റിയാദ്: രണ്ട് പതിറ്റാണ്ടോളം കാലം സഊദിയില്‍ ജോലി ചെയ്തിരുന്ന ഇന്ത്യന്‍ എഞ്ചിനീയര്‍ സഊദിയില്‍ അറസ്റ്റില്‍. വ്യാജ ബിരുദ സര്‍ട്ടിഫിക്കറ്റ് കേസിലാണ് ഇയാളെ അറസ്റ്റു ചെയ്തത്. ഹജ്ജ് തീര്‍ത്ഥാടനത്തിന് എത്തി മടങ്ങാനിരുന്നപ്പോള്‍ വിമാനത്താവളത്തില്‍ വെച്ചാണ് ഇയാളെ അറസ്റ്റു ചെയ്തത്.  

ALSO READ: സുരക്ഷാ ലംഘനങ്ങൾ കണ്ടെത്തി: നിയമവിരുദ്ധ സൗന്ദര്യവർദ്ധക വസ്തുക്കൾ വിൽക്കുന്ന കേന്ദ്രവും, യൂറോപ്യൻ ഫാർമസ്യൂട്ടിക്കൽ ഫാക്ടറിയും അടച്ചുപൂട്ടി സഊദി അറേബ്യ

മൂന്ന് പതിറ്റാണ്ട് മുമ്പ് സഊദിയില്‍ ജോലിക്ക് കയറിയപ്പോള്‍ വ്യാജ ബിരുദ സര്‍ട്ടിഫിക്കറ്റ് ഉപയോഗിച്ചു എന്ന കുറ്റമാണ് എഞ്ചിനീയര്‍ക്കെതിരെ ചുമത്തിയിരിക്കുന്നത്. 18 വര്‍ഷം സഊദിയില്‍ ജോലി ചെയ്ത ഇയാള്‍ 12 വര്‍ഷം മുമ്പ് ഇന്ത്യയിലേക്ക് മടങ്ങി കുടുംബത്തോടൊപ്പം താമസിച്ചു വരികയായിരുന്നു.

അടുത്തിടെ ഹജ്ജ് തീര്‍ത്ഥാടനം നടത്തിയ ശേഷം തിരിച്ചെത്തിയപ്പോഴാണ് വിമാനത്താവളത്തില്‍ വെച്ച് അധികൃതര്‍ ഇയാളെ കസ്റ്റഡിയിലെടുത്തത്. 30 വര്‍ഷം മുമ്പ് രജിസ്റ്റര്‍ ചെയ്ത ഒരു കേസുമായി ബന്ധപ്പെട്ടാണ് നടപടി. 1990-ല്‍ ബെംഗളൂരുവിലെ പ്രമുഖ കോളേജില്‍ നിന്ന് എഞ്ചിനീയറിംഗ് ബിരുദം നേടിയെന്നും വ്യാജരേഖ ചമച്ചിട്ടില്ലെന്നും ഇയാൾ വാദിക്കുന്നു.

എന്നാല്‍, ബിരുദം ആധികാരികമാണെങ്കില്‍ പോലും, എംബസി അറ്റസ്റ്റേഷന്‍ അനുചിതമായതിനാല്‍ അത് വ്യാജമായി കണക്കാക്കുമെന്ന് സഊദി അധികൃതര്‍ വ്യക്തമാക്കി. ഔദ്യോഗിക അറ്റസ്റ്റേഷന്‍ നടപടിക്രമങ്ങള്‍ മാത്രമേ അംഗീകരിക്കൂ എന്ന് അധികൃതര്‍ വ്യക്തമാക്കി. നിലവില്‍ ആരോഗ്യനില മോശമായി വീല്‍ചെയറില്‍ കഴിയുന്ന എഞ്ചിനീയര്‍ സഊദിയില്‍ അന്വേഷണ നടപടികള്‍ നേരിടുകയാണ്. നടപടിക്രമങ്ങള്‍ പൂര്‍ത്തിയാകുന്നതുവരെ ഇയാള്‍ക്ക് രാജ്യം വിടാന്‍ വിലക്കുണ്ട്.

ALSO READ: സഊദിയിലെ അപ്പാര്‍ട്ട്‌മെന്റ് കേന്ദ്രീകരിച്ച് അനാശാസ്യ പ്രവര്‍ത്തനം; 12 പ്രവാസികള്‍ അറസ്റ്റില്‍

മുമ്പ് ആശ്രിത വിസകള്‍ നേടാന്‍ വ്യാജ സര്‍ട്ടിഫിക്കറ്റുകള്‍ ഹാജരാക്കുന്ന സംഭവങ്ങള്‍ വ്യാപകമാകുന്നതായി റിപ്പോര്‍ട്ടുണ്ടായിരുന്നു. നഴ്സിങ്, പാരാമെഡിക്കല്‍ കോഴ്സുകളുടെ വ്യാജ സര്‍ട്ടിഫിക്കറ്റുകള്‍ ഉപയോഗിച്ച് ജോലിക്ക് പ്രവേശിക്കുന്നവര്‍ നിരവധിയാണ്. ഇത്തരം സര്‍ട്ടിഫിക്കറ്റുകള്‍ നല്‍കിയ പല സ്ഥാപനങ്ങളും ഇപ്പോള്‍ അടച്ചുപൂട്ടിയതായും കണ്ടെത്തി. ഏജന്‍സികള്‍ രേഖകള്‍ പരിശോധിക്കുമ്പോള്‍, സ്ഥാപനം നിലവിലില്ലെന്ന് വ്യക്തമാകുന്നു. ഇതോടെ, അറ്റസ്റ്റേഷന്‍ പൂര്‍ത്തിയാക്കാന്‍ കഴിയാത്തതിനാല്‍ സര്‍ട്ടിഫിക്കറ്റുകള്‍ വ്യാജമാണെന്ന് റിപ്പോര്‍ട്ട് ചെയ്യപ്പെടുകയാണ്. ഇത്തരം കേസുകളില്‍ അധികൃതര്‍ കര്‍ശന നടപടികള്‍ സ്വീകരിച്ചു വരുന്നത്.

An Indian engineer has been arrested in Saudi Arabia for allegedly using a fake degree certificate to secure employment nearly 30 years ago.