കോഴിക്കോട്: സ്‌കൂൾ സമയമാറ്റത്തിൽ സമസ്ത ഉയർത്തിയ ആശങ്കയുടെയും ന്യായവാദത്തിന്റെയും പേരിൽ വർഗീയ വിദ്വേഷ പ്രചാരണത്തിനു ശ്രമം. സമസ്ത ചർച്ചയ്ക്ക് എടുക്കുകപോലും ചെയ്യാത്ത കാര്യം ഉയർത്തിയാണ് ചില ചാനലുകളും പത്രങ്ങളും വിദ്വേഷ പ്രചാരണം നടത്തുന്നത്. ഓണം, ക്രിസ്മസ് അവധികളിൽ കുറവു വരുത്തണമെന്ന് സമസ്ത നിർദേശിച്ചുവെന്ന രീതിയിൽ ഏഷ്യാനെറ്റാണ് ആദ്യം വാർത്ത സൃഷ്ടിച്ചത്. ഇത് ജനം ടി.വി ഏറ്റുപിടിച്ചു. ഇന്നലെ ദീപിക ദിനപത്രം അതിന്റെ പേരിൽ മുഖപ്രസംഗം വരെ എഴുതി. 

സ്‌കൂളുകളിൽ പോകുന്ന 12 ലക്ഷം വിദ്യാർഥികൾ മദ്റസകളിലും കൂടി പഠിക്കുന്നവരാണ്. സ്‌കൂൾ സമയം മാറ്റുന്നത് ഈ കുട്ടികൾക്ക് പ്രയാസം ഉണ്ടാക്കുന്നുവെന്നത് സർക്കാരിന് മുന്നിൽ വച്ച സമസ്ത, പ്രശ്‌നം ചർച്ചയിലൂടെ പരിഹരിക്കണമെന്നാണ് നിർദേശിച്ചത്. ചർച്ചയ്ക്ക് സർക്കാർ സന്നദ്ധത അറിയിച്ചതാണ്. ചർച്ചയിൽ പ്രായോഗിക നിർദേശങ്ങൾ വയ്ക്കുമെന്ന് സമസ്ത വ്യക്തമാക്കിയിട്ടുണ്ടെങ്കിലും അതേക്കുറിച്ച് രൂപം ഉണ്ടാക്കിയിട്ടില്ല. സ്‌കൂളുകളും മദ്റസകളും ഒരുപോലെ നന്നായി നടക്കണമെന്നും സാമുദായിക സൗഹാർദം കാത്തുസൂക്ഷിക്കണമെന്നും നിർബന്ധമുള്ള സംഘടനയെന്ന നിലയ്ക്ക് ഏതെങ്കിലും വിഭാഗത്തിന്റെ അവധികൾ കുറയ്ക്കണമെന്ന തരത്തിലുള്ള നിർദേശം സമസ്ത മുന്നോട്ടു വയ്ക്കില്ലെന്ന് പൊതുസമൂഹത്തിന് അറിയാമെന്നിരിക്കെയാണ്  ദുശ്ശക്തികൾ തെറ്റിദ്ധാരണയുണ്ടാക്കാൻ ശ്രമിക്കുന്നത്. 

കാൽക്കൊല്ല പരീക്ഷക്കു ശേഷം വരുന്ന ഓണാവധിയും അരക്കൊല്ല പരീക്ഷക്കു ശേഷം വരുന്ന ക്രിസ്മസ് അവധിയും കുറയ്ക്കണമെന്ന് സമസ്ത എവിടെയും നിർദേശിച്ചിട്ടില്ല. ഇത്തരമൊരു കാര്യം ആലോചിച്ചിട്ടു പോലുമില്ലെന്നിരിക്കെ, ഇല്ലാത്ത നിർദേശത്തെ ചൊല്ലി വാർത്ത കൊടുക്കുകയും അത് സമൂഹത്തിൽ ചർച്ചയാക്കി ഇതരമതസ്ഥരിൽ സംശയവും അസന്തുഷ്ടിയും ഉണ്ടാക്കുകയും ചെയ്യുകയാണ്. മതപരമായ വിശ്വാസങ്ങളും അതിന്റെ പഠനവും പൊതുസമൂഹത്തിന്റെ ഭാഗമാണ്. അത് വ്യത്യസ്ത രീതിയിലാണെന്ന വ്യത്യാസമേയുള്ളൂ. വർഷങ്ങളായി വ്യവസ്ഥാപിതമായ രീതിയിൽ നടന്നുവരുന്നവയാണ് സ്‌കൂളുകളും മദ് റസകളും. ഒരേ കുട്ടികളാണ് രണ്ടിടത്തും പഠിക്കുന്നതെന്നിരിക്കെ ഒന്നിന്റെ പ്രവർത്തന സമയത്തിലെ  മാറ്റം മറ്റേതിനെ ബാധിക്കുന്നുവെങ്കിൽ അത് ഉന്നയിക്കുകയെന്ന ജനാധിപത്യ മര്യാദയാണ് സമസ്ത കാണിച്ചത്. സർക്കാരിന് മുന്നിൽ വിഷയം അവതരിപ്പിക്കുക, ജനാഭിപ്രായം രൂപീകരിച്ച് സർക്കാറിന്റെ ശ്രദ്ധ ക്ഷണിക്കുക എന്നതൊക്കെ ജനാധിപത്യത്തിൽ സ്വാഭാവികമാണെന്നിരിക്കെയാണ് ചില വാർത്താമാധ്യമങ്ങൾ വിദ്വേഷ പ്രചാരണം നടത്തുന്നത്.

An attempt is underway to spread communal hatred by misrepresenting the concerns raised by Samastha Kerala Jem-iyyathul Ulama regarding the recent school timing changes in Kerala. Certain news channels and newspapers are falsely portraying that Samastha demanded a reduction in Onam and Christmas holidays, even though this was never brought up in any official discussion. The misinformation was first reported by Asianet News, claiming that Samastha recommended cutting short the festival holidays like Onam and Christmas. This was quickly picked up and amplified by Janam TV, known for its right-wing news coverage. On the following day, Deepika daily, a well-known newspaper, went as far as publishing an editorial based on this false narrative.