നാഗർകോവിൽ: സുഹൃത്തായ അഭിഭാഷകന്റെ വീട്ടിൽ നിന്ന് 11 പവൻ സ്വർണമാല കവർന്ന കേസിൽ യുവ അഭിഭാഷകയും തമിഴക വെട്രി കഴകം (ടിവികെ) പാർട്ടിയുടെ മെൽപുരം യൂണിയൻ ജോയിന്റ് സെക്രട്ടറിയുമായ ആർഷിത ഡിഫ്നി (23) യെ പൊലിസ് അറസ്റ്റ് ചെയ്തു. രാജാക്കമംഗലം പൊലിസാണ് അന്വേഷണത്തിനൊടുവിൽ പ്രതിയെ പിടികൂടിയത്. സ്വർണാഭരണം പ്രതിയിൽ നിന്ന് പൊലിസ് കണ്ടെടുത്തു.

ALSO READ: ആളിക്കത്തി പ്രക്ഷോഭം: നേപ്പാൾ പ്രധാനമന്ത്രി ശർമ ഒലി രാജിവച്ചു 

വിളവങ്കോട് ചെറുവല്ലൂർ സ്വദേശിനിയായ ആർഷിത ഡിഫ്നി നാഗർകോവിൽ കോടതിയിൽ പ്രാക്ടീസ് ചെയ്യുന്നതിനിടെ പരിചയപ്പെട്ട രാജാക്കമംഗലം പഴവിള സ്വദേശി വിജയകുമാർ (28) ന്റെ വീട്ടിലെത്തിയതായിരുന്നു. ബാത്ത്റൂം ഉപയോഗിക്കാനെന്ന വ്യാജേന വീട്ടിനകത്ത് കയറിയ പ്രതി അവസരം മുതലെടുത്ത് സ്വർണമാല കവർന്നതായി പരാതിയിൽ പറയുന്നു. ആർഷിത വീട്ടിൽ നിന്ന് മടങ്ങിയ ശേഷം മാല കാണാതായതായി വിജയകുമാർ പൊലിസിൽ പരാതി നൽകി. തുടർന്ന് നടത്തിയ അന്വേഷണത്തിലാണ് പ്രതിയെ അറസ്റ്റ് ചെയ്തത്. നിലവിൽ പ്രതിയെ ചോദ്യം ചെയ്തു വരുന്നതായും കൂടുതൽ അന്വേഷണം നടക്കുന്നതായും പൊലിസ് അറിയിച്ചു.‌‌

ALSO READ: ആളിക്കത്തി ജെൻസി പ്രക്ഷോഭം: നേപ്പാളിൽ കുടുങ്ങിയവരിൽ മലയാളികളും; കോഴിക്കോട് സ്വദേശികളായ 40 അംഗ സംഘത്തിന്റെ യാത്ര പ്രതിസന്ധിയിൽ

കന്യാകുമാരി ജില്ലയിലെ രാജാക്കമംഗലത്ത് നടന്ന സംഭവം പ്രദേശത്ത് ഏറെ ചർച്ചയായിരിക്കുകയാണ്. ടിവികെ പാർട്ടിയുമായുള്ള ബന്ധം കൂടി വെളിപ്പെട്ടതോടെ കേസ് രാഷ്ട്രീയ ശ്രദ്ധയും നേടിയിട്ടുണ്ട്. പ്രതി യുവ അഭിഭാഷകയാണെന്ന വസ്തുതയും സംഭവത്തിന് പുതിയ മാനങ്ങൾ നൽകുന്നു. അന്വേഷണം പുരോഗമിക്കുന്നതിനിടെ കൂടുതൽ വിവരങ്ങൾ പുറത്തുവരുമെന്നാണ് പ്രതീക്ഷിക്കുന്നത്.

ALSO READ: എസ്‌ഡിപിഐ പ്രവർത്തകൻ കൊല്ലപ്പെട്ടതിന്റെ വാർഷികദിനത്തിൽ കേക്ക് മുറിച്ച് ആഘോഷം; ആർഎസ്എസ് പ്രവർത്തകരുടെ ഇൻസ്റ്റാഗ്രാം അക്കൗണ്ടിനെതിരെ കേസ്

A 23-year-old lawyer, Arshitha Difny, was arrested in Nagercoil for stealing 11 pawan gold from the house of her friend, Vijayakumar, under the pretext of using the bathroom. The theft occurred in Rajakkamangalam, and the police recovered the stolen gold after an investigation prompted by Vijayakumar's complaint.