നിലമ്പൂര്‍: വീട്ടിക്കുത്ത് റോഡില്‍ സ്‌പെഷ്യല്‍ റസിഡന്‍സ് പര്‍പ്പസില്‍ നിര്‍മിക്കുന്ന കെട്ടിടത്തിന് നമ്പര്‍ നല്‍കി നഗരസഭ പഞ്ചനക്ഷത്ര ബാര്‍ തുടങ്ങാന്‍ ഒത്താശ നല്‍കുകയാണെന്ന് സി.പി.ഐ നിലമ്പൂര്‍ ലോക്കല്‍ കമ്മിറ്റി ആരോപിച്ചു. കള്ളുഷാപ്പുകള്‍ തുറക്കുന്നതുള്‍പ്പെടെ നിലമ്പൂരിലെ ലഹരിമാഫിയയെ സഹായിക്കുന്ന നിലപാടുകള്‍ ജനകീയ ചെറുത്തുനില്‍പ്പിലൂടെ പ്രതിരോധിക്കാന്‍ ലോക്കല്‍ കമ്മിറ്റി നേതൃത്വം നല്‍കുമെന്നും ഭാരവാഹികള്‍ അറിയിച്ചു.