ഓസ്ട്രേലിയക്കെതിരായ ഏകദിന, ടി-20 പരമ്പരക്കുള്ള  സൗത്ത് ആഫ്രിക്കൻ ടീമിനെ പ്രഖ്യാപിച്ചു. മൂന്ന് ഏകദിനവും മൂന്ന് ടി-20യുമാണ് പരമ്പരയിൽ ഉള്ളത്. ഓഗസ്റ്റ് 10 മുതലാണ് പരമ്പരക്ക് തുടക്കമാവുന്നത്. സൗത്ത് ആഫ്രിക്കൻ ടീമിൽ ഐഡൻ മാർക്രാം, ടെംബ ബാവുമ എന്നിവർ തിരിച്ചെത്തി. സമീപകാലങ്ങളിൽ നടന്ന പരമ്പരകളിൽ നിന്നും വിട്ടുനിന്ന റയാൻ റിക്കിൾട്ടൺ, ട്രിസ്റ്റൻ സ്റ്റബ്‌സ്, കാഗിസോ റബാഡ എന്നിവരും രണ്ട് ഫോർമാറ്റുകളിലേക്കും തിരിച്ചെത്തി.

സിംബാബ്‌വെയ്‌ക്കെതിരെയുള്ള ടെസ്റ്റ് പരമ്പരയിൽ അരങ്ങേറ്റം കുറിച്ച പ്രെനെലൻ സുബ്രയെൻ ടി-20, ഏകദിന ടീമുകളിലേക്ക് ആദ്യമായി തെരഞ്ഞെടുക്കപ്പെട്ടു. ലുഹാൻ-ഡ്രെ പ്രിട്ടോറിയസ് ആദ്യമായി ഏകദിന ടീമിലേക്ക് തെരഞ്ഞെടുക്കപ്പെട്ടു.

ടി-20, ഏകദിന ടീമിൽ യുവതാരം ഡെവാൾഡ് ബ്രെവിസും ഇടം നേടി. 2025 ഐപിഎല്ലിൽ ചെന്നൈ സൂപ്പർ കിങ്സിനായി മികച്ച പ്രകടനമാണ് ബ്രെവിസ് പുറത്തെടുത്തിരുന്നത്. പരുക്കേറ്റ സിമർജിത് സിങ്ങിന് പകരക്കാരനായാണ് സൗത്ത് ആഫ്രിക്കൻ താരത്തെ ചെന്നൈ ടീമിലെത്തിച്ചത്.

ബ്രെവിസ് ഇതിനു മുമ്പ് ഐപിഎല്ലിൽ മുംബൈ ഇന്ത്യൻസിന് വേണ്ടി കളിച്ചിട്ടുണ്ട്. താരം 10 മത്സരങ്ങളിലാണ് മുംബൈക്കായി കളിച്ചത്.  2.2 കോടി രൂപക്കായിരുന്നു താരത്തെ ചെന്നൈ ലേലത്തിൽ സ്വന്തമാക്കിയിരുന്നത് ജൂനിയർ എബിഡി എന്ന വിശേഷണമുള്ള താരം കൂടിയാണ് ബ്രെവിസ്. സൂപ്പർതാരത്തിന്റെ കടന്നുവരവോടെ സൗത്ത് ആഫ്രിക്കൻ ബാറ്റിംഗ് നിര കൂടുതൽ കരുത്തുറ്റതായി മാറുമെന്നാണ് പ്രതീക്ഷിക്കുന്നത്. 

സൗത്ത് ആഫ്രിക്ക ടി-20 സ്‌ക്വാഡ്

ഐഡൻ മാർക്രം (ക്യാപ്റ്റൻ), കോർബിൻ ബോഷ്, ഡെവാൾഡ് ബ്രെവിസ്, നാൻഡ്രെ ബർഗർ, ജോർജ്ജ് ലിൻഡെ, ക്വേന മഫാക, സെനുരൻ മുത്തുസാമി, ലുങ്കി എൻഗിഡി, എൻകാബ പീറ്റർ, ലുഹാൻ-ഡ്രെ പ്രിട്ടോറിയസ്, കാഗിസോ റബാഡ, റയാൻ റിക്കൽട്ടൺ, ട്രിസ്റ്റൻ സ്റ്റബ്സ്, പ്രെനെലൻ സുബ്രയേൻ, റാസി വാൻ ഡെർ ഡുസെൻ.

സൗത്ത് ആഫ്രിക്ക ഏകദിന സ്‌ക്വാഡ് 

ടെംബ ബവുമ (ക്യാപ്റ്റൻ), കോർബിൻ ബോഷ്, മാത്യു ബ്രീറ്റ്‌സ്‌കെ, ഡെവാൾഡ് ബ്രെവിസ്, നാൻഡ്രെ ബർഗർ, ടോണി ഡി സോർസി, ഐഡൻ മാർക്രം, സെനുരൻ മുത്തുസാമി, കേശവ് മഹാരാജ്, വിയാൻ മുൾഡർ, ലുങ്കി എൻഗിഡി, ലുഹാൻ ഡ്രെ പ്രിട്ടോറിയസ്, കാഗിസോ റബാഡ, റയാൻ റിക്കൽട്ടൺ, ട്രിസ്റ്റൻ സ്റ്റബ്സ്, പ്രെനെലൻ സുബ്രയേൻ.

South Africa have announced their squad for the ODI and T20 series against Australia The series will consist of three ODIs and three T20Is The series will begin on August 10 Youngster Dewald Brevis has also been included in the T20 and ODI squads