ഇന്ത്യ-ഇംഗ്ലണ്ട് ടെസ്റ്റ് പരമ്പരയിലെ അവസാന മത്സരം ജൂലൈ 31 മുതൽ ഓഗസ്റ്റ് നാല് വരെ ഓവറിലാണ് നടക്കുന്നത്. നിലവിൽ നാല് മത്സരങ്ങൾ പിന്നിട്ടപ്പോൾ ഇംഗ്ലണ്ട് 2-1ന് മുന്നിലാണ്. പരമ്പര സമനിലയാക്കാൻ ഇന്ത്യക്ക് വിജയം അനിവാര്യമാണ്. അവസാന മത്സരം സമനിലയിൽ അവസാനിച്ചാലും ബെൻ സ്റ്റോക്സിനും സംഘത്തിനും പരമ്പര വിജയം ഉറപ്പാക്കാം. 

അവസാന മത്സരത്തിൽ ഇന്ത്യൻ നായകൻ ശുഭ്മൻ ഗില്ലിനെ കാത്തിരിക്കുന്നത് ഒരു ചരിത്ര നേട്ടമാണ്. ഡോൺ ബ്രാഡ്മാന്റെ 88 വർഷം പഴക്കമുള്ള റെക്കോർഡ് തകർക്കാനുള്ള അവസരമാണ് ഗില്ലിന്റെ മുന്നിലുള്ളത്. അരങ്ങേറ്റ ടെസ്റ്റ് പരമ്പരയിൽ ഏറ്റവും കൂടുതൽ റൺസ് നേടുന്ന ക്യാപ്റ്റനെന്ന നേട്ടത്തിലേക്ക് ഗിൽ കണ്ണുവെക്കുന്നത്. ഇതിനായി ഗില്ലിന് വേണ്ടത് വെറും 89 റൺസ് മാത്രമാണ്. 1937 ൽ ഇംഗ്ലണ്ടിനെതിരെ ബ്രാഡ്മാൻ 810 റൺസ് നേടിയ ബ്രാഡ്മാന്റെ പേരിലാണ് ഈ നേട്ടമുള്ളത്. ഗിൽ ഈ പരമ്പരയിൽ ഇതുവരെ 722 റൺസ് ആണ് നേടിയിട്ടുള്ളത്. 

മാഞ്ചസ്റ്ററിൽ നടന്ന നാലാം ടെസ്റ്റിൽ സെഞ്ച്വറി നേടി ഗിൽ തിളങ്ങിയിരുന്നു. 238 പന്തിൽ 102 റൺസാണ് ഗിൽ നേടിയത്. 12 ഫോറുകൾ അടങ്ങുന്നതാണ് ഗില്ലിന്റെ പ്രകടനം. ഈ പരമ്പരയിലെ ഗില്ലിന്റെ നാലാം സെഞ്ച്വറി ആയിരുന്നു ഇത്. ഒരു ടെസ്റ്റ് പരമ്പരയിൽ നാല് സെഞ്ച്വറികൾ നേടുന്ന മൂന്നാമത്തെ ക്യാപ്റ്റനായും ഗിൽ മാറിയിരുന്നു.  ഡോൺ ബ്രാഡ്മാൻ, സുനിൽ ഗവാസ്‌കർ എന്നിവർക്ക് ശേഷമാണ് ഗിൽ ഈ റെക്കോർഡ് കൈവരിക്കുന്നത്. 1947ൽ ഇന്ത്യക്കെതിരായ പരമ്പരയിലാണ് ബ്രാഡ്മാൻ നാല് സെഞ്ച്വറികൾ സ്വന്തമാക്കിയത്. ഗവാസ്‌കർ 1978ൽ വെസ്റ്റ് ഇൻഡീസിനെതിരെയുമാണ് നാല് സെഞ്ച്വറികൾ നേടിയത്. 

നീണ്ട 35 വർഷങ്ങൾക്ക് ശേഷമാണ് മാഞ്ചസ്റ്ററിൽ ഒരു ഇന്ത്യൻ താരം ടെസ്റ്റിൽ സെഞ്ച്വറി നേടുന്നത്. ഗില്ലിന് മുമ്പ് മാഞ്ചസ്റ്ററിൽ ഇന്ത്യക്കായി സെഞ്ച്വറി നേടിയിരുന്നത് സച്ചിൻ ടെണ്ടുൽക്കറായിരുന്നു. 1990ൽ സച്ചിൻ പുറത്താവാതെ 119 റൺസാണ് നേടിയിരുന്നത്. താരത്തിന്റെ ഈ മിന്നും പ്രകടനം ഓവലിലും ആവർത്തിക്കുമെന്നാണ് പ്രതീക്ഷിക്കുന്നത്.   

shubhman gill need 89 runs to break don bradman record in test cricket