-ാം സ്ഥാനത്ത് ആണ്. 

A startling report from the Directorate General of Civil Aviation (DGCA) has revealed that over the past five years, there were 65 incidents of aircraft engines shutting down mid-air. Even more alarming, in just the last 17 months, 11 mayday distress calls were made from aircraft cockpits. These figures exclude recent incidents such as the Air India aircraft mishap in Ahmedabad on June 12 and an IndiGo flight that veered off course.