​

കണ്ണൂർ: കണ്ണൂർ സെൻട്രൽ ജയിലിൽ നിന്ന് കൊടും കുറ്റവാളി ഗോവിന്ദച്ചാമി രക്ഷപ്പെട്ട സംഭവത്തിൽ സമഗ്രമായ അന്വേഷണത്തിന് മുഖ്യമന്ത്രി പിണറായി വിജയൻ നിർദേശം നൽകി. സംഭവത്തിന്റെ ഗൗരവം കണക്കിലെടുത്ത് മുൻ കേരള ഹൈക്കോടതി ജഡ്ജി ജസ്റ്റിസ് (റിട്ട.) സി.എൻ. രാമചന്ദ്രൻ നായരുടെയും മുൻ സംസ്ഥാന പൊലിസ് മേധാവി ജേക്കബ് പുന്നൂസിന്റെയും നേതൃത്വത്തിൽ പ്രത്യേക അന്വേഷണ സംഘം രൂപീകരിക്കും. മുഖ്യമന്ത്രി വിളിച്ചുചേർത്ത ഉന്നതതല യോഗത്തിലാണ് ഈ തീരുമാനം. സംഭവത്തെ അതീവ ഗൗരവത്തോടെയാണ് സർക്കാർ കാണുന്നതെന്ന് മുഖ്യമന്ത്രി വ്യക്തമാക്കി. നിലവിൽ പൊലിസും ജയിൽ വകുപ്പും അന്വേഷണം നടത്തിവരികയാണ്.

ജയിൽ സുരക്ഷ ശക്തമാക്കാൻ നടപടികൾ

സംസ്ഥാനത്തെ പ്രധാന ജയിലുകളിൽ സുരക്ഷ വർധിപ്പിക്കാൻ യോഗത്തിൽ തീരുമാനമായി. അടുത്ത മൂന്ന് മാസത്തിനുള്ളിൽ നാല് പ്രധാന ജയിലുകളിൽ വൈദ്യുതി ഫെൻസിങ് പൂർണമായും പ്രവർത്തനക്ഷമമാക്കും. കൂടാതെ, സൂക്ഷ്മദൃശ്യങ്ങൾ പകർത്താൻ കഴിയുന്ന ഇന്റലിജന്റ് സിസിടിവി സംവിധാനം സ്ഥാപിക്കും. ജയിൽ ജീവനക്കാരുടെ ദീർഘകാല സേവനം ഒരേ സ്ഥലത്ത് തുടരുന്നത് ഒഴിവാക്കാൻ, അഞ്ച് വർഷം പൂർത്തിയാക്കിയവരെ മറ്റ് ജയിലുകളിലേക്ക് സ്ഥലം മാറ്റും.

ALSO READ: ധർമസ്ഥല കൂട്ടശവസംസ്കാര കേസ്: അഞ്ച് മണിക്കൂറും കഴിഞ്ഞ് മുൻ ശുചീകരണ തൊഴിലാളിയുടെ ​മൊഴിയെടുപ്പ്

കൊടും ക്രിമിനലുകളെ അതീവ സുരക്ഷാ ജയിലുകളിൽ പാർപ്പിക്കുന്നതിനൊപ്പം, അന്തർസംസ്ഥാന ജയിൽ മാറ്റവും പരിഗണിക്കും. ജയിലുകളിലെ വീഡിയോ കോൺഫറൻസിങ് സംവിധാനം ശക്തമാക്കാനും തടവുകാർക്ക് ലഭ്യമാകുന്ന സൗകര്യങ്ങൾ വർധിപ്പിക്കാനും തീരുമാനമായി. ജയിലിനുള്ളിലെ ഇന്റലിജൻസ് പ്രവർത്തനങ്ങൾ ശക്തിപ്പെടുത്തും.

ജയിലുകളിലെ തിരക്ക് കുറയ്ക്കാൻ കോട്ടയം, പത്തനംതിട്ട മേഖലകളിൽ പുതിയ സെൻട്രൽ ജയിൽ ആരംഭിക്കാൻ സ്ഥലം കണ്ടെത്താനും യോഗം തീരുമാനിച്ചു. നിലവിലെ അന്വേഷണങ്ങൾ അതിവേഗം പൂർത്തിയാക്കാൻ മുഖ്യമന്ത്രി നിർദേശം നൽകി.

ALSO READ: വിശപ്പിനെ ആയുധമാക്കിമാറ്റി ഇസ്റാഈൽ: ഗസ്സയിലെ പട്ടിണിമരണങ്ങൾ ചിന്തിക്കുന്നതിലും അപ്പുറം

Kerala Chief Minister Pinarayi Vijayan has ordered a thorough investigation into the escape of notorious criminal Govindachami from Kannur Central Jail. A special probe team, led by retired Kerala High Court Judge Justice C.N. Ramachandran Nair and former State Police Chief Jacob Punnoose, will conduct the inquiry