കുവൈത്ത് സിറ്റി: രാജ്യത്തെ ഏറ്റവും വലിയ പൗരത്വ തട്ടിപ്പുകേസെന്ന് വിശേഷിപ്പിച്ച കേസില്‍ 440 പേരുടെ പൗരത്വം റദ്ദാക്കി അധികൃതര്‍. ഇതോടെ ആകെ ഈ കേസില്‍ പൗരത്വം നഷ്ടപ്പെട്ടവരുടെ എണ്ണം 1060 ആയി. ഇതിനുമുമ്പ് 620 പേര്‍ക്ക് പൗരത്വം നഷ്ടമായിരുന്നു.

ALSO READ: കുവൈത്ത്: അംഗാരയിൽ 'വുഡ് സ്ക്രാപ്പ് യാർഡ്' പ്രദേശത്ത് തീപിടുത്തം

വ്യാജ രേഖകളുടെ സഹായത്തോടെ പ്രവര്‍ത്തിച്ച വലിയൊരു സംഘമാണ് തട്ടിപ്പിന് പിന്നിലെന്ന് അധികൃതര്‍ അറിയിച്ചു. അന്വേഷണത്തിന്റെ ഓരോ ഘട്ടത്തിലും പുതിയതായി കണ്ടെത്തിയ ഓരോന്നും പുതിയ കേസുകളിലേക്കാണ് നയിച്ചത്. ഇത് കേസിനെ കൂടുതല്‍ സങ്കീര്‍ണമാക്കിയിരുന്നു. ഏറ്റവും പുതിയതായി രജിസറ്റര്‍ ചെയ്ത കേസ് 1940ല്‍ ജനിച്ച ഒരാളെ കേന്ദ്രീകരിച്ചാണ് നടന്നതെന്ന് അധികൃതര്‍ അറിയിച്ചു. ഈ കേസില്‍ 440 പേര്‍ ഉള്‍പ്പെട്ടതായാണ് വിവരം. രേഖകള്‍ പ്രകാരം ഇയാള്‍ക്ക് 22 മക്കളുണ്ടായിരുന്നു. എന്നാല്‍ ഇതില്‍ ഏഴുപേര്‍ തെറ്റായ തിരിച്ചറിയല്‍ രേഖയുള്ളവരും വ്യാജ രേഖ ചമച്ചവരും ഇവര്‍ 1940നും 1950കളുടെ തുടക്കത്തിനും ഇടയില്‍ ജനിച്ചനരാണെന്നും കണ്ടെത്തി. ഇക്കൂട്ടത്തില്‍ ഒരു മകന് പിതാവിനേക്കാള്‍ എട്ടി വയസ്സ് മാത്രമാണ് കുറവ്.

2008ല്‍ നിര്‍ത്തിവച്ചിരുന്ന ഒരു കേസില്‍ കഴിഞ്ഞ വര്‍ഷം ലഭിച്ച രഹസ്യ വിവരത്തിന്റെ അടിസ്ഥാനത്തില്‍ വീണ്ടും അന്വേഷണം ആരംഭിച്ചിരുന്നു. 1956ല്‍ ജനിച്ച ഒരു വ്യക്തി, മറ്റൊരു ഗള്‍ഫ് രാജ്യത്തെ പൗരത്വം കൈവശം വെച്ചുകൊണ്ട് വ്യാജ കുവൈത്ത് ഐഡന്റിറ്റി സ്വീകരിച്ചിരുന്നു. 2006ല്‍ ഈ വ്യക്തി കുറ്റസമ്മതം നടത്തിയെങ്കിലും, അദ്ദേഹം 44 കുട്ടികളെയും 122 ആശ്രിതരെയും തന്റെ രേഖയില്‍ ചേര്‍ക്കുകയായിരുന്നു. ഡിഎന്‍എ പരിശോധനയില്‍ ഇവരില്‍ പലരുമായും ഇയാള്‍ക്ക്‌ യാതൊരു ബന്ധവുമില്ലെന്ന് തെളിഞ്ഞു.

700ലധികം പേരുടെ പൗരത്വം റദ്ദാക്കി
നാല് പ്രധാന ഫയലുകളിലായി 700ലധികം പേരുടെ പൗരത്വം ഏറ്റവും പുതിയ റൗണ്ടില്‍ റദ്ദാക്കി. 16 വ്യക്തികള്‍ ഇരട്ട ഗള്‍ഫ് അല്ലെങ്കില്‍ അറബ് പൗരത്വം കൈവശം വച്ചതായും കണ്ടെത്തി. ഇത് കുവൈത്തിലെ പൗരത്വ നിയമങ്ങളുടെ ലംഘനമാണ്.

ALSO READ: കുവൈത്ത് വിസക്ക് അപേക്ഷിക്കാന്‍ ആഹ്രഹിക്കുന്നുണ്ടോ? ഇതാ പുതിയ വിസ പോര്‍ട്ടല്‍; ഈസി പ്രോസസ്സിങ്; അപേക്ഷയെക്കുറിച്ച് അറിയേണ്ടതെല്ലാം | Kuwait Visa Complete guide

അന്വേഷണത്തിന്റെ വ്യാപ്തി
2000 മുതല്‍ 2025 വരെയുള്ള കേസുകള്‍ ഉള്‍പ്പെടുത്തി, ഡിഎന്‍എ വിശകലനം, റെക്കോര്‍ഡ് ഓഡിറ്റുകള്‍, വിദേശ സര്‍ക്കാരുകളുമായുള്ള കത്തിടപാടുകള്‍ എന്നിവ ഉള്‍പ്പെടുത്തിയാണ് അന്വേഷണം നടത്തിയത്. സ്ഥിരീകരിച്ച രേഖകളുടെ അടിസ്ഥാനത്തില്‍ മാത്രമാണ് റദ്ദാക്കലുകള്‍ നടപ്പാക്കിയതെന്ന് ഉദ്യോഗസ്ഥര്‍ വ്യക്തമാക്കി.

പൗരത്വ തട്ടിപ്പിനെതിരെ കുവൈത്ത് കര്‍ശന നടപടിയാണ് സ്വീകരിച്ചു വരുന്നത്. വ്യാജ രേഖകള്‍ ഉപയോഗിച്ച് പൗരത്വം നേടിയവര്‍ക്കെതിരെ തുടര്‍നടപടികള്‍ ശക്തമാക്കുമെന്നും അധികൃതര്‍ അറിയിച്ചു.

Kuwait uncovers a shocking cluster citizenship scam where official documents show a father only 8 years older than his son. Authorities launch investigation into widespread identity and nationality fraud.