കുവൈത്ത് സിറ്റി: വ്യാജ ഔദ്യോഗിക രേഖകൾ നിർമിച്ച് വൈദ്യുതി, ജല ബില്ലുകളിൽ കൃത്രിമം കാട്ടി ഏകദേശം 10 ലക്ഷം കുവൈത്ത് ദിനാറിന്റെ പബ്ലിക് ഫണ്ട് തട്ടിയെടുത്ത കേസിൽ മൂന്ന് ഈജിപ്തുകാർക്ക് കുവൈത്ത് ക്രിമിനൽ കോടതി ഏഴ് വർഷം തടവ് ശിക്ഷ വിധിച്ചു. അൽ ഖബാസ് അറബിക് ദിനപത്രമാണ് ഇക്കാര്യം റിപ്പോർട്ട് ചെയ്തത്.

ALSO READ: കുവൈത്തില്‍ 4 ട്രക്കുകള്‍ നിറയെ ചീഞ്ഞ മത്സ്യങ്ങളും ചെമ്മീനും; എല്ലാം പിടിച്ചെടുത്ത് നശിപ്പിച്ചു

പ്രതികൾ യൂട്ടിലിറ്റി മീറ്ററുകളിൽ കൃത്രിമം കാട്ടുകയും ഒരു വ്യവസായിയുടെയും രണ്ട് കുവൈത്ത് പൗരന്മാരുടെയും ബില്ലിംഗ് ഡാറ്റയിൽ മാറ്റം വരുത്തുകയും ചെയ്തതായി കോടതി കണ്ടെത്തി. കൈക്കൂലിക്ക് പകരമായി ബില്ലുകൾ കുറയ്ക്കുകയോ റദ്ദാക്കുകയോ ചെയ്തുവെന്നും വിധിന്യായത്തിൽ പറയുന്നു.

കോടതി രേഖകൾ പ്രകാരം, പ്രതികളിലൊരാൾ വൈദ്യുതി, ജല മന്ത്രാലയത്തിന്റെ സേവന കേന്ദ്രത്തിൽ ഡാറ്റാ എൻട്രി ക്ലാർക്കായി ജോലി ചെയ്തിരുന്നു. മന്ത്രാലയത്തിന്റെ ഇലക്ട്രോണിക് സംവിധാനം ദുരുപയോഗം ചെയ്യാനും, ഉപഭോഗ രേഖകൾ വ്യാജമായി നിർമിക്കാനും, നിയമവിരുദ്ധമായി പണം നൽകിയ ക്ലയന്റുകളുടെ ബില്ലുകൾ റദ്ദാക്കാനും ഇയാൾ മറ്റ് രണ്ട് പ്രതികളുമായി ചേർന്ന് ഗൂഢാലോചന നടത്തിയതായി പ്രോസിക്യൂട്ടർമാർ വ്യക്തമാക്കി.

ALSO READ: ഭൂമിയിലെ ഏറ്റവും ചൂടേറിയ സ്ഥലം കുവൈത്തോ?, ശാസ്ത്രജ്ഞര്‍ പറയുന്നതിങ്ങനെ

ഒരു ഓഡിറ്റിനിടെ ഇവരുടെ തട്ടിപ്പ് കണ്ടെത്തിയതിനെ തുടർന്ന് കേസ് പബ്ലിക് പ്രോസിക്യൂഷന് കൈമാറുകയായിരുന്നു. വ്യാജ രേഖ ചമയ്ക്കൽ, കൈക്കൂലി വാങ്ങൽ, ഔദ്യോഗിക കൃത്യനിർവഹണത്തിലെ വീഴ്ച, ഓഫീസ് ദുരുപയോഗം, പൊതു ഫണ്ടിന്റെ ദുരുപയോഗം എന്നീ കുറ്റങ്ങൾക്കാണ് മൂന്ന് പേരെയും കോടതി ശിക്ഷിച്ചത്.

A Kuwaiti court has sentenced three individuals to seven years in prison for embezzling 1 million Kuwaiti dinars from public funds using forged documents. Authorities continue their crackdown on financial crimes.