കൊല്ലം: തേവലക്കര ബോയ്സ് ഹൈസ്കൂളിൽ വൈദ്യുതാഘാതമേറ്റ് മരിച്ച എട്ടാം ക്ലാസ് വിദ്യാർത്ഥി മിഥുന്റെ മൃതദേഹം ശാസ്താംകോട്ട വിളന്തറയിലെ വീട്ടിലേക്ക് എത്തിച്ചു. സ്കൂളിൽ നടന്ന പൊതുദർശനത്തിന് ശേഷം, സഹപാഠികൾ, അധ്യാപകർ, നാട്ടുകാർ എന്നിവർ ഉൾപ്പെടെ നൂറുകണക്കിന് ആളുകൾ വിലാപയാത്രയിൽ പങ്കെടുത്ത് മിഥുന് അന്ത്യാഞ്ജലി അർപ്പിച്ചു. വൈകിട്ട് 4 മണിക്ക് വീട്ടുവളപ്പിൽ മിഥുന്റെ സംസ്കാര ചടങ്ങുകൾ നടക്കും.

ദേഹാസ്വാസ്ഥ്യം അനുഭവപ്പെട്ടതിനെ തുടർന്ന് ആശുപത്രിയിൽ പ്രവേശിപ്പിച്ച മിഥുന്റെ അച്ഛമ്മ മണിയമ്മയെ വീട്ടിലേക്ക് മാറ്റിയിട്ടുണ്ട്. ശാസ്താംകോട്ട ആശുപത്രിയിലെ മോർച്ചറിയിൽ സൂക്ഷിച്ചിരുന്ന മൃതദേഹം ഉച്ചയ്ക്ക് 12 മണിയോടെ സ്കൂളിലേക്ക് കൊണ്ടുവന്നിരുന്നു.

മിഥുന്റെ അമ്മ സുജ, കുവൈറ്റിൽ നിന്ന് ഇൻഡിഗോ വിമാനത്തിൽ രാവിലെ കൊച്ചി വിമാനത്താവളത്തിൽ എത്തി. ബന്ധുക്കളും ഇളയ മകനും സുജയെ സ്വീകരിക്കാൻ വിമാനത്താവളത്തിൽ ഉണ്ടായിരുന്നു. മകനെ കണ്ട് കെട്ടിപ്പിടിച്ച് സുജ പൊട്ടിക്കരഞ്ഞു. ബന്ധുക്കൾക്കും ആശ്വാസ വാക്കുകൾ കണ്ടെത്താനാകാതെ ദുഃഖം പങ്കിട്ടു. പൊലീസ് അകമ്പടിയോടെ സുജ കൊച്ചിയിൽ നിന്ന് കൊല്ലത്തേക്ക് റോഡ് മാർഗം യാത്ര തിരിച്ചു.

Mithun, the 8th-grade student killed by electrocution at Thevalakkara Boys High School, was brought home to Shastamkotta after public viewing at the school. Hundreds, including classmates and teachers, paid their respects. His grandmother, Maniamma, was discharged from the hospital. The funeral is scheduled for 4 PM at the family compound. Suja, Mithun’s mother, arrived from Kuwait and was escorted from Kochi to Kollam by police.