കോട്ടയം: വാഗമണ്ണില്‍ ചാര്‍ജിങ് സ്റ്റേഷനില്‍ കാറടിച്ചു കയറി നാലു വയസുള്ള കുട്ടി മരിച്ച സംഭവത്തില്‍ കാര്‍ ഡ്രൈവറുടെ അറസ്റ്റ് പൊലിസ് രേഖപ്പെടുത്തി. പിന്നീട് ഇയാളെ ജാമ്യത്തില്‍ വിട്ടയച്ചു. കരുനാഗപ്പള്ളി സ്വദേശി ജയകൃഷ്ണന്‍ ഓടിച്ച കാറാണ് കഴിഞ്ഞ പന്ത്രണ്ടിന് അപകടമുണ്ടാക്കിയത്.

ഡ്രൈവറുടെ അശ്രദ്ധയാണ് അപകടത്തിന് കാരണമായതെന്നാണ് മോട്ടര്‍ വാഹന വകുപ്പ് എന്‍ഫോഴ്‌സ്‌മെന്റ് വിഭാഗത്തിന്റെ റിപോര്‍ട്ട്. സ്റ്റേഷനില്‍ ഉണ്ടായ അപകടത്തിന്റെ ഡമ്മി പരീക്ഷണം പൊലിസും മോട്ടോര്‍ വാഹന വകുപ്പും നടത്തിയിരുന്നു. തിരുവനന്തപുരം നേമം സ്വദേശി ശബരീനാഥ്-ആര്യ ദമ്പതികളുടെ മകന്‍ നാലു വയസുള്ള അയാന്‍ഷ്‌നാഥ് ആണ് മരിച്ചത്. ഗുരുതരമായി പരിക്കേറ്റ അമ്മ ആര്യ ചികില്‍സയിലുമാണ്.