കൊച്ചി: കേരളത്തില്‍ സ്വര്‍ണവപണിയില്‍ ഇന്ന് വന്‍ കുതിപ്പാണ് രേഖപ്പെടുത്തിയിരിക്കുന്നത്. രാജ്യാന്തര വിപണിയാണ് കേരളത്തിലും വില നിര്‍ണയിക്കുന്നത്. രാജ്യാന്തര വിപണിയില്‍ ഇന്ന് വില ഉയര്‍ന്നിരിക്കുകയാണ്. അതാണ് കേരളത്തിലെ കുതിപ്പിന് കാരണമായതെന്ന് വ്യാപാരികള്‍ ചൂണ്ടിക്കാട്ടുന്നു. ഡോളര്‍ മൂല്യവും ഇടിഞ്ഞിട്ടുണ്ട്. ക്രൂഡ് ഓയില്‍ വിലയില്‍ നേരിയ കുറവ് സംഭവിച്ചപ്പോള്‍ ബിറ്റ് കോയിന്‍ വില ഉയരുന്നതാണ് കാണുന്നത്. ഇന്ത്യന്‍ രൂപയുടെ മൂല്യവും താഴ്ന്നിരിക്കുകയാണ്. അതേസമയം, കേരളത്തില്‍ വെള്ളിയുടെ വിലയില്‍ ഇന്ന് മാറ്റമില്ല. എന്നാല്‍ രാജ്യാന്തര വിപണിയില്‍ വെള്ളി വില ഔണ്‍സിന് 39 ഡോളറിലേക്ക് അടുത്തിരിക്കുകയാണെന്നും റിപ്പോര്‍ട്ടുകള്‍ സൂചിപ്പിക്കുന്നു.

ALSO READ: പരിസ്ഥിതിക്ക് കലഹിച്ച പടനായകൻ
ഇന്നത്തെ വില അറിയാം

കേരളത്തില്‍ ഇന്ന് സ്വര്‍ണം ഗ്രാമിന് 105 രൂപ വര്‍ധിച്ച് 9285 രൂപയായി. പവന് 840 രൂപ കൂടി 74280 രൂപയുമായി. 22 കാരറ്റ് സ്വര്‍ണത്തിന്റെ വിലയാണിത്. പവന് ഈ മാസം രേഖപ്പെടുത്തുന്ന ഏറ്റവും ഉയര്‍ന്ന നിരക്കാണിത്. 240 രൂപ കൂടി വര്‍ധിച്ചാല്‍ സര്‍വകാല റെക്കോര്‍ഡ് വിലയിലെത്തും പവന്‍ സ്വര്‍ണത്തിന്റെ വില. വൈകാതെ തന്നെ ഈ റെക്കോര്‍ഡ് ഭേദിക്കുമെന്നാണ് നിരീക്ഷകര്‍ പറയുന്നത്. 

ഇന്നത്തെ വില വ്യത്യസ്ത കാരറ്റുകള്‍ക്ക് ഇങ്ങനെ
24 കാരറ്റ്
ഗ്രാമിന് 114 രൂപ വര്‍ധിച്ച് 10,129
പവന്‍ 912 രൂപ വര്‍ധിച്ച് 81,032

22 കാരറ്റ്
ഗ്രാമിന് 105 രൂപ വര്‍ധിച്ച് 9,285
പവന്‍ 840 രൂപ വര്‍ധിച്ച് 74,280

18 കാരറ്റ്
ഗ്രാമിന് 86 രൂപ വര്‍ധിച്ച് 7,597
പവന്‍ 688 രൂപ വര്‍ധിച്ച് 60,776

വിപണിയെ ആശയക്കുഴപ്പത്തിലാക്കി യു.എസിന്റെ നീക്കങ്ങള്‍
അമേരിക്കയും ഇന്ത്യയും തമ്മിലുള്ള വ്യാപാര കരാര്‍ ഉടന്‍ സാധ്യതയില്ല എന്ന് റിപ്പോര്‍ട്ടുകള്‍ സൂചിപ്പിക്കുന്നു. അതിനാല്‍ നേരത്തെ നിശ്ചയിച്ച 26 ശതമാനം ഇറക്കുമതി നികുതി അമേരിക്ക ഇന്ത്യന്‍ ഉല്‍പ്പന്നങ്ങള്‍ക്ക് ചുമത്തിയേക്കുമെന്നും റിപ്പോര്‍ട്ടുകള്‍ വ്യക്തമാക്കുന്നു. മറ്റു പല ഏഷ്യന്‍ രാജ്യങ്ങളേക്കാളും കൂടുതലാണ് ഈ നികുതി.  അടുത്ത മാസം ഒന്ന് മുതല്‍ പുതിയ നികുതി വരുമെന്ന ട്രംപിന്റെ അറിയിപ്പ് വിപണിയില്‍ ആശങ്ക സൃഷ്ടിച്ചിരിക്കുകയാണ്. അതേസമയം, അമേരിക്കയില്‍ വരാനിരിക്കുന്ന മറ്റൊരു മാറ്റം സ്വര്‍ണവിലയെ ഉയര്‍ത്തുമെന്നും നിരീക്ഷകര്‍ ചൂണ്ടിക്കാട്ടുന്നു. 
 

വിപണിയില്‍ ആശങ്ക വ്യാപിക്കുന്ന വേളയില്‍ നിക്ഷേപകര്‍ കൂടുതലായി സ്വര്‍ണത്തിലേക്ക് തിരിയും. സാമ്പത്തിക രംഗത്തെ ഇടിവ് തങ്ങളെ ബാധിക്കാതിരിക്കാന്‍ സ്വര്‍ണം വാങ്ങുക എന്നതാണ് അവര്‍ ചെയ്യുന്നത്. ഏത് സമയവും വിറ്റ് പണമാക്കി മാറ്റാന്‍ സാധിക്കുമെന്നതാണ് ഇതില്‍ അവര്‍ കാണുന്ന ലാഭം. 

Gold prices in Kerala witnessed a significant jump today, driven by a surge in the international gold market. Traders attribute the local spike to global price trends, which continue to influence the state's gold rates.