അനധികൃത  നിര്‍മാണം റിപ്പോര്‍ട്ട് ചെയ്യാനെത്തിയ മാധ്യമപ്രവര്‍ത്തകക്ക് അതിക്രൂര മര്‍ദ്ദനം. പൂനെയിലെ ഒരു  നദീതീരത്തെ നിര്‍മാണ പ്രവര്‍ത്തനങ്ങള്‍ റിപ്പോര്‍ട്ട് ചെയ്യുന്നതിനിടെയാണ് സംഭവം. മര്‍ദ്ദനത്തിന്റെ വീഡിയോ സോഷ്യല്‍ മീഡിയയില്‍ പ്രചരിക്കുന്നുണ്ട്. 

സമര്‍ഥ് ഭാരത് പത്രത്തിന്റെയും എസ്.ബി.പി യൂട്യൂബ് ചാനലിന്റെയും എഡിറ്ററായ മാധ്യമപ്രവര്‍ത്തക സ്‌നേഹ ബാര്‍വെക്ക് നേരെയായിരുന്നു അതിക്രമം. ഏതാനും പേരടങ്ങിയ സംഘം ദണ്ഡുകളും വടികളും മറ്റും ഉപയോഗിച്ച് മര്‍ദ്ദിക്കുന്നത് വീഡിയോയില്‍ വ്യക്തമാണ്. അടിയേറ്റ് നിലത്തു വീണ നിലയിലാണ് സ്‌നേഹ. 12 പേര്‍ക്കെതിരെ കേസെടുത്തിട്ടുണ്ട്. 

ALSO READ: അഞ്ച് വർഷത്തിനിടെ 65 ഇന്ത്യൻ വിമാനങ്ങളുടെ എഞ്ചിൻ പറക്കുന്നതിനിടെ നിലച്ചു; ഒന്നര വർഷത്തിനിടെ 11 'മെയ്ഡേ' അപായ കോളുകൾ, ഞെട്ടിക്കുന്ന കണക്ക്!

പ്രദേശവാസിയില്‍ നിന്ന് ലഭിച്ച വിവരമനുസരിച്ചാണ് അവരവിടെ റിപ്പോര്‍ട്ടിങ്ങിനെത്തുന്നത്. റിപ്പോര്‍ട്ട് ഷൂട്ട് ചെയ്തു കൊണ്ടിരിക്കേ നിര്‍മാണം നടത്തുന്ന പാണ്ഡുരംഗ് മോര്‍ഡെ, മക്കളായ പ്രശാന്ത്, നിലേഷ് മോര്‍ഡെ എന്നിവരടങ്ങിയ ഒമ്പതോളം പേര്‍ ഇവരെ ക്രൂരമായി മര്‍ദ്ദിക്കുകയായിരുന്നു. വധഭീഷണിയും അക്രമികള്‍ മുഴക്കിയിട്ടുണ്ട്. 

മോര്‌ഡേയുടെ പേരില്‍ വേറേും കേസുകളുണ്ടെന്ന് റിപ്പോര്‍ട്ടില്‍ പറയുന്നു.  ഒരു കൊലപാതകശ്രമ കേസില്‍ ജാമ്യത്തിലാണ് ഇയാള്‍. മഹാരാഷ്ട്രയിലെ ഭരണകക്ഷിയായ മഹായുതി സഖ്യവുമായി അടുത്ത ബന്ധമുള്ള ഒരു പ്രാദേശിക ബിസിനസുകാരനാണ് ഇയാള്‍. ഇതുവരെ, ഈ ആക്രമണത്തെ മഹാരാഷ്ട്ര സര്‍ക്കാര്‍ അപലപിച്ചിട്ടില്ലെന്ന് പ്രതിപക്ഷം കുറ്റപ്പെടുത്തുന്നു.

ALSO READ: ഒരു ഇസ്‌റാഈലി സൈനികന്‍ കൂടി ആത്മഹത്യ ചെയ്തു; പത്ത് ദിവസത്തിനിടെ മൂന്നാമത്തെ സംഭവം. ഈ വര്‍ഷം ആത്മഹത്യ ചെയ്തത് 15 സൈനികര്‍

ബാര്‍വെ ബോധരഹിതയായപ്പോള്‍ മാത്രമാണ് മര്‍ദ്ദനം നിര്‍ത്തിയതെന്ന് പരാതിയില്‍ പറയുന്നു. അവരെ അടുത്തുള്ള ഒരു ആശുപത്രിയിലേക്കാണ് കൊണ്ടുപോയത്. പിന്നീട് വിദഗ്ധ ചികിത്സക്കായി  ഡി.വൈ. പാട്ടീല്‍ ആശുപത്രിയിലേക്ക് മാറ്റി. അവര്‍ക്ക് കടുത്ത വീക്കവും തുടര്‍ച്ചയായ തലവേദനയും ഉണ്ടായിരുന്നുവെന്നും റിപ്പോര്‍ട്ടില്‍ പറയുന്നു.

Sneh Barve, editor of Samarth Bharat and SBP YouTube channel, was brutally assaulted in Pune while reporting on illegal riverfront construction. A viral video shows a group beating her with sticks and rods. Twelve people, including Pandurang Morde and his sons, have been booked.