ഇടുക്കി: വട്ടവടയില്‍ 5 കിലോമീറ്ററിലധികം ദൂരമാണ് പരിക്കു പറ്റിയ ആദിവാസി  സ്ത്രീയെ ചികിത്സയ്ക്കായി ചുമന്നു കൊണ്ടുപോയത്. ഇവിടെ വാഹനസൗകര്യമില്ലാത്തതാണ് വത്സപ്പെട്ടി കുടിയിലെ ഗാന്ധിയമ്മാളിനെ ആശുപത്രിയിലേക്ക് ചുമന്ന് കൊണ്ട് പോകേണ്ടി വന്നത്.

വട്ടവടയെയും കാന്തല്ലൂരുമായി ബന്ധിപ്പിക്കാനുള്ള പാതയ്ക്ക് വനംവകുപ്പ് തടസ്സം നില്‍ക്കുന്നതാണ് പ്രശ്‌നമെന്നാണ് ഉന്നതിയിലെ താമസക്കാര്‍  പറയുന്നത്. 14 കിലോമീറ്റര്‍ പാതവന്നാല്‍ അടിയന്തര ചികിത്സാ സഹായമുള്‍പ്പെടെ വത്സപ്പെട്ടിക്കുടിക്കാര്‍ക്ക് കിട്ടും. നിലവില്‍ വാഹനസൗകര്യം പോലുമില്ലാത്ത വനപാത മാത്രമാണ് ആശ്രയമെന്നാണ് പ്രദേശവാസികളും പറയുന്നത്.