ഷാർജ: വേനൽക്കാലത്ത് റോഡ് അപകടങ്ങൾ വർധിക്കുന്ന സാഹചര്യത്തിൽ, ഡ്രൈവർമാർക്ക് ജാഗ്രതാ നിർദേശവുമായി ഷാർജ പൊലിസ്. ടയർ പരിശോധന നടത്താതെ വാഹനമോടിക്കുന്നത് അപകട സാധ്യത വർധിപ്പിക്കുമെന്ന് പൊലിസ് മുന്നറിയിപ്പ് നൽകി. ഇതിന്റെ ഭാഗമായി, സ്വകാര്യ മേഖലയിലെ ഇനോക് ഗ്രൂപ്പിന്റെ (തസ്ജീൽ) ഓട്ടോപ്രോയുമായി സഹകരിച്ച് ഷാർജ പൊലിസ് "ആക്സിഡന്റ്-ഫ്രീ സമ്മർ" എന്ന പേര് നൽകി സൗജന്യ വാഹന പരിശോധന ക്യാമ്പയിൻ ആരംഭിച്ചു.

സൗജന്യ വാഹന പരിശോധന: എന്താണ് പദ്ധതി?

ഷാർജയിലെ തസ്ജീൽ സെന്ററുകളിൽ വാഹനവുമായി എത്തുന്നവർക്ക് സൗജന്യമായി സമഗ്രമായ വാഹന പരിശോധന ലഭിക്കും. ടയർ പ്രഷർ, ടയറിന്റെ അവസ്ഥ, എൻജിൻ ബെൽറ്റ്, എയർ കണ്ടീഷനിങ് സംവിധാനം, ഫിൽട്ടറുകൾ, ഹെഡ്‌ലൈറ്റുകൾ, ടെയിൽ ലൈറ്റുകൾ, ബാറ്ററി, കൂളിങ് ഹോസുകൾ, ഫ്ലൂയിഡ് ലെവലുകൾ (എൻജിൻ ഓയിൽ, കൂളന്റ്) എന്നിവയെല്ലാം പരിശോധിക്കും. കാലാവധി കഴിഞ്ഞതോ കേടുപാടുകൾ ഉള്ളതോ ആയ ടയറുകൾ മാറ്റാതെ വാഹനമോടിക്കരുതെന്നും യാത്രയ്ക്ക് മുൻപ് ടയർ പ്രഷർ പരിശോധിക്കണമെന്നും പൊലിസ് ആവശ്യപ്പെട്ടു.

ALSO READ: പേപ്പർ ടിക്കറ്റുകൾക്ക് വിട: അബൂദബി അൽ വഹ്ദ മാളിൽ എഐ സ്മാർട്ട് പാർക്കിംഗ് സംവിധാനം വരുന്നു

ക്യാമ്പയിനിന്റെ ലക്ഷ്യം

വേനൽക്കാലത്തെ ഉയർന്ന താപനിലയിലും യാത്രകളുടെ വർധനവിലും ടയർ പരിശോധനകൾ അവഗണിക്കുന്നത് അപകടങ്ങൾക്ക് കാരണമാകുമെന്ന് ഷാർജ പൊലിസ് ചൂണ്ടിക്കാട്ടി. റോഡ് സുരക്ഷാ സംസ്കാരം പ്രോത്സാഹിപ്പിക്കുകയും വാഹന ഉടമകളിൽ അവബോധം വളർത്തുകയുമാണ് ഈ ക്യാമ്പയിനിന്റെ പ്രധാന ലക്ഷ്യം.

ക്യാമ്പയിനിന്റെ ഉദ്ഘാടന ചടങ്ങിൽ ഓപ്പറേഷൻസ് ആൻഡ് സെക്യൂരിറ്റി സപ്പോർട്ട് ഡെപ്യൂട്ടി ഡയറക്ടർ ജനറൽ ബ്രിഗേഡിയർ ഡോ. ജാസിം ബിൻ ഹദ്ദ അൽ സുവൈദി, വെഹിക്കിൾ ആൻഡ് ഡ്രൈവർ ലൈസൻസിംഗ് ഡിപ്പാർട്ട്‌മെന്റ് ഡയറക്ടർ ബ്രിഗേഡിയർ ഖാലിദ് മുഹമ്മദ് അൽ കേ, തസ്ജീലിലെ ഓപ്പറേഷൻസ് ഡയറക്ടർ റാഷിദ് അലി ഗാരിബ്, ടെക്‌നിക്കൽ ഇൻസ്‌പെക്ഷൻ ഡിപ്പാർട്ട്‌മെന്റ് മേധാവി മേജർ മർവാൻ ഒബൈദ് അൽ നഖ്ബി എന്നിവർ പങ്കെടുത്തു.

ALSO READ: യുഎഇയിൽ കനത്ത ചൂടിനിടയിൽ ആശ്വാസമായി മഴ; പൊതുജനങ്ങൾക്ക് ജാഗ്രതാ നിർദേശം

വാഹന പരിശോധന ജീവൻ രക്ഷിക്കാനും അപകടങ്ങൾ കുറയ്ക്കാനും സഹായിക്കുന്ന പ്രധാന മുൻകരുതൽ നടപടിയാണ്," ബ്രിഗേഡിയർ ഡോ. അൽ സുവൈദി പറഞ്ഞു. തസ്ജീലും ഓട്ടോപ്രോയുമായുള്ള പങ്കാളിത്തം റോഡ് സുരക്ഷ വർധിപ്പിക്കുന്നതിൽ നിർണായക പങ്ക് വഹിക്കാൻ പറ്റുമെന്നും അദ്ദേഹം കൂട്ടിച്ചേർത്തു. ക്യാമ്പയിനിന്റെ ഭാഗമായി, ഷാർജ പൊലിസ് റോഡുകളിൽ ക്രമരഹിതമായ സാങ്കേതിക പരിശോധനകൾ നടത്തും. കൂടാതെ, വിവിധ സർക്കാർ ഏജൻസികളിലെ ജീവനക്കാരുടെ വാഹനങ്ങൾ ഗതാഗത യോഗ്യത ഉറപ്പാക്കാൻ ഫീൽഡ് സന്ദർശനങ്ങളും നടത്തും.

ALSO READ: വിശപ്പിനെ ആയുധമാക്കിമാറ്റി ഇസ്റാഈൽ: ഗസ്സയിലെ പട്ടിണിമരണങ്ങൾ ചിന്തിക്കുന്നതിലും അപ്പുറം

ഷാർജയിലെ തസ്ജീൽ സെന്ററുകളിൽ ലഭ്യമായ ഈ സൗജന്യ സേവനം പരമാവധി പ്രയോജനപ്പെടുത്തണമെന്ന് പൊലിസ് ജനങ്ങളോട് അഭ്യർത്ഥിച്ചു. ടയർ പ്രഷർ, കാലാവധി, കേടുപാടുകൾ എന്നിവ പതിവായി പരിശോധിച്ച് സുരക്ഷിതമായ യാത്ര ഉറപ്പാക്കാൻ ഡ്രൈവർമാർ മുൻകരുതൽ എടുക്കണമെന്നും അധികൃതർ ഓർമ്മിപ്പിച്ചു.

Sharjah Police, in collaboration with Tasjeel's Autopro, has launched a free vehicle inspection campaign named "Accident-Free Summer" to reduce road accidents. The initiative, aimed at enhancing road safety during the summer, offers comprehensive checks at Tasjeel centers, including tire pressure, engine belts, AC systems, lights, battery, and fluid levels. Drivers are urged to regularly inspect tires and utilize the free service to ensure vehicle safety and prevent accidents