മസ്‌കത്ത്: പുതിയ വാഹനങ്ങള്‍ പ്രതിദിനം നിരത്തുകളിലേക്ക് ഇറങ്ങുന്നതു മൂലം അധികരിക്കുന്ന ഗതാഗതക്കുരുക്കും പാരിസ്ഥിതിഘാതവും എങ്ങനെ മറികടക്കാം എന്നതാണ് ഇന്ന് ഗള്‍ഫ് രാജ്യങ്ങളുടെ മുന്നിലുള്ള പ്രധാന വെല്ലുവിളി. ഇലക്ട്രിക് വാഹനങ്ങള്‍ക്ക് കൂടുതല്‍ പ്രാധാന്യം നല്‍കുക, പൊതുഗതാഗത സംവിധാനം ശക്തിപ്പെടുത്തുക തുടങ്ങിയ മാര്‍ഗങ്ങളിലൂടെ ഈ പ്രശ്‌നങ്ങളെയും വെല്ലുവിളികളെയും നേരിടാനാണ് നിലവില്‍ ഗള്‍ഫ് രാജ്യങ്ങള്‍ ശ്രമിക്കുന്നത്.

ALSO READ: ഒമാനിൽ മുങ്ങിമരണങ്ങൾ മൂന്നിരട്ടി കൂടി, വേനൽക്കാലം ആയതോടെ ജാഗ്രത നിദേശവുമായി സിവിൽ ഡിഫൻസ്‌

അടുത്തിടെ ടോള്‍നിരക്ക് ഉയര്‍ത്തിയതും പാര്‍ക്കിംഗ് ഫീ വര്‍ധിപ്പിച്ചതും ദുബൈയില്‍ പൊതുഗതാഗതം ഉപയോഗിക്കുന്ന ആളുകളുടെ എണ്ണം കൂടാന്‍ കാരണമായിരുന്നു. ഈ മാതൃക മറ്റു ഗള്‍ഫ് രാജ്യങ്ങളും സ്വീകരിച്ചേക്കുമെന്നാണ് റിപ്പോര്‍ട്ടുകള്‍ സ്വീകരിക്കുന്നത്.

കാര്‍ പൂളിംഗ് എന്ന മാര്‍ഗത്തിലൂടെ പാരിസ്ഥിതികാഘാതവും ഗതാഗതക്കുരുക്കും കുറയ്ക്കാനാണ് നിലവില്‍ ഒമാന്‍ ശ്രമിക്കുന്നത്. ഒന്നിലധികം ആളുകള്‍ ഒരേ വാഹനത്തില്‍ സഞ്ചരിക്കുന്നതാണ് കാര്‍ പൂളിംഗ്. ഇതിലൂടെ ഇന്ധനച്ചെലവും ഗതാഗതക്കുരുക്കും പാരിസ്ഥിതികാഘാതവും യാത്രാസമയവും കുറയ്ക്കാനാകും. ഇക്കാരണത്താല്‍ യാത്രക്കാര്‍ ഇത്തരത്തില്‍ യാത്ര ചെയ്യണമെന്ന് അഭ്യര്‍ത്ഥിച്ചിരിക്കുകയാണ് മസ്‌കത്ത് മുനിസിപ്പാലിറ്റി.

ALSO READ: ഒമാനില്‍ ഇനി ഫാര്‍മസി മേഖലയിലെ പ്രവാസികളുടെ ലൈസന്‍സുകള്‍ പുതുക്കില്ല; മലയാളികള്‍ക്ക് കനത്ത തിരിച്ചടി

കുറച്ച് വര്‍ഷങ്ങള്‍ക്ക് മുമ്പ് ഇത്തരത്തിലുള്ള ഷെയര്‍ ടാക്‌സികള്‍ മസ്‌കത്തില്‍ വ്യാപകമായിരുന്നു. കുറഞ്ഞ വരുമാനമുണ്ടായിരുന്ന മിക്ക പ്രവാസികളുംഈ രീതിയാണ് ജോലിസ്ഥലത്തേക്ക് പോകാനും തിരികെ വരാനും ഉപയോഗിച്ചിരുന്നത്. എന്നാല്‍ ടാക്‌സികള്‍ ബുക്ക് ചെയ്യാന്‍ മൊബൈല്‍ ആപ്പുകള്‍ വന്നതോടെ ഷെയര്‍ ടാക്‌സികള്‍ നിലയ്ക്കുകയായിരുന്നു.

ഷെയര്‍ ടാക്‌സി നിയമവിരുദ്ധമായതിനാലാണ് സര്‍ക്കാര്‍ കാര്‍ പൂളിംഗ് എന്ന ആശയം അവതരിപ്പിച്ചിരിക്കുന്നതെന്ന് വിദഗ്ധര്‍ പറയുന്നു.

Discover practical ways to cut travel expenses in Muscat with budget-friendly tips on transportation, accommodation, and local deals.