മാഞ്ചസ്റ്റർ: ഇന്ത്യക്കെതിരായ നാലാം ടെസ്റ്റിൽ ഇംഗ്ലണ്ടിനായി സെഞ്ച്വറി നേടി ജോ റൂട്ട്. മാഞ്ചസ്റ്ററിലെ ഓൾഡ് ട്രാഫോഡിൽ നടക്കുന്ന മത്സരത്തിന്റെ ഒന്നാം ഇന്നിങ്‌സിലാണ് റൂട്ട് സെഞ്ച്വറി നേടിയത്. 248 പന്തിൽ 150 റൺസാണ് റൂട്ട് അടിച്ചെടുത്തത്. 14 ഫോറുകൾ അടങ്ങുന്നതാണ് താരത്തിന്റെ ഇന്നിങ്‌സ്. ടെസ്റ്റ് ക്രിക്കറ്റിലെ താരത്തിന്റെ 38ാം സെഞ്ച്വറിയായിരുന്നു ഇത്.

ഈ സെഞ്ച്വറിയോടെ ടെസ്റ്റ് ക്രിക്കറ്റിൽ ഇന്ത്യക്കെതിരെ ഏറ്റവും കൂടുതൽ സെഞ്ച്വറി നേടുന്ന താരമായി മാറാനും റൂട്ടിന് സാധിച്ചു. ഇന്ത്യക്കെതിരെ റൂട്ട് നേടുന്ന 12ാം സെഞ്ച്വറിയായിരുന്നു ഇത്. 11 സെഞ്ച്വറികൾ നേടിയ ഓസ്‌ട്രേലിയൻ താരം സ്റ്റീവ് സ്മിത്തിനെ മറികടന്നാണ് റൂട്ട് ഈ നേട്ടം കൈവരിച്ചത്. ഗാരി സോബേഴ്സ്, വിവിയൻ റിച്ചാർഡ്സ്, റിക്കി പോണ്ടിംഗ് എന്നിവരാണ് ഈ പട്ടികയിൽ സ്മിത്തിന് പുറകിൽ ഉള്ളത്. ഈ മൂന്ന് താരങ്ങളും എട്ട് സെഞ്ച്വറികളാണ് ടെസ്റ്റിൽ ഇന്ത്യക്കെതിരെ നേടിയത്.

അതേസമയം മാഞ്ചസ്റ്ററിൽ നടക്കുന്ന നാലാം ടെസ്റ്റിൽ ഇംഗ്ലണ്ട് പ്ലെയിങ് ഇലവനിൽ ഒരു മാറ്റമാണ് വരുത്തിയത്. പരുക്കേറ്റ ഷോയിബ് ബഷീറിന് പകരം ലിയാം ഡോസൺ ടീമിൽ എത്തി. ഇന്ത്യ മൂന്ന് മാറ്റങ്ങളാടെയാണ് കളത്തിൽ ഇറങ്ങിയത്. കരുൺ നായരിന് പകരം സായ് സുദർശൻ, നിതീഷ് കുമാർ റെഡ്ഡിക്ക് പകരം ഷാർദ്ദുൽ താക്കൂർ, ആകാശ് ദീപിന് പകരം അൻഷുൽ കാംബോജ് എന്നിവരാണ് ഇന്ത്യയുടെ പ്ലേയിംഗ് ഇലവനിലെത്തിയത്.

ഇന്ത്യ പ്ലെയിങ് ഇലവൻ

യശസ്വി ജയ്‌സ്വാൾ, ശുഭ്മാൻ ഗിൽ (ക്യാപ്റ്റൻ), രവീന്ദ്ര ജഡേജ, വാഷിംഗ്ടൺ സുന്ദർ, ഷാർദുൽ താക്കൂർ, ഋഷഭ് പന്ത് (വിക്കറ്റ് കീപ്പർ), കെ എൽ രാഹുൽ, സായ് സുദർശൻ, അൻഷുൽ കംബോജ്, ജസ്പ്രീത് ബുംറ, മുഹമ്മദ് സിറാജ്.

ഇംഗ്ലണ്ട് പ്ലെയിങ് ഇലവൻ

സാക്ക് ക്രാളി, ബെൻ ഡക്കറ്റ്, ഒല്ലി പോപ്പ്, ജോ റൂട്ട്, ഹാരി ബ്രൂക്ക്, ബെൻ സ്റ്റോക്സ് (ക്യാപ്റ്റൻ), ജാമി സ്മിത്ത് (വിക്കറ്റ് കീപ്പർ), ലിയാം ഡോസൺ, ക്രിസ് വോക്സ്, ബ്രൈഡൺ കാർസെ, ജോഫ്ര ആർച്ചർ.

Joe Root Create a Historical Record against India in Test Cricket