കല്‍പ്പറ്റ: വയനാട്ടില്‍ പന്നിക്കെണിയില്‍ നിന്ന് ഷോക്കേറ്റ് സഹോദരങ്ങള്‍ക്ക് ദാരുണാന്ത്യം. പൂവന്നിക്കുംതടത്തില്‍ അനൂപ്(37), ഷിനു (35) എന്നിവരാണ് മരിച്ചത്. മൃഗങ്ങളെ തടയാനായി സ്ഥാപിച്ച വൈദ്യുതി വയറില്‍ നിന്നാണ് ഷോക്കേറ്റത്. സ്ഥലത്ത് കെഎസ്ഇബി ഉദ്യോഗസ്ഥര്‍ പരിശോധന നടത്തി.

കരിങ്കണ്ണിക്കുന്നില്‍ പാട്ടത്തിനെടുത്ത സ്ഥലത്ത് അനൂപും ഷിനുവും കോഴിഫാം നടത്തിയി വരികയായിരുന്നു. ഇവിടെ നായ ഉള്‍പ്പെടെയുള്ള മൃഗങ്ങളുടെ ശല്യം ഉണ്ടായിരുന്നു. ഇതിനെ പ്രതിരോധിക്കാന്‍ സ്ഥാപിച്ച വൈദ്യുതി ലൈനില്‍ നിന്നാണ് ഇരുവര്‍ക്കും ഷോക്കേറ്റത്. ഇന്ന് രാവിലെ ആശുപത്രിയില്‍ എത്തിച്ചെങ്കിലും ഇരുവരും മരിച്ചു

മൃതദേഹം കല്‍പ്പറ്റയിലെ വിവിധ ആശുപത്രികളിലേക്ക് മാറ്റി.