അമിനി: ലക്ഷദ്വീപ് ഭരണകൂടം പ്രതിരോധ ആവശ്യങ്ങളുടെ പേരിൽ ലക്ഷദ്വീപിലെ ഏറ്റവും ചെറിയ ദ്വീപായ ബിത്രയെ പൂർണ്ണമായും ഏറ്റെടുക്കാനുള്ള നീക്കങ്ങളുടെ ഭാഗമായാണ് സാമൂഹ്യ ആഘാത പഠനത്തിന് വിജ്ഞാപനം പുറപ്പെടുവിച്ചത്. തദ്ദേശവാസികളോടോ ജനപ്രതിനിധികളോടോ യാതൊരു മുൻകൂട്ടിയുള്ള സംവാദവുമില്ലാതെ പുറത്തിറക്കിയ ഈ വിജ്ഞാപനത്തിനെതിരെ ലക്ഷദ്വീപ് കോൺഗ്രസ് കടുത്ത പ്രതിഷേധം രേഖപ്പെടുത്തി.

ലക്ഷദ്വീപ് കോൺഗ്രസ് പ്രസിഡന്റ് ഹംദുള്ള സഈദ് എംപിയുടെ നിർദ്ദേശപ്രകാരം, പാർട്ടി ഏകോപിതമായി എല്ലാ ദ്വീപുകളിലേയും ഡെപ്യൂട്ടി കലക്ടറുടെ ഓഫീസിലേക്ക് പ്രതിഷേധ പ്രകടനങ്ങൾ സംഘടിപ്പിക്കുകയാണ്. ഈ നടപടിയുടെ ഭാഗമായി അമിനി ദ്വീപിൽ ബ്ലോക്ക് കോൺഗ്രസ് സംഘടിപ്പിച്ച പ്രതിഷേധം ശ്രദ്ധേയമായിരുന്നു.

പ്രതിഷേധ പരിപാടിക്ക് ബ്ലോക്ക് കോൺഗ്രസ് പ്രസിഡണ്ട് നാസിം എംസി നേതൃത്വം നൽകി. പ്രമുഖ നേതാക്കളായ എൻ. ബർകത്തുള്ള (മുൻ വിപിസിസി, ബ്ലോക്ക് കോൺഗ്രസ് ജനറൽ സെക്രട്ടറി), പി.കെ. അബ്ദുസ്സലാം (എൽടിസിസി ജനറൽ സെക്രട്ടറി), കെ.ബി. സെയ്ദ് ഷൈക്കോയ (എൽടിസിസി സെക്രട്ടറി),സൈദ് മുഹമ്മദ് കോയ (മുൻ ബ്ലോക്ക് പ്രസിഡണ്ട്),ശിഹാബ് മമ്പുറം (യൂത്ത് കോൺഗ്രസ് സംസ്ഥാന ഉപാധ്യക്ഷൻ),ഹംദുള്ള പടിപ്പുര (യൂത്ത് കോൺഗ്രസ് അമിനി യൂണിറ്റ് പ്രസിഡണ്ട്) ശുഹൈബ് മമ്പുറം NSUI സംസ്ഥാന സെക്രട്ടറി എന്നിവർ സംസാരിച്ചു.

ALSO READ: വി.എസ് അച്യുതാനന്ദന് വിട നൽകാൻ കേരളം; ഉച്ചയോടെ വിലാപയാത്ര ആരംഭിക്കും 

ബിത്ര ദ്വീപ് ഏറ്റെടുക്കാനുള്ള ഭരണകൂട നീക്കം ജനാധിപത്യത്തെയും ഭരണഘടനാ മൂല്യങ്ങളെയും അവഗണിക്കുന്നതാണെന്നും, തദ്ദേശവാസികളുടെ അവകാശങ്ങൾ കണക്കിലെടുക്കാതെ സ്വീകരിച്ച ഈ തീരുമാനം സർക്കാർ പിന്‍വലിക്കണമെന്നും നേതാക്കൾ ആവശ്യപ്പെട്ടു.

 significant opposition in Aminidivi against the decision to take control of Bitra Island. The move has sparked strong protests among the locals, reflecting their dissatisfaction with the decision.