ഇന്ത്യയിലെ ആദ്യത്തെ ഹൈഡ്രജൻ പവർ കോച്ച് ചെന്നൈയിലെ ഇന്റഗ്രൽ കോച്ച് ഫാക്ടറിയിൽ (ഐസിഎഫ്) വിജയകരമായി പരീക്ഷിച്ചു. പരിസ്ഥിതി സൗഹൃദ റെയിൽ നവീകരണത്തിനായുള്ള ഒരു പ്രധാന നീക്കത്തിന്റെ ഭാഗമാണ് ഈ പരീക്ഷണം. സംഭവം, ഔദ്യോ​ഗികമായി സ്ഥിരീകരിച്ച് കേന്ദ്ര റെയിൽവേ മന്ത്രി അശ്വിനി വൈഷ്ണവ് എക്സിൽ ഒരു വീഡിയോ പോസ്റ്റ് ചെയ്തു. റെയിൽവേ യാത്രക്കാർക്കുള്ള കോച്ചുകൾ നിർമിക്കുന്ന പ്രമുഖ യൂണിറ്റായ ICF-ൽ നടന്ന പരീക്ഷണ ഓട്ടത്തിന്റെ ദൃശ്യങ്ങളാണ് വീഡിയോയിൽ.

ALSO READ: ഭർത്താവിനെ വൈദ്യുതാഘാതമേൽപ്പിച്ച് കൊന്ന ഭാര്യയും കാമുകനും അറസ്റ്റിൽ

ഇന്ത്യ 1,200 എച്ച്പി ഹൈഡ്രജൻ ട്രെയിൻ വികസിപ്പിച്ചുകൊണ്ടിരിക്കുകയാണെന്ന് പറഞ്ഞ മന്ത്രി, ഇത് ഹൈഡ്രജൻ ഉപയോഗിച്ച് പ്രവർത്തിക്കുന്ന ട്രെയിൻ സാങ്കേതികവിദ്യയിൽ ഇന്ത്യയെ മുൻനിരയിൽ എത്തിക്കുമെന്നും ചൂണ്ടിക്കാട്ടി.  

നേരത്തെ, ഇന്ത്യൻ റെയിൽവേ ഇന്ത്യയുടെ ആദ്യ ഹൈഡ്രജൻ ട്രെയിൻ വികസിപ്പിക്കുന്നതിനുള്ള ഒരു പദ്ധതി ഏറ്റെടുത്തതായി മന്ത്രി വ്യക്തമാക്കിയിരുന്നു. ഈ ട്രെയിൻ ലോകത്തിലെ ഏറ്റവും നീളമേറിയതും ഏറ്റവും ശക്തമായതുമായ ഹൈഡ്രജൻ ട്രെയിനുകളിൽ ഒന്നായിരിക്കുമെന്ന് അദ്ദേഹം സൂചിപ്പിച്ചു. ഈ ട്രെയിനിന്റെ ആദ്യ പരീക്ഷണ ഓട്ടം ഹരിയാനയിലെ ജിന്ദ്-സോനിപത് റൂട്ടിൽ നടക്കുമെന്ന് മന്ത്രി വ്യക്തമാക്കിയിരുന്നു. 

ALSO READ: കോഴിക്കറിയും ചൈനീസ് വിഭവങ്ങളും ആവശ്യത്തിന് നൽകിയില്ല; ഭാര്യയെ ക്രൂരമായി മർദിച്ച ഭർത്താവ് അറസ്റ്റിൽ

ലോകത്തിലെ നാല് രാജ്യങ്ങളിൽ ഹൈഡ്രജൻ ഉപയോഗിച്ച് പ്രവർത്തിക്കുന്ന ട്രെയിനുകൾ ഉണ്ട്. മന്ത്രിയുടെ അഭിപ്രായത്തിൽ, അവർ 500 മുതൽ 600 വരെ കുതിരശക്തി ഉത്പാദിപ്പിക്കുന്നു. മറുവശത്ത്, ഇന്ത്യ നിർമ്മിക്കുന്ന എഞ്ചിന് 1,200 കുതിരശക്തിയുണ്ട്, ഈ വിഭാഗത്തിൽ ഇതുവരെയുള്ളതിൽ വച്ച് ഏറ്റവും ഉയർന്നത്. ഹൈട്രജൻ ഇന്ധനമായി പ്രവർത്തിക്കുന്ന ട്രെയിനുകൾ ഓടിക്കുന്ന നാല് രാജ്യങ്ങൾ ജർമ്മനി, ഫ്രാൻസ്, സ്വീഡൻ, ചൈന എന്നിവയാണ്.

The Integral Coach Factory (ICF) in Chennai has successfully tested India's first hydrogen-powered coach, marking a significant step towards eco-friendly rail modernization. Union Railway Minister Ashwini Vaishnaw officially confirmed the development through a video post on X, showcasing the trial run at ICF, a leading unit in manufacturing railway coaches for passengers [1].