കോട്ടയം: തലയോലപറമ്പ് തേവലക്കാട് കരിക്കിടാന്‍ കയറിയ യുവാവ് തെങ്ങിന്റെ മുകളില്‍ മരിച്ച നിലയില്‍.  ഉദയനാപുരും സ്വദേശി ഷിബുവിനെയാണ് തെങ്ങിന്റെ മുകളില്‍ മരിച്ചനിലയില്‍ കണ്ടെത്തിയത്. ഇന്ന് രാവിലയാണ് ഷിബു കരിക്കിടാന്‍ തെങ്ങിന്റെ മുകളില്‍ കയറിയത്. കുറേനേരം കഴിഞ്ഞിട്ടും ഷിബുവിനെ കാണാത്തതിനെ തുടര്‍ന്ന് അന്വേഷിച്ചപ്പോഴാണ് തെങ്ങിന്റെ മുകളില്‍ മരിച്ച നിലയില്‍ കണ്ടെത്തിയത്.

ഓലമടലുകള്‍ക്കിടയില്‍ കുടുങ്ങിയ നിലയിലാരുന്നു മൃതദേഹം ഉണ്ടായിരുന്നത്. ഫയര്‍ഫോഴ്‌സ് എത്തിയാണ് മൃതദേഹം താഴെ ഇറക്കിയത്. കര്‍ക്കിടക വാവിന് വില്‍ക്കാന്‍ വേണ്ടിയുള്ള കരിക്കിടാനാണ് യുവാവ് തെങ്ങില്‍ കയറിയത്. ഹൃദയാഘാതമാണ് മരണകാരണമെന്നാണ് പ്രാഥമിക സംശയം. മൃതദേഹം വൈക്കം താലൂക്ക് ആശുപത്രിയിലേക്ക് മാറ്റിയിട്ടുണ്ട്.