കുവൈത്ത് സിറ്റി: ലൈസൻസില്ലാതെ വെടിയുണ്ടകളും മദ്യവും കൈവശം വെച്ചതിന് കുവൈത്ത് ആഭ്യന്തര മന്ത്രാലയം ഒരു ഡോക്ടറെയും പൈലറ്റിനെയും അറസ്റ്റ് ചെയ്തു. നിയമവിരുദ്ധ ആയുധങ്ങളും മദ്യവും തടയാനുള്ള ശക്തമായ നടപടികളുടെ ഭാഗമായാണ് അറസ്റ്റ്.

ALSO READ: മെഡിക്കല്‍ ലീവ് സര്‍ട്ടിഫിക്കറ്റ് നല്‍കാന്‍ വിസമ്മതിച്ചു; കുവൈത്തില്‍ രണ്ട് ഡോക്ടര്‍മാര്‍ക്ക് നേരേ ക്രൂര മര്‍ദനം

കുവൈത്ത് അന്താരാഷ്ട്ര വിമാനത്താവളത്തിൽ നടത്തിയ പരിശോധനയിൽ, ഒരു പ്രാദേശിക വിമാനക്കമ്പനിയിൽ ജോലി ചെയ്യുന്ന ഡോക്ടറുടെ ലഗേജിൽ നിന്ന് കസ്റ്റംസ് ഉദ്യോഗസ്ഥർ 64 റൗണ്ട് വെടിയുണ്ടകൾ കണ്ടെത്തുകയായിരുന്നു. ചോദ്യം ചെയ്യലിൽ, വെടിയുണ്ടകൾ തന്റേതാണെന്നും അവ അതേ എയർലൈനിലെ പൈലറ്റ് നൽകിയതാണെന്നും ഡോക്ടർ സമ്മതിച്ചു.

ഈ വിവരത്തിന്റെ അടിസ്ഥാനത്തിൽ, സുരക്ഷാ സേന വിമാനത്താവളത്തിൽ വച്ച് പൈലറ്റിനെയും കസ്റ്റഡിയിലെടുക്കുകയായിരുന്നു. ചോദ്യം ചെയ്യലിൽ ഡോക്ടറുടെ ആരോപണങ്ങൾ പൈലറ്റ് ശരിവച്ചു. തുടർന്ന്, പൈലറ്റിന്റെ വസതിയിലും വാഹനത്തിലും നടത്തിയ തിരച്ചിലിൽ 500 റൗണ്ട് ലൈസൻസില്ലാത്ത വെടിയുണ്ടകൾ കണ്ടെത്തി.

ALSO READ: പ്രവാസികളുടെ ഡ്രൈവിംഗ് ലൈസന്‍സിന്റെ കാലാവാധി 5 വര്‍ഷം; ഗതാഗത നിയമത്തില്‍ ഭേദഗതിയുമായി കുവൈത്ത്

കൂടുതൽ അന്വേഷണത്തിൽ, പൈലറ്റിന്റെ ഉടമസ്ഥതയിലുള്ള അൽ ഷാബ് അൽ ബഹ്‌രി പ്രദേശത്തെ മറ്റൊരു വസതിയിൽ നിന്ന് 87 കുപ്പി മദ്യവും വീട്ടിൽ മദ്യം നിർമിക്കാൻ ഉപയോഗിക്കുന്ന വസ്തുക്കളും അധികൃതർ കണ്ടെടുത്തു. ഓൺലൈൻ വെബ്‌സൈറ്റുകൾ വഴി ഓർഡർ ചെയ്ത സാധനങ്ങൾ ഉപയോഗിച്ച് വീട്ടിൽ വെച്ച് മദ്യം നിർമിച്ചതായി പൈലറ്റ് സമ്മതിച്ചു.

A doctor and a pilot were arrested in Kuwait after authorities discovered ammunition and alcoholic beverages in their possession without a license. Investigations are underway.